2008
24.desember
Mosfellsfréttir óska
lesendum sínum bestu óskir um friðsæla jólahátíð og farsæld á komandi ári,
með þökk fyrir samstarfið á árinu sem er að líða.
19.desember
Mosfellsfréttum
er dreift í dag
Mosfellsfréttum er dreif í dag en blaðið má lesa á netinu undir
hnappnum blöð hér neðar á síðunni til vinstri.
17.desember
Mosfellsfréttir
er í prentun
Mosfellsfréttir
24. árg, 2. tbl. 2008 er í prentun. Blaðinu verður dreift frítt
inn á öll heimili í bænum og vinnustaði fyrir helgina. Í blaðinu
eru fjölmargar greinar og viðtöl m.a. við unga þau Eggert Sólberg og
Bryndísi Gunnlaugsdóttur. Þá eru greinar eftir Óðinn Pétur Vigfússon,
Kristbjörgu Þórisdóttur.
15.desember
Skilað
auðu gagnvart sveitarfélögunum
Ríkisstjórnin féll á enn einu prófinu þegar hún kynnti
endurskoðað fjárlagafrumvarp sitt í gær. Það er holur hljómur í staðhæfingum
Samfylkingarfólks um að tillögurnar einkennist af varðstöðu um þann
árangur sem náðst hefur í velferðarkerfinu. Sá holi hljómur kemur hvað
best fram í því sem snýr að sveitarfélögunum í landinu, - en það
eru þau sem standa fólkinu næst og veita því lögboðna og nauðsynlega
grunnþjónustu.
Í þeim illa útfærðu tillögum sem ríkisstjórnin kynnti nýlega er að
mestu leyti skilað auðu þegar kemur að málefnum sveitarfélaganna. meira....
12.desember
Sunnudaginn
14. des verður lesið úr nýjum bókum í stofunni á Gljúfrasteini, en
lesið er alla sunnudaga á aðventunni.
Dagskráin
sunnudagurinn 14. desember:
Sjón
– Rökkurbýsnir
Guðrún Eva Mínervudóttir – Skaparinn
Ármann
Jakobsson – Vonarstræti
Guðmundur Andri Thorsson – Segðu
mömmu að mér líði vel: saga um ástir
Dagskrána
í heild sinni má finna á heimasíðu
Gljúfrasteins.
11.desember
Segir nýja
fjárlagafrumvarpið dapurlegt
Valgerður
Sverrisdóttir formaður framsóknarflokksins segir nýtt fjárlagafrumvarp
ríkisstjórnarinnar vera djarft. Hún segir greinilegt að eitthvað meira
sé í pípunum og nefnir orðróm um að fara eigi inn í búvörulögin og
lækka laun bænda. Hún segir alvarlegast að verið sé að auka álögur
á launafólk.
„Það sem er hinsvegar hvað allra mest gagnrýnisvert er að þarna er
ekki verið að leggja áherslu á atvinnulífið. Það er ekki verið að
halda uppi atvinnu í landinu sem er gríðarlega mikilvægt við þessar aðstæður.
Verið er að skerða opinberar framkvæmdir um 11 milljarða, og þar af er
helmingurinn í samgöngum sem eru óskaplega mikilvægt byggðamál,"
segir Valgerður.
Frá þessu segir á www.visir.is meira....
9.desember
Siv
spyr áfram um Icesave á Alþingi
Siv
Friðleifsdóttir heldur áfram að spyrja ráðherra um Icesave-ábyrgðir
á alþingi. Siv hefur lagt fram fyrirspurn til Geirs Haarde forsætisráðherra
um hvort hann, embættismenn eða ráðgjafar hans, hafi haft vitneskju um
tilboð breska fjármálaeftirlitsins um að gegn 200 milljóna punda
fyrirgreiðslu væri breska fjármálaeftirlitið tilbúið til að færa
reikninga Icesave yfir í breska lögsögu.
Siv leggur einnig sömu spurningar fyrir Björgvin G. Sigurðsson. Þar bætir
hún einnig við spurningu um hvort forstjóri Fjármálaeftirlitsins hafi
verið í símasambandi við breska fjármálaeftirlitið sunnudaginn 5. október
sl.
Þingmaðurinn vill einnig vita hvort Fjármálaeftirlitið, eða forstjóri
þess, hafi fyrir yfirtöku íslenska ríkisins á Landsbanka Íslands, haft
vitneskju um framangreint tilboð breska fjármálaeftirlitsins.
Óskaði Siv eftir skriflegum svörum við þessum spurningum.
8.desember
Páll
Magnússon býður sig fram til formanns
Á
flokksþingi Framsóknarflokksins í janúar næstkomandi verður kjörin ný
forysta. Innan hans hefur mikil umræða farið fram um nauðsyn á endurnýjun
í forystunni – um að nýtt fólk verði kallað til ábyrgðarstarfa.
Ég hef undanfarna daga átt samtöl við fjölmarga flokksmenn um stöðu
flokksins og framtíð hans og í kjölfar þeirra ákveðið að gefa kost
á mér til formennsku í flokknum.
Framtíð Framsóknarflokksins veltur á því hvort hann skynji kall kjósenda
eftir breytingum í íslenskum stjórnmálum. Segja verður skilið við
samtryggingu stjórnmálanna og ógagnsæ vinnubrögð. Rannsókn á
efnahagshruni síðustu vikna þarf að ná aftur til þeirra ára sem
bankarnir voru einkavæddir enda Framsóknarflokknum mikilvægt að allt verði
upplýst í því ferli. Meira......
Höskuldur
Þór Þórhallsson býður sig fram til formanns
Að
undanförnu hafa sviptivindar farið um íslenskt þjóðfélag. Umbrot síðustu
mánaða kalla á breytingar íslensks stjórnarfars auk þess sem mikið
uppbyggingarstarf er framundan. Þörf er á breytingum og nýir tímar á
Íslandi kalla á nýtt fólk og breyttar áherslur.
Í mínum huga eiga hugsjónir og gildi Framsóknarflokksins brýnt erindi
við þjóðina. Mikilsverðustu hagsmunirnir eru að vernda heimilin og
sporna við atvinnuleysi með öllum tiltækum ráðum. Hjól atvinnulífsins
verða að fara að snúast á ný.
Eins og í þjóðfélaginu þá breytast hlutirnir oft hratt í heimi stjórnmálanna.
Í Framsóknarflokknum hafa orðið ör formannsskipti og í gær tilkynnti
núverandi formaður að hún myndi ekki sækjast eftir áframhaldandi kjöri
til embættisins. Meira.....
5.desember
Félagsfundur
Framsóknarfélags Mosfellsbæjar
Félagsfundur Framsóknarfélags Mosfellsbæjar verður
haldinn mánudaginn 8. desember nk. kl. 20:00 að Þverholti 14 í Mosfellsbæ.
Gestur fundarins verður Siv Friðleifsdóttir, alþingismaður.
Félagsmenn fjölmennum
Stjórnin
4Yfirlýsing
frá Valgerði Sverrisdóttur, formanni Framsóknarflokksins
Það
eru umbreytingar í íslensku þjóðlífi um þessar mundir. Í hönd fara
tímar þar sem samfélagið verður byggt upp á nýjan leik.
Ég
hef um ríflega tveggja áratuga skeið starfað í stjórnmálum og helgað
öllum mínum kröftum í að vinna að framgangi góðra mála. Ég hef
hins vegar lýst þeirri skoðun minni, og ítreka hana hér, að þörf sé
á endurnýjun í íslenskum stjórnmálum.
Ég
vil fyrir mitt leyti fylgja eftir þessari sannfæringu minni um nauðsynlega
endurnýjun. Því hef ég ákveðið að sitja ekki lengur sem formaður
Framsóknarflokksins en til næsta flokksþings framsóknarmanna sem haldið
verður í janúarmánuði næstkomandi. Þar verður því kjörinn nýr
formaður Framsóknarflokksins. Ég mun hins vegar áfram sitja á Alþingi
og vil gera mitt til að vinna þjóðinni og flokknum allt það sem ég
tel að til heilla horfi.
Valgerður
Sverrisdóttir
3.desember
Opinn
fundur um Evrópumál
Vakin
er athygli á opnum fundi um Evrópumál sem Framsóknarflokkurinn stendur
fyrir miðvikudaginn 3. desember kl. 17, í Framsóknarhúsinu á Hverfisgötu
33.
Boðað er til opins fundar í Framsóknarhúsinu
á Hverfisgötu 33, miðvikudaginn 3. desember kl. 17. Þar munu Jón Sigurðsson
fyrrverandi formaður Framsóknarflokksins og Orri Hlöðversson framkvæmdastjóri
fjalla um vinnu og niðurstöður tveggja Evrópunefnda flokksins en
þeir félagar stýrðu hvor sinni nefndinni sem fóru djúpt ofan í þessi
mál.
2. desember
Jólamarkaður
Ásgarðs 2008
Laugardaginn
6. desember frá 12:00 til 17:00 mun Handverkstæðið Ásgarður vera með
sinn árlega jólamarkað í húsnæði sínu að Álafossvegi 24 í
Mosfellsbæ. Allar leikfangalínur Ásgarðs verða til sýnis og sölu,
einnig verða kaffi / súkkulaði og kökur til sölu gegn vægu gjaldi. Góðir
gestir líta í heimsókn og að þessu sinni mun harmonikkuleikarinn Hjálmar
Pálsson skemmta gestum með nokkrum lögum Garðar Jökulsson listmálari
hefur málað fallega mynd sem hann gaf Ásgarði og verður hún til sölu,
en þeir sem vilja eignast myndina geta lagt inn tilboð í myndina á meðan
jólamarkaðurinn stendur.
Allir velkomnir.
1.desember
Flokksþing
16.-18. janúar
Svo
sem kynnt hefur verið ákvað miðstjórn Framsóknarflokksins að flýta næsta
flokksþingi Framsóknarflokksins fram í janúar nk. Unnið hefur verið hörðum
höndum að því að finna heppilega stað- og tímasetningu og liggur nú
fyrir að næsta flokksþing verður haldið helgina 16.-18. janúar nk. í
nýrri og glæsilegri höll Valsmanna á Hlíðarenda.
Minnt er á að aðildarfélög Framsóknarflokksins eru samkvæmt lögum
flokksins krafin um að tilkynna um val sitt á fulltrúum á flokksþing
til skrifstofu flokksins eigi síðar en viku áður en flokksþing er sett,
þ.e. í þessu tilfelli föstudagsmorguninn 9. janúar 2009.
Flokksþing Framsóknarflokksins ákveður meginstefnu flokksins í landsmálum,
setur flokknum lög og hefur æðsta vald í málefnum hans. Á flokksþingi
eru jafnframt kjörin formaður Framsóknarflokksins, varaformaður, ritari
og tveir skoðunarmenn reikninga.
27.nóvember
Upplestur
úr jólabókum og verk mánaðarins
Á
aðventunni munu rithöfundar lesa úr nýútkomnum bókum sínum á Gljúfrasteini
sunnudagana fjóra á aðventu. Segja má að komin sé hefð á upplestrana
enda er andrúmsloftið í stofunni einstakt og tilvalið að hlýða á
lestur í kyrrð og friði.
Nánar
má lesa um erindi Ingunnar á
heimasíðu Gljúfrasteins, einnig má finna upplestrardagskránna hér.
26.nóvember
Frá
aðalfundi Varmársamtakanna
Varmársamtökin álykta um vegagerð við Álafosskvos
Aðalfundur
Varmársamtakanna var haldinn þriðjudaginn 25. nóvember. Kosið var í
stjórn félagsins, rætt um fjáröflunarleiðir og vegagerð við Álafosskvos.
Stjórn Varmársamtakanna skipa nú Freyja Lárusdóttir, Kolfinna Baldvinsdóttir,
Ólafur Ragnarsson, Páll Kristjánsson og Sigrún Pálsdóttir. Gunnlaugur
B. Ólafsson og Kristín Pálsdóttir sitja nú í varastjórn. Á næsta
stjórnarfundi mun ný stjórn skipta með sér verkum.
Á fundinum samþykktu fundargestir svohljóðandi ályktun: Meira.....
17.
nóvember
Hausttónleikar
Skólahljómsveitar Mosfellsbæjar
Í
gær sunnudag hélt Skólahljómsveit Mosfellsbæjar árlega hausttónleika
sína í Íþróttahúsinu að Varmá á tónleikunum kom fram B,C, og D
sveit skólans alls um 100 hljóðfæraleikarar. Fjölmenni var á tónleikunum.
Efnisskráin var fjölbreytt og ljómandi skemmtileg áheyrnar.
Þess má geta að á næsta ári heldur hljómsveitin upp á 45 ára afmæli
sitt væntanlega með afmælistónleikum. Stjórnendur og kennarar skólans
eru Birgir D. Sveinsson , Daði Þór Einarsson, Daníel Friðjónsson, Jón
Guðmundsson, Sveinn Þ. Birgisson og Þorkell Jóelsson.
12.nóvember
Ný
stjórn Framsóknarfélags Mosfellsbæjar
Mikil endurnýjun í stjórninni
Á
fjölmennum aðalfundi Framsóknarfélags Mosfellsbæjar þann 1. nóvember
sl. er haldin var í
félagsheimili félagsins að Háholti 14 var kosin ný stjórn en nýju
stjórnina skipa:
Óðinn
Pétur Vigfússon
formaður
Gunnar Einarsson
Hlynur Þórisson
Kristmundur Þórisson
Guðni Þorbjörnsson
Sveinbjörn
Ottesen
Ingveldur
Bjarnarson
Segja má
að um nýja stjórn sé að ræða enda mikil endurnýjun í stjórninni en
fimm af sjö stjórnar og varastjórnarmönnum eru nýir.
Aðalfundur þakkaði fráfarandi stjórnarmönnum fyrir þeirra störf
en margir af þeim hafa starfað í langan tíma fyrir félagið.
11.nóvember
Viðtalstímar
bæjarfulltrúa á morgun miðvikudag.
Bæjarfulltrúarnir,
Karl Tómasson og Marteinn Magnússon, verða með viðtalstíma fyrir
bæjarbúa miðvikudaginn 12. nóvember frá
kl. 17:00 – til kl.18:00. Viðtölin
fara fram á bæjarskrifstofunni, Þverholti 2, í fundarherbergjum bæjarfulltrúa,
Búrfelli og Bæjarfelli, 2. hæð.
11.nóvember
Jólatrjáasala
að Fossá í Hvalfirði
Einstaklingum sem og starfsmannahópum gefst nú, eins og undanfarin
ár, frábært tækifæri til að koma í desember að Fossá í Kjós og ná
sér í jólatré.
Gott væri að hópar tilkynni um komu sína.
Eiríkur
Páll Eiríksson sími 554-4236, gsm 864-2865 og eirikp@fa.is
Jónína Þ. Stefánsdóttir
sími 554-3416, gsm 864-9246 og
Heimasíða:
http://www.kjalarnes.is/fossa.htm
6.nóvember
Rætt
um þjóðaratkvæðagreiðslur og stjórnarskrá
Framsóknarflokkurinn
hélt fjölmennan fund á Grand hóteli í hádeginu í dag til að ræða
um þjóðaratkvæðagreiðslur og stjórnarskrána. Eiríkur Tómasson,
lagaprófessor við Háskóla Íslands hélt þar fróðlegt erindi og sagði
m.a. þetta:
Íslenska stjórnarskráin heimilar ekki framsal á ríkisvaldi til alþjóðlegra
eða fjölþjóðlegra stofnana. Miklar umræður spunnust um meint framsal
í tengslum við EES samninginn árið 1994 og Schengen samkomulagið árið
2000. Telur Eiríkur vafa leika á hvort það framsal sem átti sér stað
með umræddum samningum og lögum, stenst stjórnarskrá og telur að stjórnarskráin
hefði átt að njóta vafans við lagasetninguna. Dómstólar hafi þó
lagt blessun sína yfir þennan meinta árekstur við stjórnarskrána í dómum
sínum síðar.
Eiríkur sagði ýmsar þjóðir hafa slíkt ákvæði inni í sinni stjórnarskrá
og tiltók tvö dæmi, norsku og dönsku stjórnarskrána. Hann lagði sérstaka
áherslu á dönsku útfærsluna sem er þannig að ef 5/6 hlutar þingsins
samþykkja valdframsal, þá telst það samþykkt. Ef um er að ræða
meirihluta en án þess að 5/6 hlutar náist er málinu vísað til sérstakrar
þjóðaratkvæðagreiðslu. Útfærsla þjóðaratkvæðagreiðslunnar er
svo þannig að einfaldur meirihluti ræður niðurstöðunni. Þó verða
minnst 30% kosningabærra manna að hafna samþykkt þingsins, en ella telst
hún samþykkt. Meira......
3.nóvember
Vel
heppnaður haustfagnaður Framsóknarfélags Mosfellsbæja
Laugardagskvöldið
1 nóvember sl. var árlegur haustfagnaður félagsins haldinn skemmtiatriði
og veislukostur var að vanda í sérflokki. Heiðursgestur
kvöldsins var Bjarni Harðarson þingmaður og flutti hann stórskemmtilega
ræðu er fjallaði að hluta til um æskuminningar þingmannsins. Veislu
stjóri var nýkjörinn formaður félagsins Óðinn Pétur Vigfússon.
31.október
Aðalfundur
Framsóknarfélags Mosfellsbæjar
Aðalfundur
Framsóknarfélags Mosfellsbæjar verður haldinn í sal félagsins að Háholti
14, laugardaginn 1. nóvember kl. 10,00
Dagskrá:
Skýrsla
stjórnar.
Reikningar félagsins.
Kosningar
Formann félagsins
Fjóra aðalmenn í stjórn og tvo til vara
Tvo skoðunarmenn reikninga
Kosning fulltrúa á kjördæmisþing Suðvesturkjördæmis
Önnur mál.
31.október
Munið
haustfagnað
Framsóknarfélagins
Laugardagskvöldið 1.nóvember verður haldinn haustfagnaður Framsóknarfélagins
salnum að Háholti 14.
Fagnaðurinn hefst með fordrykk kl 1900
Heiðursgestur Bjarni Harðarson
Um matinn sér Óli Tran hjá Asiu
Happdrætti
Leikir
Leyniatriði
Stjórn
Framsóknarfélags Mosfellsbæja
30.október
Fuglaskoðunarhús
hundruð prósenta fram úr heimildum.
Gæluverkefni
Vinstri-Grænna langt fram úr fjárheimildum
Á
fundi bæjarráðs 10 apríl sl. var 600 þúsund króna veitt til byggingar
fuglaskoðunarhúss í Leiruvogi. Það var hins vegar ekki fyrr en á fundi
bæjarstjórnar 22. október sl. að það upplýstist fyrir tilviljun að húsið
hefði farið langt fram úr heimildum og kostað á fjórðu milljón.
Gæluverkefnið
fór því mörg hundruð prósent fram úr áætlun og engin heimild fyrir
framúrkeyrslunni. Það upplýstist þó að millifært hefði verið á
milli liða í fjárhagsáætlun og m.a. teknir peningar úr undirbúningi að
fyrirhuguðum ævintýragarði.
Málið er því allt hið ótrúlegasta og meinhluta V-Grænna og Sjálfstæðismanna
varla til sóma.
Mosfellsfréttir vona hins vegar að húsið komi til með að nýtast áhugasömu
fuglaskoðunarfólki í framtíðinni þar sem Leirugvogurinn er stærsta fæðuöflunarsvæði
vaðfugla á höfuðborgarsvæðinu.
Fullyrða má að betur
hefði mátt fara með sameiginlegt fé okkar.
29.október
Nornaveiðar
og ábyrgð
Framsóknar
Nornaveiðimenn
fara nú mikinn í blogg-heimum og keppast við að finna sökudólga fyrir
því hvernig nú er komið. Því miður eru rannsóknir sem liggja að
baki slíkum veiðum ekki alltaf vísindalegar og megnið af þeim í formi
frasa og upphrópana sem, þegar betur er að gáð, eiga sér veika stoð
í raunveruleikanum. Framsóknarmenn sitja nú undir ámæli fyrir að hafa
setið í ríkisstjórn með Sjálfstæðismönnum undanfarin þrjú kjörtímabil
og telja sumir að þess vegna sé orsök vandans að leita þar.
Lítum á staðreyndir. Meira.....
24.október
Rjúfum
þögn ráðamanna!
SUF
stendur ásamt fjölmörgum einstaklingum og félagasamtökum fyrir kröfugöngu
næstkomandi laugardag til þess að mótmæla ærandi þögn ráðamanna.
Gengið verður frá Austurvelli klukkan 16:00 að Ráðherrabústaðnum með
kyndla. Kyndlar fást m.a. í Rúmfatalagernum en verða líklega einnig
seldir á Austurvelli. Krafan er einföld og þverpólitísk: RJÚFUM ÞÖGN
RÁÐAMANNA. Í ráðherrabústaðnum er setið dag hvern og samið um framtíð
okkar en engar fáum við upplýsingarnar.
Mætum
öll á Austurvöll til að hittast og sýna hvert öðru samhygð. Við höfum
rödd og stöndum saman!
16.október
Aðalfundur
Framsóknarfélags Mosfellsbæjar
Aðalfundur
Framsóknarfélags Mosfellsbæjar verður haldinn í sal félagsins að Háholti
14, laugardaginn 1. nóvember kl. 10,00
Dagskrá:
Skýrsla
stjórnar.
Reikningar félagsins.
Kosningar
Formann félagsins
Fjóra aðalmenn í stjórn og tvo til vara
Tvo skoðunarmenn reikninga
Kosning fulltrúa á kjördæmisþing Suðvesturkjördæmis
Önnur mál.
Haustfagnaður
Framsóknarfélagins
Um kvöldið þann 1.nóvember verður haldinn haustfagnaður Framsóknarfélagins
salnum að Háholti 14. Fagnaðurinn hefst með fordrykk kl 1900
Heiðursgestur Bjarni Harðarson
Um matinn sér Óli Tran hjá Asiu
Happdrætti
Leikir
Leyniatriði
Stjórn
Framsóknarfélags Mosfellsbæjar
10.október
Fundur
um gjaldmiðilsmál í Kópavogi
Fulltrúaráð
Framsóknarfélaganna í Kópavogi boðað til opins fundar um gjaldeyrismál
laugardaginn 11. október 2008 kl. 11.00
Staðsetning: Digranesvegi 12
Frummælandi: Jóhannes Geir Sigurgeirsson, fyrrverandi alþingismaður, og
formaður nefndar Framsóknarflokksins um gjaldeyrismál.
Allir velkomnir
Fulltrúaráð Framsóknarfélaganna í Kópavogi
9.október
Bæjarráð
Mosfellsbæjar bregst við breyttri stöðu í íslensku efnahagslífi
Í
ljósi breyttrar stöðu í efnahagslífi þjóðarinnar bregst bæjarráð
Mosfellsbæjar við með eftirfarandi aðgerðum. Almenn þjónusta við bæjarbúa
verður með hefðbundnum hætti. Haldið verður áfram með þær framkvæmdir
á vegum sveitarfélagsins sem þegar eru hafnar. Gjaldskrá verður óbreitt
að sinni, starfshópur skipaður um upplýsingagjöf og til að veita
íbúum ráðgjöf. Formaður bæjarráðs er formaður samstarfshópsins.
Sjá má bókun bæjarráðs í heild sinn hér....
9.október
Ungir
framsóknarmenn krefjast afsagnar seðlabankastjóra
Stjórn
Sambands ungra framsóknarmanna krefst þess að bankastjórn Seðlabanka Íslands
verði sett af hið snarasta, og stýrivextir lækkaðir í kjölfarið.
„Ljóst er að afdrifarík mistök seðlabankastjóra á miklum óvissutímum
hefur skaðað þjóðarhag til muna á alþjóðagrundvelli og gert illt
verra. Ríkisstjórnin verður að taka fast á málum. Beinir stjórn SUF sérstaklega
orðum sínum til Samfylkingar, að flokkurinn hafi frumkvæði að þessum
hreingerningum, enda óljóst hver ræður ferðinni í samstarfsflokknum. Sé
þetta ekki gert er ljóst að ríkisstjórn Íslands er rúin trausti hjá
almenningi og skuli hún þar með tafarlaust segja af sér.
Um leið krefst stjórnin þess að látið verði af pólitískum skipunum
seðlabankastjóra og fagleg sjónarmið verði látin ráða för þegar ráðið
verði í embættin að nýju. Stjórnin lýsir sömuleiðis yfir stuðningi
við frumvarp þess efnis sem þingflokkur Framsóknarflokksins hefur lagt
fram."
7.október
Yfirfærsla
málefna fatlaðra frá ríki til sveitarfélaga árið 2011
Grein: eftir Kristbjörgu
Þórisdóttur
Þann
28. ágúst s.l. var stigið fyrsta skrefið mót nýrri framtíð varðandi
málefni fatlaðs fólks. Þá var undirritaður samningur við Reykjavíkurborg
um það að hún taki að sér framkvæmd þjónustu fyrir geðfatlað fólk
í byrjun næsta árs. Samkvæmt metnaðarfullri stefnumótun félagsmálaráðuneytisins
„Mótum
framtíð“ er stefnt að því að í kjölfarið fylgi yfirfærsla á
þjónustu við fatlað fólk frá ríki til sveitarfélaga eða eins og
sagt er í skýrslu á vef ráðuneytisins að: Meira..
6.október
Opinn
fundur um fyrirhugaða lagningu Tunguvegar
Varmársamtökin með málþing
Mánudagskvöldið 13. október kl. 20. 30 verður málþing í Listasal
Mosfellsbæjar í Kjarna, Þverholti 2. Lagning Tunguvegar úr hinu nýja
Leirvogstunguhverfi í miðbæ Mosfellsbæjar verður til umræðu á þessum
fyrsta opna fundi Varmársamtakanna í vetur.
Dr. Ólafur
Arnalds, jarðvegsfræðingur og Valdimar Kristinsson, blaða- og hestamaður,
munu vera með framsögu á fundinum og fjalla um áhrif vegarins á
umhverfi sitt. Tunguvegur liggur yfir svæði á náttúruminjaskrá og í
grennd við friðlýsta ósa Varmár, einnig yfir Köldukvísl ásamt því
að hafa mikil áhrif á aðstöðu hestamanna í Mosfellsbæ.
30.september
Viðtalstímar
bæjarfulltrúa á morgun miðvikudag.
Bæjarfulltrúar
í Mosfellsbæ, þeir Karl Tómasson og Marteinn Magnússon, verða með
viðtalstíma miðvikudaginn 1. október 2008 á bæjarskrifstofunni, Þverholti
2, 4. hæð kl. 17:00.
29.september
Orð
dagsins er stöðugleiki
Eggert
Sólberg bloggar:
“Tilgangurinn
með þessari aðgerð er að tryggja stöðugleika í fjármálakerfinu”
segir í tilkynningu frá Forsætisráðuneytinu og viðskiptaráðherra
segir að verið sé að “verja fjármálalegan stöðugleika” með aðgerðum
morgunsins. Nú spyr ég eins og fávís maður hvort ekki þurfi að ná stöðugleika
fyrst áður en hægt verði að tryggja hann eða verja?
Verðbólgan nálgast nú 15%, stýrivextir seðlabankans eru þeir hæstu
á Vesturlöndum, fjárlögin gerðu ráð fyrir 20% útgjaldaaukningu árið
2008 frá fyrra ári, gengisvísitalan hefur hækkað um tugi prósenta á
stuttum tíma, verðtryggð lán almennings rjúka upp, fasteignir falla í
verði, fréttir berast af fjöldauppsögnum fyrirtækja og bankar hafa verið
að taka yfir aðra bankastofnanir vegna fjármagnsskorts svo eitthvað sé
nefnt. Ef þetta er stöðugleikinn sem ráðherrar ríkisstjórnarinnar sækjast
eftir þá ættu þeir að fletta hugtakinu upp í orðabók.
29.september
Naglbít
beitt í nágrannaerjum dv
segir frá
Eigendur hestaleigunnar hafa staðið í
langvarandi illdeilum við Jón Baldvinsson
Lögregla var kölluð til fyrir helgi þegar upp úr sauð í
langvarandi nágrannadeilu um aðgengi að beitarlandi í Laxnesi í
Mosfellsbæ. Jón Baldvinsson á Furuvöllum segir Hauk Þórarinsson hjá
Hestaleigunni Laxnesi hafa slegið til sín með naglbít þannig að undan
blæddi. Haukur segir um smámál að ræða og að Jón hafi rekist í
naglbítinn þegar Haukur bar hönd fyrir höfuð sér undan áhlaupi Jóns.
meira á www.dv.is
26.september
Guðni
Ágústsson á ferð um Mosfellsbæ
"Til móts við Mosfellinga"
Guðni
Ágústsson formaður Framsóknarfloksins var á ferð um Mosfellsbæ g
Heimsóknin
endaði svo með fjölmennum fundi í félagsheimili Framsóknarflokksins í
Mosfellsbæ þar sem Guðni fór yfir stjórnmálaástandið , aðgerðarleysi
ríkisstjórnarinnar, verðbólguna, vaxtaokrið og almennt um stöðu þjóðmála.
Fundagestir
spurðu margs og greinilegt er að fundarmenn höfðu áhyggjur af
alvarlegri stöðu þjóðarinnar þó annars væri slegið á létta
strengi þess á milli eins og Guðna er einum lagið.
25.september
Bergur
Ebbi rýnir í hlutverk skáldskapar.
Fyrsta
stofuspjall vetrarins um verk mánaðarins fer fram á Gljúfrasteini
sunnudaginn 28. september klukkan 16:00.
Að þessu sinni verður stórverk Halldórs Laxness, Heimsljós, í
brennidepli. Bergur Ebbi, söngvari hljómsveitarinnar Sprengjuhöllin, mun
ræða um bókina og fara um víðan völl í umfjöllun sinni. Hann mun
velta fyrir sér hvaða mann eða menn Ólafur Kárason hefur að geyma og
fjalla um nokkur skáld sem Bergur Ebbi telur eiga samsvörun með ljósvíkinginum,
auk þess að tengja lífshlaup persónunnar Ólafs við Halldór sjálfan.
Eins og sjá má verða líflegar umræður og spennandi umfjöllunarefni í
stofu nóbelsskáldsins sunnudaginn kemur. Aðgangur er ókeypis og allir
velkomnir meðan húsrúm leyfir.
Verk mánaðarins er haldið síðasta sunnudag í hverjum mánuði kl.
16.00 að desember undantöldum, en þá er lesið úr jólabókum. Gestir
eru hvattir til að taka virkan þátt í stofuspjallinu og kasta fram
spurningum og vangaveltum. Dagskrá haustsins má sjá í heild sinni á
heimasíðu Gljúfrasteins.
24.september
Upplýsingagátt
um Evrópumál
Nú
hefur verið opnuð upplýsingagátt á www.framsokn.is
fyrir þá sem vilja vera viðræðuhæfir um helstu Evrópumál.
23.september
Guðni
fundar í Mosfellsbæ á fimmtudagskvöldið
"Til móts við Mosfellinga"
Formaður
Framsóknarflokksins Guðni Ágústsson verður með fund í salnum að Háholti
14 2.hæð á
fimmtudagskvöldið n.k. kl 20.00
Fundurinn er
liður í
fundaferð Guðna Ágústssonar um landið þar sem hann heimsækir fólk og
fyrirtæki og boðar til opinna funda.
Á fundinum ætlar Guðni að ræða um stjórnmálaástandið,
aðgerðaleysi ríkisstjórnarinnar, verðbólguna og vaxtaokrið svo og almennt
um stöðu þjóðarbúsins.
Allir velkomnir.
Stjórn Framsóknarfélags Mosfellsbæjar
21.september
Mikill
áhugi á hundarækt
Hundasýning
í reiðhöll Fáks í Víðidal
Helgina
27.-28. september mæta um 750 hreinræktaðir hundar af 86 hundakynjum í dóm
á hundasýningu Hundaræktarfélags Íslands.
Sýningin verður haldin í Reiðhöllinni í Víðidal og hefjast dómar
kl. 9.00 árdegis báða daga og standa fram eftir degi. Fimm dómarar frá
fjórum löndum, Ísrael, Mexíkó, Svíþjóð og Finnlandi dæma í fimm sýningarhringjum
samtímis. Úrslit á sunnudegi hefjast upp úr kl. 14:00 og kemur þá í
ljós hvaða hundar bera af að mati dómara.
Sýningar félagsins hafa stækkað ár frá ári sem endurspeglar mikinn áhuga
Íslendinga á hundum og hreinræktun þeirra. Megintilgangur hundasýninga
er að meta hundana út frá ræktunarmarkmiði hvers kyns og leiðbeina ræktendum
þannig í starfi sínu.
18.september
Steinunn
Marteinsdóttir opnar málverkasýningu
Þar spretta laukar, þar gala gaukar
Laugardaginn 20. september
kl. 14:00 verður opnuð sýning á málverkum Steinunnar Marteinsdóttur í
Listasal Mosfellsbæjar. Á sýningunni sem ber heitið Þar spretta laukar,
þar gala gaukar, sýnir Steinunn olíumálverk á striga sem sprottin eru
útfrá hughrifum frá náttúrunni og tengslum mannsins við hana. Sýningin stendur til 18. október
2008.
16.september
Bæjarstjórn
Mosfellsbær
tekur lóðir af Kaupfélaginu!
Á
síðasta fundi bæjarstjórnar ákvað meirihluti bæjarstjórnar gegn atkvæði
Marteins Magnússonar að leysa til sín lóðir að Háholti 16,18 og 20.
Kaupfélagið
hefur þinglýsta lóðaleigusamninga að þessum lóðum og hafði sótt um
að byggja á þeim verslunar og skrifstofuhúsnæði samkvæmt gildandi
deiliskipulagi en ekki hlotið afgreiðslu skipulags-og byggingarnefndar..
Bókun
Marteins Magnússonar, fulltrúa Framsóknarflokksins, vegna þeirrar áætlunar
meirihluta bæjarstjórnar að taka lóðirnar til sín með vísan í
12. gr. lóðaleigusamnings, er svohljóðandi:
Það
að Mosfellsbær ætli að taka til sín umræddar lóðir með því að
rifta lóðaleigusamningi eftir litlar og áhugalausar samningsumleitanir af
hendi bæjarins er afar óeðlilegt. Svona vinnubrögð eru ófagleg
og samningaviðræðurnar lítið annað en sýndarmennska. Eflaust er þetta
einnig brot á eðlilegum samskiptareglum bæjarfélags við þegnana. Lóðarhafi
umræddra lóða hefur fyrir löngu lagt fram teikningar til skipulags- og
byggingarnefndar um uppbyggingu lóðanna í samræmi við skipulag svæðisins
og samkvæmt ákvæðum lóðaleigusamnings og ekki fengið eðlilega afgreiðslu.
Viðmót bæjarins gagnvart atvinnufyrirtæki í bæjarfélaginu er með þessum
hætti til skammar og að mínu mati til þess fallið að fyrirtæki forðist
frekar en laðist að uppbyggingu í Mosfellsbæ. Mosfellsbær þarf að
vinna að málum eins og þessu með heiðaleika, vandaðri og faglegri
stjórnsýslu þar sem meðalhófs er gætt, en það hefur ekki átt sér
stað í þessu máli.
15.september
Hjólalest
úr Mosfellsbæ
Mosfellsbær
tekur þátt í fyrsta skipti í Evrópskri samgönguviku.
Framundan
er Evrópsk samgönguvika dagana 16.-22. september n.k. þar sem hvatt er
til umhverfisvænni samgöngumáta með yfirskriftinni “Hreint loft
fyrir alla”. Um er að ræða vitundavakningu um nauðsyn þess
að draga úr mengun af völdum umferðar og hvetja til breyttra og betri
samgönguhátta. Skipulögð
verður hjólalest úr Mosfellsbæ niður í miðbæ Reykjavíkur þar sem
við tekur skemmtileg dagskrá í tilefni dagsins. Lestin leggur af stað frá
miðbæjartorginu kl 11:30 laugardaginn 20 september. Hjóla veður sem leið
liggur niður í Elliðaárdal og þaðan í Nauthólsvík og að lokum að
ráðhúsi Reykjavíkur.
14.september
Forseti
bæjarstjórnar harðlega gagnrýndur
Á heimasíðu Varmársamtakana er grein sem ber nafnið “um sannleiksást
Karls Tómassonar” ástæða
greinarskrifanna er stutt viðtal er birtist nú nýlega við forseta bæjarstjórnar
nú nýlega undir yfirskriftinni “Mega ekki óttast skurðgröfur” sem
frægt er orðið.
En í greininni segir meðal annars:
“Í viðtalinu gerir Karl sjálfan sig að píslarvotti og segist persónulega
hafa verið tekinn fyrir. Ljóst er Karl gerir hér engan greinarmun á
starfi sínu sem stjórnmálamaður og persónulegum málum. Varmársamtökin
hafa gagnrýnt Karl sem stjórnmálamann fyrir að svíkja þau
kosningaloforð sem hann gaf kjósendum í aðdraganda sveitarstjórnarkosninga
2006 og ennfremur þann ólýðræðislega þankagang sem lýsir sér m.a.
í tilhæfulausum ummælum hans um störf Varmársamtakanna og einstaka
liðsmenn þeirra.”
Hér má finna
greinina í heild....
13
Varaþingmaður
SV Samúel Örn tekur sæti
Hinn
geðþekki íþróttagarpur Samúel Örn Erlingsson hefur setið sem varaþingmaður
Sivjar Friðleifsdóttur í vikunni en Siv hefur verið að sinna embættisverkum
erlendis.
Samúel Örn lét sitt ekki eftir liggja og tók þátt í umræðum þingsins
eins og hans er von og vísa og störfum allsherjarnefndar sem fjallaði um
hið brýna mál, nálgunarbann, í vikunni.
Samúel Örn hefur því verið í essinu eins og jafnan þegar hann er á
þingi.
5.september
Nýtt
og glæsilegt hótel
opnar í Mosfellsbæ
Í dag föstudaginn,
5. september opnar formlega nýtt og glæsilegt hótel að Háholti 7,
Mosfellsbæ hótelið hefur hlotið nafnið Hótel Laxnes. Með opnun hótelsins
rætist úr mikilli vöntun á gistirými í bæjarfélaginu. En
segja má að skortur á gistirými hafi oft staðið ýmsum viðburðum
fyrir þrifum og jafnvel komið í veg fyrir að hægt hafi verið að halda
ýmiskonar mannfagnaði. Þá má gera ráð fyrir að ferðamenn staldri
lengur í bænum. Mosfellsfréttir
fagnar tilkomu hótelsins og óskar eigendum þess til hamingju.
5.september
sr.
Ragnheiður
Jónsdóttir valin
sóknarprestur í Mosfellsprestakalli
Valnefnd
í Mosfellsprestakalli, Kjalarnesprófastsdæmi, ákvað á fundi í gær
að leggja til að sr. Ragnheiður Jónsdóttir verði ráðin sóknarprestur
í prestakallinu. Átta umsækjendur voru um embættið.
Embættið veitist frá 15. október næstkomandi. Biskup Íslands skipar í
embættið til fimm ára að fenginni umsögn valnefndar. Valnefnd skipuðu
níu manns úr prestakallinu ásamt prófasti Kjalarnesprófastsdæmis.
Ragnheiður lauk kandídatsprófi frá guðfræðideild Háskóla Íslands
árið 1998 og var skipuð sóknarprestur í Hofsósprestakalli sama ár. Hún
hefur starfað sem prestur í Mosfellsprestakalli frá árinu 2004. Frá
þessu segir á www.kirkjan.is
5.september
ALLIR
Á VÖLLINN!
ÁFRAM
AFTURELDING!
Nú
hefur lið Aftureldingar tryggt sér sæti í úrslitaleik um Íslandsmeistaratitilinn
í 5.flokki kvenna. Leikurinn fer fram á
Varmárvelli í Mosfellsbæ núna á laugardaginn 6. september kl 13:00 og mótherjarnir
eru Valur. Stelpurnar okkar eru búnar að standa sig mjög vel í sumar,
þær voru í öðru sæti á Pæjumótinu í Vestmannaeyjum í júní og
unnu bikarinn á Símamótinu í júlí. Vonandi sjá sem flestir sér nú fært
að koma og hvetja Aftureldingu til dáða. Foreldraráð skorar á
alla sem vettlingi geta valdið að mæta á völlinn á laugardaginn og styðja
okkar stelpur til sigurs en það er ekki á hverjum degi sem Afturelding er
að spila um Íslandsmeistaratitil þannig að til mikils er að vinna.
4.september
Siv
Friðleifsdóttir skoraði á Jóhönnu að koma úr felum!
Siv Friðleifsdóttir,
þingflokksformaður Framsóknarflokksins, benti á að þegar BSRB hefði
í vor gert samninga við ríkið þá hefði ekki verið hægt að leiðrétta
kjör kvenna. Jóhanna Sigurðardóttir félagsmálaráðherra hefði sagt að
það myndi reyna á stjórnarsáttmálann varðandi þetta mál. Þá hefði
hún einnig sagt að það yrði að lyfta konum upp í launum án þess að
karlarnir fylgdu eftir.
Siv sagði Ástu Möller segja að kjör ljósmæðra væru ekki viðunandi
en flokksbróðir hennar Árni Mathiesen fjármálaráðherra segði
efnahagsástandið of erfitt til þess að leiðrétta kjör ljósmæðra.
Skoraði Siv á karlinn Árna Mathiesen að hlusta á konurnar sem krefðust
eðlilegra launa og sömuleiðis að hlusta á konuna Ástu Möller sem segði
að ástandið væri ekki viðunandi. Þá skoraði Siv á Jóhönnu Sigurðardóttur
að fela sig ekki heldur stíga fram og þrýsta á fjármálaráðherra. Frá
þessu er sagt á www.visir.is
3.september
Herferð
Samfylkingar gegn Sjálfstæðisflokki.
Af
heimasíðu Magnúsar Stefánssonar alþingismanns
Eins
og ég hef áður skrifað um, vekur athygli hve þingmenn og jafnvel ráðherrar
Samfylkingar eru opinskáir í gagnrýni sinni á störf sjálfstæðismanna
í fyrri ríkisstjórnum. Þetta hefur komið fram í umræðum á Alþingi
sl. vetur, í opinberri umræðu og í umræðum um efnahagsmál í þinginu
í gær.
Sem
dæmi um þetta má nefna að Árni Páll Árnason þingmaður Samfylkingar
skammaði okkur framsóknarmenn, eins og honum er tamt, í ræðu sinni um
efnahagsmál í gær. Skammirnar fólu í sér mikla gagnrýni á
efnahagsstjórn síðustu ríkisstjórnar og virtist Árni telja að öll ábyrgð
á því sem hann taldi miður hafa farið vera Framsóknarflokksins.
Hann taldi að menn hafi hreinlega ekki hafa vitað hvað þeir voru að
gera í efnahagsmálum, í tíð síðustu ríkisstjórnar. Lesa
meira
1.september
Formaðurinn
á hringferð um landið
„Tími aðgerða í efnahagsmálum er
runninn upp“
Guðni
Ágústsson, alþingismaður og formaður Framsóknarflokksins, hefur verið
á hringferð um landið, heimsótt fólk og fyrirtæki og boðað til
opinna funda þar sem rætt hefur verið um stjórnmálaástandið og aðgerðaleysi
ríkisstjórnarinnar, verðbólguna og vaxtaokrið og almennt um stöðu þjóðarbúsins.
Guðni hefur nú þegar fundað í Borgarnesi, Skagafirði, Húsavík og á
Egilsstöðum fjölmenni hefur sótt fundina. Í dag mánudag verður Guðni
í Þingborg í Hraungerðishreppi. Þá eru fyrirhugaðir fundir á Vestfjörðum
og á höfuðborgarsvæðinu svo eitthvað sé nefnt en þeir hafa ekki verið
dagsettir ennþá.
Fundirnir sem bera yfirskriftina „Tími aðgerða í efnahagsmálum er
runninn upp“ eru auglýstir með dreifibréfi á hverju svæði fyrir sig
en þangað eru allir velkomnir.
28.ágúst
Síðustu
tónleikar sumarsins, Gunnar Kvaran leikur Bach
Gunnar
Kvaran sellóleikari mun sunnudaginn 31. ágúst kl. 16:00 halda síðustu
stofutónleika sumarsins á Gljúfrasteini. Meðleikari á píanó er Haukur
Guðlaugsson.
Tónleikaröð Gljúfrasteins hefur gengið mjög vel í sumar og þakkar
starfsfólk fyrir góða aðsókn og skemmtilega
27.ágúst
Þjófnaður
í skólum bæjarins
Nokkuð
hefur verið um þjófnað skólum bæjarins. Í Varmárskóla hefur m.a.
verið stolið verðmætum myndvörpum og öðrum búnaði er notaður er
til kennslu.
Síðastliðinn vetur var mikið um þjófnað í skólunum og urðu
nemendur jafnt sem kennarar fyrir barðinu á þjófunum. Að sögn einnar móður
var fatnaði stolið frá syni hennar að verðmæti 30.þúsund. Og þá
varð kennari fyrir barðinu á þjófunum þegar veski í hennar eigu var
stolið. Nú
er unnið er að því að setja upp eftirlitsmyndavélar í fatahengi Varmárskóla
og leitað er leiða til að stemma stigu við ástandinu.
Aldrei er of vel brýnt fyrir nemendum að skilja ekki eftir verðmæti í
yfirhöfnu.
26.ágúst
Sorpu
b.s. hagnast um 19 milljónir króna
Hagnaður
Sorpu b.s. fyrstu sex mánuði ársins nam rétt tæpum 19 millj.kr. en var
64,8 millj.kr. fyrir sama tímabil árið áður. Hagnaður fyrir fjármagnsliði
og afskriftir nam 93,4 millj.kr. en var 44,9 millj. fyrir sama tímabil á
árinu 2007.
Rekstrartekjur samlagsins námu 992,3 millj.kr. á tímabilinu samanborið
við 945,7 millj.kr. árið 2007. Rekstrargjöld, án afskrifta og fjármagnsliða
voru 839,0 millj.kr. samanborið við 841,5 millj.kr. 2007. mbl.is sagði frá
þessu í dag.
Sorpa byggðarsamlag var stofnað 1988 eigendur eru sveitafélögin á höfuðborgarsvæðinu
í samræmi við fólksfjölda í hverju þeirra fyrir sig.
25.ágúst
Íbúðalánasjóður
kemur lántakendum til hjálpar.
Lántakendur Íbúðalánasjóðs sem eiga tvær fasteignir geta nú fengið
frestun á afborgunum af lánum. Þannig kemur Íbúðalánasjóður til móts
við þá lántakendur sem hafa keypt fasteign án þess að hafa náð að
selja.
Heimilt er að fresta greiðslum af lánum sjóðsins á annarri eða báðum
eignum. Lántakendur geta fengið greiðslufrest í eitt ár í senn en þau
skilyrði eru sett að fasteignin sem um ræðir hafi verið keypt eftir 1.
júlí 2007 og að reynt hafi verið að selja aðra eignina.
Vextir sjóðsins á útlánum vegna húsnæðiskaupa eru nú 4,9% með
uppgreiðsluálagi og 5,4% án uppgreiðsluálags.
25.ágúst
Íkveikja
í ruslagámi í nótt
Slökkvilið
var kallað út að Þverholti í Mosfellsbæ í nótt vegna íkveikju í
ruslagámi. Að sögn slökkviliðs var um töluverðan eld að ræða, og gámurinn
stór. Greiðlega gekk að slökkva eldinn. mbl.is sagði frá. Nokkuð
hefur borið á því að kveikt hefur verið í rusla-og safn gámum í
Mosfellsbæ upp á síðkastið.
22.ágúst
Guðni
Ágústsson á
hringferð!
Tími
efnahagsmála er runninn upp
Guðni
Ágústsson, alþingismaður og formaður Framsóknarflokksins, verður á
hringferð um landið á næstunni. Hann mun heimsækja fólk og fyrirtæki
og boða til opinna funda þar sem rætt verður um stjórnmálaástandið
og aðgerðaleysi ríkisstjórnarinnar, verðbólguna og vaxtaokrið og
almennt um stöðu þjóðarbúsins.
Guðni mun boða til opinna funda í Félagsbæ við Borgarbraut í
Borgarnesi mánudaginn 25. ágúst n.k., kl. 20:30, í Varmahlíð þriðjudaginn
26. ágúst, á Húsavík miðvikudaginn 27. ágúst og á Egilsstöðum
fimmtudaginn 28. ágúst. Fundirnir sem bera yfirskriftina „Tími aðgerða
í efnahagsmálum er runninn upp“ verða auglýstir með dreifibréfi á
hverju svæði fyrir sig en þangað eru allir velkomnir.
22.ágúst
sr.
Jón Þorsteinsson kveður söfnuðinn
Guðsþjónusta í Lágafellskirkju
sunnudaginn 24. ágúst kl. 14.00
Næstkomandi
sunnudag 24. ágúst mun sr. Jón Þorsteinsson, sóknarprestur kveðja söfnuðinn
í guðsþjónustu safnaðarins kl. 14:00. Sr. Jón hefur þjónað söfnuðinum
í 18 ár.
Allir hjartanlega velkomnir.
Að guðsþjónustunni lokinni býður sóknarnefnd Lágafellssóknar
kirkjugestum í kaffi í Hlégarði. Þar verða honum færðar þakkir
fyrir farsæl og traust störf hans í þágu safnaðarins.
21.ágúst
Söngur,
gítarspil og gleði á Gljúfrasteini
Steinunn
S. Skjenstad, sópransöngkona og Solmund Nystabakk gítarleikari
munu sunnudaginn 24. ágúst kl. 16:00 halda tónleika í stofunni á
Gljúfrasteini. Aðgangseyrir er aðeins 500 kr. og eru allir velkomnir meðan
húsrúm leyfir.
Á
efnisskránni kennir ýmissa grasa en tónleikarnir hefjast á verkum Franz
Schuberts við ljóð Goethe og annarra þýskra ljóðskálda. Þar á
eftir verða flutt verk eftir Benjamin Britten og í endann verður svo
tekin þjóðlagasyrpa þar sem jafnt íslensk sem norsk þjóðlög verða
flutt í útsetningu Solmunds Nystabakks. Það er því spennandi dagskrá
sem bíður áheyrnar í stofunni á Gljúfrasteini.
20.ágúst
Krikaskóli
(Brekkukot) formlega opnaður
Krikaskóli í bráðabyrgðar húsnæði
fram á næsta haust
Í
gær var Brekkukot formlega opnað en Krikaskóli er nú rekinn þar til bráðabyrðar.
Næsta haust færist starfsemin væntanlega í nýtt framtíðarhúsnæði
í Krikahverfi en Krikaskóli verður í framtíðinni fyrir börn frá eins
árs til níu ára. Þrúður Hjelm hefur verið ráðin skólastjóri
Krikaskóla en hún hefur þegar hafið störf. Í Brekkukoti verða u.þ.b.
45 börn í vetur á aldrinum tveggja til fimm ára.
15.ágúst
Stofutónleikar
Gljúfrasteins
Frá Bach til Boss - fiðla að hætti
Hjörleifs
Hjörleifur
Valsson fiðluleikari mun á sunnudaginn 17. ágúst kl. 16:00 halda tónleika
í stofunni á Gljúfrasteini. Aðgangseyrir er aðeins 500 kr. allir
velkomnir meðan að húsrúm leyfir.
Hjörleifur
mun hefja leikinn á sónötu köflum eftir Bach,
leika svo verk eftir Paganini og enda á þjóðlaga fantasíu með hjálp
galdrameistara nútímans, eins og hann segir sjálfur frá.
Stofutónleikar
Gljúfrasteins verða alla sunnudaga í sumar kl.16, nánar má lesa um
dagskrána hér.
15.ágúst
Útimarkaður
Varmársamtakana “Í túninu heima”
Varmársamtökin
halda nú útimarkað í þriðja sinn, laugardaginn 30. ágúst frá kl. 12
-16 í tengslum við bæjarhátíðina “Í túninu heima”. Á
markaðinum verður m.a. hægt að versla lífrænt grænmeti, silung, harðfisk,
sultur, heilsuvörur, kaffiveitingar og margt fleira.
Markaðurinn
hefur verið fjölsóttur og skemmtilegur viðburður sem nú er að festa
sig í sessi í bæjarlífinu.
13.ágúst
Umhverfisviðurkenningar
Mosfellsbæjar 2008
Afhending
umhverfisviðurkenningar Mosfellsbæjar 2008 fór fram þriðjudaginn 12. ágúst
í fundasal bæjarstjórnar en umhverfisviðurkenningu Mosfellsbæjar hlutu
að þessu sinn:
Kristleifur
Guðbjörnsson og Margrét Ólafsdóttir Arkarholti 4. fyrir áratuga ræktunarstarf.
Gunnlaugur Júlíusson og Jónína S Jónsdóttir Leirutanga 27. fyrir
fallegan og vel hirtan garð þar sem umhirða gróðurs er til fyrirmyndar.
Svavar S Tómasson og Rannveig Raymondsdóttir Hamratangi 15. fyrir sérstaklega
fallega hönnun og skipulag lóðar.
Þess
má geta að hjónin Kristleifur og Margrét Arkarholti 4. hafa tvívegis
áður hlotið umhverfisviðurkenningu Mosfellsbæjar 1994 og 1986
13.
ágúst
Loksins
opnar Mosfellsbær íbúagátt
Loksins
opnar Mosfellsbær íbúagátt á heimasíðu sinni bæjarbúum til hagsbóta
en mörg bæjarfélög hafa þegar stigið þetta skref fyrir margt löngu síðan.
Ráðgert er að íbúagáttin verði opnuð 18. ágúst. Fyrst í stað verður
eingöngu hægt að sækja um mötuneyti grunnskólanna og dvöl fyrir barn
í frístundaseli í gegn um íbúagáttina.
Markmiðið með rafrænni íbúagátt er almennt að gefa íbúum kost á að
sækja um þjónustu til sveitarfélagsins, senda inn formleg erindi,
fylgjast með framgangi sinna mála, skoða greiðslustöðu, koma ábendingum
á framfæri svo eitthvað sé nefnt.
10.júlí
Erum farin í
sumarfrí frá og með 10.júlí til og með 13 ágúst.
8.júlí
Glæsilegt
auglýsingaskilti
Framsóknarflokkurinn
í Mosfellsbæ hefur látið merkja húsnæðið hjá sér með veglegu
skilti á húsgaflinn að Háholti 14.
Hvort þetta sé upphaf stórsóknar látum við ósagt en nú ætti ekki að
fara fram hjá neinum hvar framsóknarmenn í Mosfellsbæ eru til húsa hafi
vafi leikið á því. Eitthvað hefur borið á því að fólk hefur
átt í vandræðum með að finna fundarsal framsóknarmanna að Háholti allir
hafa þó skilað sér að lokum á fjöruga fundi framsóknarmanna.
8.júlí
Framkvæmdir
við Reykjaveg talsvert á eftir áætlun
Íbúar Teigahverfis orðnir langþreyttir
á löngum
Framkvæmdir við fyrirhugað hringtorg og undirgöng sem hófust
í febrúar sl. hafa dregist úr hófi fram. Íbúar kvarta yfir drætti á
framkvæmdum en upphaflega var fyrirhugað að þær stæðu yfir í fjóra
mánuði. Nú hafa þessar
framkvæmdir dregist um nær átta vikur.
Gert var ráð fyrir að lokað yrði frá og með 15. febrúar og til 15 maí
vegna framkvæmda Vegagerðar og Mosfellsbæjar við hringtorg og undirgöng
á gatnamótum Jónsteigs, Stórakrika og Reykjavegar, en tímabundin aðkoma
að Teigahverfi hefur verið í gegnum Völuteig og Víðiteig á meðan á
framkvæmdum hefur staðið.
8.júlí
Ljósmyndasýning
í Listasal Mosfellsbæjar
Laugardaginn
12. júlí næstkomandi opnar Guðmunda Jónsdóttir ljósmyndasýningu sína
Augnakonfekt
í Listasal Mosfellsbæjar.
Ljósmyndirnar
á sýningunni hafa að mestu leyti verið teknar á síðastliðnum tveimur
árum. Meginviðfangsefni hennar á sýningunni er landslag, blóm, fólk og
dýr. Guðmunda
er félagi í Fókus,
sem er félag áhugaljósmyndara og hefur hún tekið þátt í samsýningum
á vegum þess. Allir
velkomnir - Aðgangur er ókeypis
7.júlí
Engin
jarðtenging í Valhöll!
Ungir
sjálfstæðismenn sendu í dag frá sér ályktun þar sem þeir komast að
þeirri niðurstöðu að niðurlagning Íbúðalánasjóðs sé til þess
fallin að skapa heilbrigðari aðstæður á fjármálamarkaði hérlendis.
Meginþorri þjóðarinnar er hins vegar búinn að sjá í gegnum gylliboð
bankanna og bíður nú milli vonar og ótta eftir því að bankarnir
endurskoði vexti á húsnæðislánum sem þeir dældu út á
fasteignamarkaðinn í ómældu magni svo hann lá stórskaðaður á eftir.
Ungir sjálfstæðismenn tilheyra greinilega ekki meginþorra þjóðarinnar
sem styður Íbúðalánasjóð dyggilega. Spyrja má einnig hvort ungir sjálfstæðismenn
styðji ekki núverandi ríkisstjórn sem fékk Íbúðalánasjóði aukið
hlutverk á fasteignamarkaði fyrir nokkrum dögum.
Heilbrigðið sem sjálfstæðismenn kalla svo mjög eftir á íbúðalánamarkaði
felst í því að uppfylla þeirra eigin trúarbrögð um að samkeppni færi
fólkinu í landinu alltaf bestu kjörin. Það þarf ekki að líta lengi
í kringum sig til að sjá að því miður ber of lítið á kröftugri
samkeppni hér á landi og sporin hræða hvað samráð á frjálsum og fámennum
markaði áhrærir.
Já, það er ekki ofsögum sagt að sjálfstæðismenn séu búnir að tapa
jarðtengingunni, ungir sem aldnir.
2.júlí
Djassað
á Gljúfrasteini
Sunnudaginn
6. júlí kl. 16:00 munu Kristjana Stefánsdóttir djasssöngkona, Agnar Már
Magnússon píanóleikari og Helga Björg Ágústsdóttir sellóleikari
halda tónleika á Gljúfrasteini. Á efnisskránni má finna verk eftir tónskáldin
Sunnu Gunnlaugsdóttir, Tómas R. Einarsson og Sigurð Flosason við ljóð
ýmissa þekktra íslenskra ljóðskálda, þar á meðal Tómas Guðmundsson
og Halldór Laxness.
Unnendur djass og góðrar tónlistar ættu því ekki að láta þennan viðburð
framhjá sér fara.
Sem fyrr er aðgangseyrir aðeins 500 kr. og allir velkomnir meðan húsrúm
leyfir.
Stofutónleikar
Gljúfrasteins verða alla sunnudaga í sumar kl.16, nánar má lesa um
dagskrána hér.
24.júní
Er
Mosfellsbær fjölskylduvænt bæjarfélag?
Mosfellsbær
greiðir lægstu styrkina vegna frístunda barna á höfuðborgarsvæðinu.
Nokkur umræða hefur verið um greiðslur
sveitarfélaga vegna frístundaiðkunar. Það hefur vakið athygli
Mosfellsfrétta að samanburður á styrk til fjölskyldna barna 6-18 ára
vegna íþróttaiðkunar hefur verið Mosfellsbæ óhagstæður og í ljósi
þessa er taflan hér að neðan birt lesendum til upplýsinga.
Bæjarstjórn Mosfellsbæjar samþykkti á 493.fundi sínum
sl. miðvikudag tillögu íþrótta-og tómstundarnefndar um greiðslur
vegna frístundávísunnar að kr 18000 fyrir árið 2008-9.
Greiðslur þessar eru fyrir öll börn í Mosfellsbæ á aldrinum 6-18 ára.
Ef borin er saman upphæðin við nágranasveitafélögin þá er ljóst að
Mosfellsbær má gera betur en samkvæmt upplýsingum Mosfellsfrétta þá
er aðeins Reykjavík og Mosfellsbær búnir að samþykkja upphæðina
fyrir árið 2009 en upphæð annar sveitafélaga miðast við árið 2008.
Það er því augljóst að ef miðað er við þessar upplýsingar þá
getur Mosfellsbær varla talist fjölskylduvænt bæjarfélag..
