24.desember
Mosfellsfréttir
óska þér og fjölskyldu þinni friðsældar á jólahátíðinni og
farsældar á komandi ári.
20.desember
Fjárhagsáætlun
2008. Síðari umræða.
Á
481. fundi bæjarstjórnar Mosfellsbæjar sem haldinn var miðvikudaginn 19.
desember sl. var síðari umræða fjárhagsáætlunar 2008. Helstu niðurstöður
áætlunar eru eftirfarandi í þús. kr tekjur: 4.065.323 gjöld: 
3.798.642
fjármagnsgjöld: 175.097 rekstrarniðurstaða: 736.584,
eignir í árslok: 7.088.313, eigið fé í árslok: 3.420.956, fjárfestingar:
1.131.000. Fjárhagsáætlun
2007 var borin upp og samþykkt með fjórum atkvæðum D og V-lista, fulltrúar
B og S-lista sáttu hjá.
Eftirfarandi er bókun B-lista við afgreiðslu fjárhagsáætlunarinnar.
Undanfarin ár hafa verið afar hagstæð fyrir rekstur sveitarfélaga
á höfuðborgarsvæðinu.
Hækkun fasteignamats, kauphækkanir umfram verðlag, sala byggingarréttar
og íbúafjölgun hafa skilað bæjarfélaginu hærri tekjum og styrkt alla
uppbyggingu og rekstur langt umfram það sem áætlanir gerðu ráð fyrir.
Slíkur vöxtur og útþensla hefur líka skapað mikið vinnuálag á
starfsfólk sveitarfélagsins og vil ég nota tækifærið til að þakka
starfsmönnum bæjarins fyrir mjög gott starf oft við erfiðar aðstæður.
Fjárhagsáætlun sveitarfélags hverju sinni er stefnumörkun meirihluta bæjarstjórnar.
Stefnumörkun um rekstur, framkvæmdir, uppbyggingu og þjónustustig á
komandi árum.
Áætlunin fyrir árið 2008 er um margt ágæt og ber hún með sér aðhald
og hagkvæmni á mörgum sviðum en einsýnt er að ekki er um bætta þjónustu
og aukin gæði að ræða.
Framsóknarmenn hefðu viljað sjá meiri metnað í fjárhagsáætluninni
og m.a. viljað sjá meiri fjármunum veitt til skólamála, uppbyggingu sem
reksturs. Við minnum á framlagðar tillögur okkar undanfarin ár um fríar
skólamáltíðir svo og ritföng að ákveðnu marki sem ekki er að sjá
í þessari fjárhagsáætlun. Við bendum á að samkvæmt upplýsingum úr
árbók sveitarfélaga má sjá að útgjöld Mosfellsbæjar á hvern
nemenda í grunnskóla er nokkuð undir meðaltali hvort sem litið er á
landsmeðaltal eða meðaltal höfuðborgarsvæðis.
Gríðarleg fólksfjölgun er áætluð á árinu 2008 eða um 11% og er því
mikilvægt að sveitarfélagið kappkosti að fylgja eftir þjónustu við
þessa nýju bæjarbúa. Það er gagnrýnivert hversu seint uppbygging skólamannvirkja
er áætluð með tilliti til þessarar miklu fjölgunar.
20.desember
Jólaball
Hið árlega jólaball Mosfellsbæjar verður haldið í Hlégarði þann
17.desember
Einkunnir
hæstar í SV-kjördæmi
Nemendur
í Suðvesturkjördæmi koma best út í samræmdum prófum í íslensku og
stærðfræði í fjórða og sjöunda bekk. Námsmatsstofnun kynnti í dag
niðurstöður úr samræmdum könnunarprófum 2007 en um 8 þúsund börn
þreyttu prófin í ár. Meðaltalið er lægst í öllum greinum í Suðurkjördæmi.
Frá þessu segir á visir.is og mbl.is.
17.desember
Orgel-jól
Þriðjudaginn
18.desember mun Douglas Brotchie organisti í Háteigskirkju í
Reykjavík spila 
ljúfa
og skemmtilega orgeltónlist fyrir jólahátíðir. Þetta
er í þriðja skipti sem Douglas heldur Orgeljól í lágafellskirkju við
góðar undirtektir. Á tónleikunum kemur Sigrún Jónsdóttir mezzosópran
fram sem gestasöngvari.
Dr. Douglas Brotchie er fæddur í Skotlandi og orðinn Íslendingur
eftir 25 ára dvöl hér á landi og er stoltur Mosfellingur. Hann hefur
komið fram á einleikstónleikum á Íslandi, Skotlandi, Ungverjalandi og
í Þýskalandi.
Aðgangur er ókeypis en tónleikarnir eru styrktir af menningarmálanefnd
Mosfellsbæjar
17.desember
World
Class hefur opnað nýja heilsuræktarstöð við Lágafellslaug
World
Class opnaði á laugardaginn 15.desember sl. nýja 1.000 fermetra heilsuræktarstöð
World Class í nýju húsnæði við Lágafellslaug í Mosfellsbæ. Opnun stöðvarinnar
er liður í átaki World Class þar sem markmiðið er að færa heilsuræktarstöðvar
nær íbúum höfuðborgarsvæðisins og auðvelda þannig fleirum að
stunda reglulega heilsurækt.
Í nýju
heilsuræktarstöðinni er fullkominn tækjasalur, leikfimisalur,
barnaleikherbergi auk aðgangs að Lágafellslaug og þeirri aðstöðu sem
laugin býður upp á. Dansstúdíó World Class verður með danskennslu
fyrir alla aldurshópa í vetur í stöðinni. Þá mun heilsuræktin
Toppform flytja alla starfsemi sína frá Varmá í nýju World Class stöðina
við Lágafellslaug.
Um
leið og nýja heilsuræktarstöðin var tekin í notkun var undirritaður
samningur um að World Class styrki fimleikadeild Aftureldingar.
14.desember
Makalaust
og marklaust blaður
Samkvæmt
fréttastofu Ríkisútvarpsins verður þetta loforð svikið og helsti þröskuldur
í veginum er samgönguráðherrann Kristján Möller, flokksbróðir Guðbjarts,
en þeir félagarnir eru oddvitar fylkingarinnar sinn í hvoru kjördæmi. Nú
verður að gera þá kröfu til stjórnmálamanna að þeir gefi kjósendum
skýrt til kynna hvort loforð þeirra séu persónuleg eða gefin fyrir hönd
flokksins. Af því tilefni má spyrja, voru frambjóðendur
Samfylkingarinnar í Norðvesturkjördæmi umboðslausir í loforðaaustri sínum
gagnvart saklausum kjósendum í kjördæminu? Hvort eru svikin Guðbjarts eða
flokksins? Óumdeilanlega hljóta Guðbjartur og Samfylkingin að vera í þeirri
aðstöðu nú að hafa völd og áhrif til að uppfylla þetta loforð
sitt. Það ætti því að vera hægðarleikur fyrir Guðbjart að efna þessi
orð sín úr grein í Morgunblaðinu 12. febrúar sl.: „Að vel athuguðu
máli þá hef ég ákveðið að beita mér fyrir því að veggjaldið verði
fellt niður sem fyrst ef ég fæ til þess völd og áhrif á Alþingi Íslendinga.“
Hvernig var tillögu Guðbjarts um að fella niður gjaldið tekið í fjárlaganefnd,
þar sem hann er nefndarmaður og situr á eigin ábyrgð en ekki á ábyrgð
Möllers? Hafi hann enga tillögu gert þar um niðurfellingu gjaldsins er
þetta tal hans marklaust og makalaust blaður.
13.desember
Jólablað
Mosfellsfrétta
Mosfellsfréttir
23. árg, 2. tbl. 2007 kemur út á morgun. Blaðinu verður dreift frítt
inn á öll heimili í bænum og á vinnustaði. Einnig er hægt að nálgast
blaðið á bensínstöðvum bæjarins. Í blaðinu eru fjölmargar
greinar og viðtöl, m.a. hugleiðing eftir Sr.Kjartan Jónsson,
bernskuminningar eftir Maríu S. Gísladóttur og margt fleira.
13.desember
Síðasti
upplesturinn á aðventunni
Næsta
sunnudag 16. desember klukkan 16 er komið að síðustu upplestrum þessarar
aðventu. Segja má að hefð sé komin á lestur rithöfunda úr nýjum bókum
fyrir jólin á Gljúfrasteini. Upplestrarnir hafa mælst vel fyrir enda
andrúmsloftið í stofunni einstakt og tilvalið að gleyma jólastressinu
og njóta upplestra í kyrrðinni í sveitinni.
Dagskráin er eftirfarandi:
Jón Kalman Stefánsson– Himnaríki og helvíti
Vigdís Grímsdóttir - Sagan um Bíbí Ólafsdóttur
Pétur Gunnarsson - ÞÞ Í fátæktarlandinu
Ólafur Ragnarsson - Til fundar við skáldið Halldór Laxness
Guðmundur Ólafsson leikari les
Aðgangur er ókeypis og öllum opinn.
10.desember
Viðtalstímar
bæjarfulltrúa
í Mosfellsbæ
Bæjarfulltrúarnir
Marteinn Magnússon og Karl Tómasson verða með viðtalstíma miðvikudaginn
12. desember 2007
á bæjarskrifstofunni Þverholti 2, 4.hæð kl 17:00 til 1800.
9.desember
Folaldasýning
í Kjós
Hestamannafélagið
Adam stóð fyrir folaldasýningu um helgina. Sýningin fór fram í Laxárnesi
og var þátttaka mjög góð, en alls voru sýnd 16 folöld og yfir 40
manns komu til að fylgjast með. Dómari var Magnús Lárusson og var sýningin
mjög skemmtileg og lífleg undir hans stjórn.
Hestamenn í Kjós hafa unnið að gerð reiðvega um sveitina og hyggja á
að gera stórátak í þeim efnum
Úrslitin
voru eftirfarandi:
1.
sæti. Lokkur frá Laxárnesi. Eigandi og ræktandi:
Fínafl ehf
Móðir: Alsæla frá Vogum. Faðir:
Keilir frá Miðsitju.
2.
sæti. Flóki frá Flekkudal. Eigandi og
ræktandi: Sigurður Guðmundsson
Móðir: Björk frá Vindási. Faðir: Dynur frá Hvammi.
3.
sæti. Kóróna frá Þúfu. Eigendur og ræktendur:
Guðríður Gunnarsdóttir
og Björn Ólafsson .
Móðir. Brynja frá Feti. Faðir:
Hróður frá Refsstöðum.
Dómarinn
Magnús Lárusson valdi Lokk frá Laxárnesi “stjörnu mótsins”.
6.desember
Fyrir
hvað standa vinstri grænir í Mosfellsbæ?
Það
vekur óneitanlega athygli þegar vinstri grænir leggjast svo lágt að ríða
á vaðið með hækkun leigu á félagslegt húsnæði en þetta gerðist
í fjölskyldunefnd þriðjudaginn 27.nóvember sl. þegar meirihluti
nefndarinnar sem er undir forustu vinstri grænna samþykkti hækkun húsaleigu
gegn atkvæðum fulltrúa framsóknarmanna og samfylkingar.
Að
þessu tilefni bókaði bæjarfulltrúi framsóknarmanna Marteinn Magnússon
eftirfarandi í bæjarstjórn miðvikudaginn 5.desember sl.
"Það
vekur athygli og undrun að fjölskyldunefnd undir forystu vinstri grænna
skuli leggja til allt að 9% hækkun umfram neysluvísitölu á húsaleigu
á félagslegum íbúðum.
Þessi ákvörðun meirihlutans í Mosfellsbæ eru kaldar kveðjur
til þess hóps sem hefur sannanlega þörf fyrir ódýrt félagslegt húsnæði
og vafasamt að benda á þenslu á húsnæðismarkaði sem rökstuðning
fyrir þessari gríðarlegu hækkun. "
Segja
má að almennt séu bæjarbúar farnir að velta því fyrir sér hvað
vinstri grænir standi fyrir í Mosfellsbæ!
4.desember
Jólatrjáasala
að Fossá í Hvalfirði
Einstaklingum
sem og starfsmannahópum gefst nú eins og undanfarin ár frábært tækifæri
til að ná sér í jólatré að Fossá í Kjós. Opið er fyrir almenning
helgarnar 1. og 2. desember, 8. og 9. desember, 15. og 16. desember auk 22.
desember, frá kl. 11:00 til 15:00.
Með því að velja íslenskt jólatré styrkir þú skógræktarstarfið
í landinu. Fyrir hvert selt jólatré geta skógræktarfélögin gróðursett
30 - 40 ný tré.
Skógræktarfélögin í Mosfellsbæ, Kópavogi, Kjalarnesi og Kjós eiga svæðið
að Fossá og hafa plantað í það í um 35 ár.
Nánari upplýsingar um séróskir s.s. eins og t.d. aðra daga veitir:
Eiríkur Páll Eiríksson sími 554-4236, Gsm 864-9246 eirikp@fa.is
http://www.skogkop.net/
http://www.kjos.is/
http://www.skog.is
30.nóvember
Jól
á Gljúfrasteini
Rithöfundar
munu lesa úr nýútkomnum bókum sínum á Gljúfrasteini þrjá fyrstu
sunnudaga á aðventu. Segja má að það sé komin hefð á upplestra úr
nýjum bókum fyrir jólin á Gljúfrasteini. Upplestrarnir hafa mælst
vel fyrir enda andrúmsloftið í stofunni einstakt og tilvalið að hlýða
á upplestra í kyrrð og friði.
Á sunnudaginn kemur lesa Einar Kárason, Gerður Kristný, Einar Már Guðmundsson
og Árni Þórarinsson úr bókum sínum. Upplestrarnir hefjast klukkan
16.00 og er aðgangur ókeypis og öllum opinn.
Dagskráin
á aðventunni:
2.
desember
Einar Kárason - Endurfundir
Gerður Kristný - Höggstaður
Einar Már Guðmundsson - Rimlar hugans. Ástarsaga
9.
desember
Kristín Marja Baldursdóttir - Óreiða á striga
Þórarinn Eldjárn - Fjöllin verða að duga
Þórunn Erlu-Valdimarsdóttir - Kalt er annars blóð
Sigurbjörg Þrastardóttir - Blysfarir
16.
desember
Jón Kalman – Himnaríki og helvíti
Vigdís Grímsdóttir - Sagan um Bíbí Ólafsdóttur
Pétur Gunnarsson - ÞÞ Í fátæktarlandinu
Ólafur Ragnarsson - Til fundar við skáldið Halldór Laxness
Guðmundur Ólafsson leikari les
29.nóvember
Jólasöngur
Kammerkórs Mosfellsbæjar 1. des
í Kjarnanum
Jólasöngur
og vöfflu sala Kammerkórs Mosfellsbæjar verður laugardaginn 1. des. í
Kjarnanum kl. 16:20. Söngurinn
hefst í beinu framhaldi af dagskrá sem er utan dyra við Kjarna þar
sem kveikt verðu á jólatrénu kl. 16:00. Jólasöngurinn hefst með því
að Kammerkór Mosfellsbæjar syngur nokkur jólalög ásamt Barnakór Varmárskóla.
Síðan verður dansað í kringum jólatréð, seldar verða vöfflur,
kaffi og kakó. Þá koma Grýla og börnin hennar í heimsókn og taka þau
þátt í dansinum. Kammerkór Mosfellsbæjar syngur síðan nokkur lög
eftir að grýla hefur kvatt og allt er komið í eðlilegt horf á ný.
Stjórnandi
Kammerkórs Mosfellsbæjar er Símon H. Ívarsson og stjórnandi Barnakórs
Varmárskóla er Guðmundur Ómar Óskarsson og meðleikari er Arnhildur
Valgarðsdóttir.
28.nóvember
Ísland
best í heimi.
Það
sem bar hvað hæst í fréttum vikunnar var útkoma nýrrar skýrslu Þróunarstofnunar
Sameinuðu þjóðanna. Í skýrslunni er þjóðum heims raðað upp á
lista eftir því hversu góð lífskjör íbúar þeirra eru taldir njóta.
Nú bar svo við að Ísland er komið í efsta sæti listans en í fyrra
vorum við í öðru sæti á þessum sama lista. Það er ekki hægt að
segja annað en að framsóknarmenn skili því af sér góðu búi þegar
úr ríkisstjórn er farið.
Til gamans má geta þess að árið 1990 var Ísland í 3. sæti á
listanum, við duttum niður í 12. sætið árið 1995 eftir ríkisstjórnarsamstarf
krata og íhalds, fórum aftur upp í 4.-5. sæti árið 2005 og erum nú á
toppnum. Stóra spurningin er svo hvert kratar og íhald munu leiða okkur að
þessu sinni?
23.nóvember
Ungir
álykta um húsnæðismál
Sambands ungra Framsóknarmanna sendi frá sér ályktun
um húsnæðismál í vikunni þar sem stjórnvöld eru hvött til þess að
taka til hendinni og gera ungu fólki aftur kleift að eignast þak yfir höfuðið.
Ályktunin er svohljóðandi:
Stjórn Sambands ungra Framsóknarmanna lýsir yfir þungum áhyggjum yfir
stöðu mála á húsnæðismarkaði.
Verðmyndun á markaðnum sem og aðstæður á lánamarkaði gera það nú
að verkum að ungu fólki er nánast ómögulegt að eignast sína fyrstu
íbúð. Þá er leigumarkaðurinn ekki valkostur til lengri tíma enda
leiguverð á íbúðarhúsnæði nú einnig í sögulegu hámarki.
Ungt fólk krefst raunverulegra aðgerða af hálfu stjórnvalda, enda ekki
boðlegt að einu viðbrögð forsætisráðherra þjóðarinnar, séu að
segja fólki að kaupa sér ekki húsnæði. Þörf fólks fyrir húsnæði
hverfur ekki þó forsætisráðherra kunni að óska sér þess.
Stjórnvöld verða að stemma stigu við villtum dansi bankanna á markaðnum
og standa vörð um Íbúðalánasjóð sem tryggir aðgang allra landsmanna
að ódýru lánsfé, óháð búsetu
22.nóvember
GljúfrasteinnKvikmyndin Sjálfstætt fólk
Sunnudaginn 25. nóvember kl. 16:00
fer fram þriðja stofuspjall vetrarins um verk mánaðarins en að þessu
sinni verður skáldsagan Sjálfstætt fólk í öndvegi.
Þá kemur Snorri Þórisson kvikmyndagerðamaður í heimsókn og ræðir
um kvikmynd sem stendur til að vinna upp úr bókinni. Snorri á kvikmyndaréttinn
að Sjálfstæðu
fólki og hefur handritshöfundurinn Ruth Prawer Jhabvala þegar skrifað
handrit eftir bókinni. Meistaraverkið Sjálfstætt fólk kom fyrst út á
árunum 1934-35 og er líklega sú bók Halldórs sem borið hefur hróður
hans víðast. Það er því verðugt verkefni sem býður Snorra og hans
fylgdarliði, en Snorri hefur komið víða við í íslenskri kvikmyndagerð
og hefur meðal annars komið að kvikmyndunum Blóðbönd, Ungfrúin góða
og húsið og Agnes. Því má búast við fjörugum umræðum um skáldverkið,
Bjart í Sumarhúsum og íslenskar kvikmyndir á sunnudaginn 25. nóvember.
Að venju er aðgangur að stofuspjallinu ókeypis og allir velkomnir.
20.nóvember
Sævar
Baldur Lúðvíksson Íslandsmeistari í flokki 17ára og yngri
Helgina
17 og 18 nóvember s.l. var Íslandsmeistaramótið í skylmingum haldið í
nýrri glæsilegri skylmingamiðstöð í Baldurshaga sem er undir stúku
Laugardalsvallarins. Mikill fjöldi skylmingarmanna tóku þátt í mótinu
í að þessu sinni.
Sævar Baldur Lúðvíksson ( 17 ára) brást okkur Mosfellingum ekki frekar
en fyrri daginn þegar hann sigraði í flokknum 17 ára og yngri og hlaut
þar með Íslandsmeistaratitilinn 2007 í skylmingum með höggsverði. Sævar
hlaut einnig silfur eða annað sætið í flokknum 20 ára og yngri eftir
afar eftirminnilegan úrslitaleik við Harald Hugóson (20 ára) sem sigraði
með minnsta mögulegum mun 15:14 eftir geysi spennandi, átakamikinn og hnífjafnan
leik.Stóri sigur Sævars á mótinu var þó sá þegar hann hlaut bronz eða
þriðja sætið í opnum flokki fullorðinna.
19.nóvember
TRÍLOGÍA
10.-24.nóvember
Laugardaginn
10.nóv. sl. opnaði sýningin Trílogía í Listasal Mosfellsbæjar, en síðastliðin
þrjú ár hafa Grunnskólarnir í Mosfellsbæ verið þátttakendur í mjög
spennandi grafíklistaverkefni í samvinnu með Billedskolen í Kaupmannahöfn.
Nafn sýningarinnar Trílogía stendur fyrir þeim þrem árþúsundum sem
verkefnin túlka í sögunni.
Yfirumsjón með Trílogíu-verkefninu hafa grafíklistakonan Inger Winther
frá Kaupmannahöfn og Björn Þráinn Þórðarson sviðsstjóri fræðslu-
og menningarsviðs, fyrir hönd Mosfellsbæjar. Þessi verkefnavinna var
nemendum og kennurum mjög lærdómsrík og afar eftirminnileg.
Endilega farið og sjáið þessa stórglæsilegu sýningu, en hún stendur
yfir til 24. nóvember 2007 Kennarar sem unu að þessu verkefni heita:
Inger Winther, Billedskolen Kaupmannahöfn,Arna Björk Birgisdóttir, Lágafellskóla,
Elísabet Stefánsdóttir, Varmárskóla, Hólmfríður Vala Svavarsdóttir,
Lágafellskóla. Meira...www.varmarskoli.is
19.nóvember
Aðalfund
Varmársamtakanna
Aðalfund Varmársamtakanna verður haldinn í Varmárskóla kl. 20.15 í kvöld,
mánudag. Fundarefni venjuleg aðalfundarstörf. Mikilvægt að Varmárvinir
mæti.
18.nóvember
Haustfagnaður
Framsóknarmanna í Mosfellsb
æ
Hin
árlegi haustfagnaður fór fram laugardaginn 17.nóv. sl. Birkir Jón Jónsson
alþingismaður var heiðursgestur kvöldsins fór hann með gamanmál og tók
lagið eins og honum einum er lagið. Veislustjórn var í höndum formanns
félagsins Inga
Már Aðalsteinssonar.
Marteinn
Magnússon bæjarfulltrúi heiðrar Þröst Karlsson fyrir öflugt framlag
hans í starfi flokksins um langt skeið. Kvöldið fór vel fram og við
gamansögur og söng.
14.nóvember
Viðtalstímar
bæjarfulltrúa
Bæjarfulltrúar
Mosfellsbæjar verða með eftirtalda viðtalstíma fram til áramóta.
Miðvikudaginn 14. nóvember kl 1700 Herdís Sigurjónsdóttir og Jónas
Sigurðsson
Miðvikudaginn 28. nóvember kl.1700 Karl Tómasson og Hanna Bjartmar
Miðvikudaginn 12. desember kl.1700 Hafsteinn Pálsson og Marteinn Magnússon
12.nóvember
Haustfagnaður
framsóknarmanna í Mosfellsbæ
Árlegur haustfagnaður framsóknarmanna í Mosfellsbæ
verður haldinn laugardaginn 17.nóvember að Háholti 14.
Heiðursgestur verður Birkir Jón Jónsson alþingismaður, Veislustjóri
Ingi Már Aðalsteinsson. Húsið
opnar kl 19.00.
Vinsamlegast tilkynnið Þátttöku í síma 8966462 eða með því að
senda e-mail á markholt@hive.is fyrir
15. nóvember n.k.
12.nóvember
Nína
Björk kylfingur ársins hjá GKJ.
11.nóvember
Oddviti
Kjósarhrepps vændur um ólögmæta ráðstöfun óskilafjár!
Fyrir
hefur verið tekið bréf Guðnýjar Guðrúnar Ívarsdóttur í Flekkudal
til hreppsnefndar Kjósarhrepps varðandi meinta ólögmæta ráðstöfun óskilafjár,
oddvita hreppsins.
Í bréfinu kemur m.a. fram, að svo virðist sem oddviti hafi sent til slátrunar
sauðfé sem hún telur sig vera eigandi af að líkindum. Tilteknir eru
einstaklingar sem töldu sig hafa handsamað umrætt fé sl. vor , sem væri
útigengin veturgömul ær með tilteknu merki, og tveimur lömbum nýbornum.
Telja þeir einstaklingar að um sama fé sé um ræða.
Þá er vitnað í 13. gr. fjallskilasamþykktar fyrir Landnám Ingólfs nr.
401/199, þar sem segir; að ómerkingum og óskilafé, sem ekki finnst
eigandi að, skuli þegar lógað í sláturhúsi og sér réttarstjóri eða
hreppsstjóri um að svo sé gert.
Síðan eru rakin hegningarákvæði 16.greinar fjallskilasamþykktarinnar,
en að ekki er vilji undirritaðar að kæra mál þetta a.m.k. að svo stöddu.
Þá kemur fram að oddviti sé hvorki hreppsstjóri né réttarstjóri en
svo virtist að hann hafi tekið ákvörðun um að lóga fénu, þrátt
fyrir ábendingu um eiganda þess.
Bréfritari telur að auðvelt hefði verið fyrir sig að sanna eignarhald
sitt á fénu m.a. með DNA rannsókn.
Að lokum er þess óskað að kannað verði hvort rétt sé að búfé í
eigu hennar hafi verið fært til slátrunar og fjármunum fyrir þær
ráðstafað í sveitarsjóð.
Sjá meira á www.kjos.is...
4.nóvember
Ganga
Hundaræktarfélags Íslands
Laugardaginn
3. nóvember sl.
stóð Hundaræktarfélag Íslands fyrir árlegri göngu með hunda niður
Laugaveginn í Reykjavík. Gengið
var frá Hlemmi og niður Laugaveg og endað í Hljómskálagarðinum þar
sem eigendur hundanna reyndu þá í hundafimi og fl..
Lögregluhundar, björgunarsveitar- og tollleitarhundar leiddu gönguna..
26.október
Gljúfrasteinn
Spjallað um leið Brekkukotsannáls í sjónvarpið
Sunnudaginn
28. október kl. 16:00 fer fram annað stofuspjall vetrarins um verk mánaðarins
en að þessu sinni verður rætt um kvikmyndun sjónvarpsmyndarinnar
Brekkukotsannáll. Þá munu Sveinn Einarsson leikstjóri, Björn G. Björnsson
og Jón Þórisson leikmyndahönnuðir rifja upp ævintýrið um gerð
kvikmyndarinnar. Að venju er aðgangur að stofuspjallinu ókeypis og allir
velkomnir.
Árið 1972
var ráðist í það stórvirki að kvikmynda skáldsöguna Brekkukotsannál
sem kom út 1957, eða tveimur árum eftir að Halldór Laxness hlaut Nóbelsverðlaunin.
Það var sjónvarpsstöðin NDR í Hamborg sem hafði frumkvæði að því
að kvikmynda söguna í samvinnu við allar sjónvarpsstöðvar Norðurlandanna
eftir handriti Rolfs Hädrichs. Var þetta stærsta kvikmynd sem ráðist
hafði verið í hér á landi og fengu ýmsir af okkar fremstu listamönnum
dýrmæta skólun. Myndin var sýnd í tveimur hlutum í ríkissjónvarpinu
á sínum tíma og var síðar sýnd í Danmörku, Noregi, Svíþjóð,
Vestur-Þýskalandi og víðar en hefur ekki verið gefin út fyrir
almenning.
24.október
Bæjarráð
heimsækir stofnanir
Árlegar
heimsóknir bæjarráðs til stofnana í tengslum við fjárhagsáætlanagerð
standa yfir þessa dagana. Í heimsóknunum ræða bæjarráðsmenn við
yfirmenn stofnana og deilda um rekstur ársins og framtíðina.
Á myndinni má sjá bæjarráð funda á Reykjakoti.
22.október
Útsvar
spurningakeppni sveitarfélaganna!
Mosfellsbær
mætir Vestmannaeyjum í beinni útsendingu í Útsvari, spurningakeppni
sveitarfélaganna föstudagskvöldið 26. október.
Þeir sem mæta fyrir okkar hönd eru Diddú söngkona, Bjarki
Bjarnason sagnfr. og Höskuldur Þráinsson prófessor og óskum
við þeim góðs gengis.
21.október
Ragnheiður
hættir sem bæjarfulltrúi.
Ragnheiður
Ríkharðsdóttir fyrrverandi bæjarstjóri mun kynna bæjarstjórn n.k. miðvikudag
að hún hyggist segja sig úr bæjarstjórn Mosfellsbæjar en hún var fyrst
kjörin bæjarfulltrúi í sveitarstjórnarkosningum 2002 og á ný 2006 en sóttist
síðan eftir þingmennsku vorið 2007. Ragnheiður lét af starfi bæjarstjóra í
lok ágúst sl.. Varamaður Ragnheiðar er Hafsteinn Pálsson og tekur hann því
sæti hennar sem bæjarfulltrúi.
20.október
Meira af íhaldinu
/ Magnús Stefánsson
Það
er að mörgu leyti athyglisvert að fylgjast með sjálfstæðismönnum og
forystufólki þeirra þessa dagana. Margir hafa haft á orði undanfarin ár að
sjálfstæðismenn séu eins og teflon húðaðir, það klínist ekkert á þá og þeir
hafi yfirleitt lag á því að láta allt líta út eins og slétt og fellt.
Þetta hefur aðallega verið vegna þess að þeir hafa borið gæfu til að halda
öllum vandamálum í flokknum innan veggja Valhallar og lítil sem engin
opinber umræða hefur verið um annað en að allt sé svo æðislegt og í svo góðu
lagi í Sjálfstæðisflokknum. Svo hafa þeir notað smjörklípuaðferðina og
sífellt bent á að aðrir flokkar séu svo hallærislegir og þeir logi stafna
milli í glundroða, allt til að beina athyglinni frá þeim sjálfum.
Meira.....
12.október
Kjördæmisþing Suðvesturkjördæmis
Kjördæmisþing
var haldið í Suðvesturkjördæmi í Kirkjulundi í Garðabæ 10.
október sl. Ríflega 100 manns sóttu þingið. Fyrir utan venjuleg aðalfundarstörf
ávörpuðu gestir þingið, en þeir voru: Guðni Ágústsson, formaður
Framsóknarflokksins, Ólöf Pálína Úlfarsdóttir, formaður LFK, Hlini Jóngeirsson,
ritari SUF, Sæunn Stefánsdóttir, ritari Framsóknarflokksins og Sigfús
Ingi Sigfússon, framkvæmdastjóri Framsóknarflokksins. Þá fjallaði Siv
Friðleifsdóttir um stjórnmálaviðhorf.
Í
hópavinnu ræddu menn um hverjar væru þær helstu áherslur sem Framsóknarflokkurinn
ætti að leggja áherslu á á komandi vetri. Hópstjórar voru Marteinn
Magnússon, Óðinn Pétur Vigfússon, Hlini Jóngeirsson og Eggert Sólberg
Jónsson og verður niðurstöðum hópanna vísað í þá málefnahópa
sem starfa nú á vegum flokksins.
Góðar
umræður urðu á þinginu.
Í
varastjórn KFSV tók sæti Sigrún Þorgeirsdóttir í stað Þórarins
Einarssonar, að öðru leyti var stjórnin endurkjörin undir formennsku
Hildar Helgu Gísladóttur.
Á
þinginu voru kosningastjóra og formanni kosninganefndar þökkuð vel
unnin störf í kosningabaráttunni í Suð-vesturkjördæmi í vor og þeim
færð blóm. Á myndinni, sem fengin var að láni hjá www.siv.is
má sjá Pétur Christiansen, Hansínu Björgvinsdóttur og Hildi Helgu Gísladóttur
9.október
Uppsagnir
á Reykjalundi
Nokkuð
hefur verið um uppsagnir á Reykjalundi og hefur m.a. vaktmönnum og
starfsfólki í þvottahúsi verði sagt upp störfum. Uppsagnirnar eru
tilkomnar vegna viðvarandi rekstrarvanda stofnunarinnar
og hefur yfirstjórn fyrirtækisins gripið til þess ráðs að segja upp
starfsfólki til hagræðingar auk annarra aðgerðir sem yfirstjórnin
hefur grípið til til þess að taka á rekstrarvandanum. Margir af þeim
sem sagt var upp hafa unnir fyrir Reykjalund í mörg ár og ríkir talsverð
óánægja með þessar ráðstafanir meðal starfsfólks Reykjalundar.
4.október
Uppskeruhátíð
Aftureldingar 2007
Uppskeruhátíðar
Aftureldingar verður laugardaginn 6. október. Kl. 10-12 er íþróttahátíð
fyrir iðkendur 10 ára og yngri en kl. 14 hefst verðlaunaveiting þar sem
m.a. eru valinn íþróttakarl og íþróttakona Aftureldingar 2007. sjá
nánar á www.afturelding.is
28.september
Hvað veist þú um þrískiptingu ríkisvaldsins?
Af
hverju er talað um þrískiptingu ríkisvaldsins? Er ríkisvaldið þrískipt
á Íslandi í dag? Er eðlilegt að ráðherrar sitji á þingi? Er eðlilegt
að framkvæmdavaldið skipi dómara?
SUF stendur fyrir opnum fræðslufundi um þrískiptingu ríkisvaldsins
fimmtudaginn 4. október kl. 20:00 á Hverfisgötu 33. Siv Friðleifsdóttir
formaður þingflokks Framsóknarflokksins og Guðmundur Ómar Hafsteinsson
lögmaður og stjórnarmaður í SUF leiða okkur í allan sannleikann um þrískiptinguna
og svara spurningum á eftir.
Hlökkum til að sjá sem flesta!
Fræðslu-
og kynningarnefnd SUF
27.september
Guðný Halldórsdóttir, Úngfrúin góða
og húsið
Fyrsta
stofuspjall vetrarins um verk mánaðarins fer fram á Gljúfrasteini
sunnudaginn 30. september klukkan 16.00.
Að þessu sinni verður Úngfrúin góða og Húsið í brennidepli. Guðný
Halldórsdóttir mun fjalla um samnefnda kvikmynd sína sem byggir á smásögu
föður hennar. Sjónum verður beint að gerð handrits, undirbúningi og tökum
myndarinnar. Myndin er nú fáanleg á DVD-diski í búðum og á VHS á
flestum betri vídeóleigum.
Smásagan Úngfrúin góða og Húsið birtist fyrst í Fótatak manna árið
1933. Hún fjallar um fólkið í Húsinu sem er annt um mannorð sitt og grípur
til örþrifaráða svo blettur falli ekki á heiður fjölskyldunnar.
Mynd Guðnýjar kom út árið 1999 og sópaði að sér Edduverðlaunum
sem haldin voru í fyrsta sinn það árið. Meðal annars var Guðný Halldórsdóttir
valin leikstjóri ársins, myndin valin besta kvikmyndin og Tinna Gunnlaugsdóttir
leikkona ársins fyrir leik sinn í myndinni.
Aðgangur er ókeypis og allir eru velkomnir á meðan húsrúm leyfir.
Dagskrá haustsins má sjá í heild sinni á heimasíðu Gljúfrasteins.
Opið er á safninu frá kl. 10 – 17 alla daga nema mánudaga yfir vetrarmánuðina.
25.september
Aðalfundur Framsóknarfélags
Mosfellsbæjar
Aðalfundur
Framsóknarfélags Mosfellsbæjar verður haldinn í sal félagsins að Háholti
14, laugardaginn 6. október n.k. kl. 10,00.
Dagskrá:
Skýrsla
stjórnar.
Reikningar félagsins.
Kosningar
Kosning fulltrúa á kjördæmisþing Suðvesturkjördæmis.
Önnur mál.
Stjórn Framsóknarfélags Mosfellsbæjar
18.september
Dagblaðið fjallar um framkomu Karls
Tómassonar!
DV
fjallaði um bókun minnihlutans vegna framkomu forseta bæjarstjórnar á
473 fundi bæjarstjórnar. Fram kemur á heimasíðu Mosfellsbæjar
www.mos.is að minnihlutinn lagði fram eftirfarandi bókun í
framhaldi af ósk fulltrúa B-lista Marteins Magnússonar um utandagskrárumræðu
um
fundarstjórnun bæjarstjórnar: Lögð
var fram eftirfarandi bókun frá Marteini Magnússyni, Jónasi Sigurðssyni
og Hönnu Bjartmars: "Við undirritaðir bæjarfulltrúar hörmum það
að forseti bæjarstjórnar Karl Tómasson hafi ekki þegið boð okkar um að
leggja fram afsökunarbeiðni vegna framkomu sinnar úr forsetastóli á
473. fundi bæjarstjórnar Mosfellsbæjar þann 29. ágúst síðastliðinn.
Með ummælum sínum úr forsetastóli brást hann hlutverki sínu. Ósk um
formlega afsökunarbeiðni var sett fram svo trúnaður og virðing geti áfram
ríkt á milli forseta bæjarstjórnar og allra bæjarfulltrúa."
Meira
um frétt DV.....
18.september
Tekjuafgangur sveitarfélaga áfram
góður
Árið
2006 var besta afkomuár sveitarfélaga frá 1984 og bráðabirgðatölur
fyrir fyrri helming þessa árs benda til að afkoma sveitarfélaga á ár
verði svipuð og í fyrra. Tekjuafgangur sveitarfélaga hefur batnað til
muna frá árinu 2004 en þá var afkoma sveitarfélaga neikvæð um 5,8 ma.kr.
Á fyrri helmingi þessa árs nam tekjuafgangur sveitarfélaga 5,8 mö.kr.
samanborið við 11 ma.kr. afgang allt árið í fyrra. Sveitarfélögin virðast
því hafa nokkuð góð tök á fjármálum sínum á heildina litið þó
að eflaust megi finna minni sveitarfélög sem eigi erfiðara uppdráttar.
Tekjugrunnur sveitarfélaga er ekki eins hagsveifluháður og tekjugrunnur ríkissjóðs
sem bendir til að tekjuafgang þeirra megi skýra með hagkvæmum rekstri
frekar en að rekja megi góða afkomu til hagsveiflunnar. Greining Glitnis
segir frá þessu.
14.
september
Gljúfrasteinn – hús skáldsins
Fréttatilkynning:
Í
haust verða kvikmyndir byggðar á verkum Halldórs Laxness í öndvegi sem
Verk mánaðarins á Gljúfrasteini. Valin verk verða tekin til skoðunar.
Skyggnst
verður á bak við tjöldin og fjallað um glímuna við að færa skáldverk
á kvikmyndatjaldið.
Rætt verður um þann ótæmandi brunn sem skáldverk
Halldórs Laxness eru til frekari
sköpunar og velt upp möguleikum til framtíðar. Eins og kunnugt er hafa mörg
verka
skáldsins þegar ratað á hvíta tjaldið má þar nefna; Sölku Völku,
Kristnihald undir jökli,
Ungfrúna góðu og húsið, Atómstöðina, Paradísarheimt og
Brekkukotsannál. sjá
dagsskrá....
13.september
Til hvers er Róbert Marshall?
Greinin
„Til hvers er Framsóknarflokkurinn?“ eftir Róbert Marshall, aðstoðarmann
samgönguráðherra, hefði kannski skorað hátt í MORFÍS en hún fær
ekki mörg stig á venjulegum siðferðiskvarða. Róbert þessi, helsta málpípa
Kristjáns Möllers samgönguráðherra, kvartar sáran undan meintum dónaskap
og gífuryrðum alþingismanns Framsóknarflokksins varðandi Grímseyjarferjuhneykslið
í sömu andrá og hann lýsir þingmanninum sem tudda á velli, nauti í
flagi, fíl í postulíni og grjótkastara í glerhúsi. Annað í greininni
er eftir þessu, bæði um nafngreinda og ónafngreinda menn. Tilurð
greinarinnar virðist sú að þingmaður Framsóknarflokksins dirfðist að
setja fram skoðanir sínar á fyrrgreindu hneykslismáli á grundvelli minnisblaðs
þar sem skýrt og greinilega kemur fram að ráðherrar sem fram að því
þóttust ekki kannast við málið, báru fulla ábyrgð á því og þeim
til fulltingis voru svo eftirmenn þeirra, þ.m.t. núverandi samgönguráðherra
sem var í lófa lagið að draga sannleikann í málinu fram í dagsljósið
en kaus að gera það ekki. Meira....
10.september
Fræðslunefnd hefur áhyggjur af frístundarseljum
bæjarins.
Foreldrar óánægðir með ástandið
Í
fundagerð fræðslunefndar kemur eftirfarandi fram: “Rætt um
starfsmannavanda í frístundaseljum nú á haustdögum. Ekki hefur tekist að
ráða í allar stöður, verið er að auglýsa eftir fólki. Fræðslunefnd lýsir yfir áhyggjum sínum vegna starfsmannaeklunnar.
Skólaskrifstofu er falið að vinna að lausn málsins í samvinnu við skólastjórnendur
og ÍTOM. Meðal þess sem athuga þarf er hvort nauðsynlegt sé að
takmarka fjölda barna meðan ekki næst að ráða í allar stöður.”
Mosfellsfréttir hafa spurnir af því að á haustdögum hafi frístundarselin
verið rekin verulega undirmönnuð og því hafi fjöldi foreldra ekki séð
sér annað fært en að taka börn sín úr frístundarseljunum a.m.k. þar
til ástandið skáni.
7.september
Úrslitaleikur -
Deildarmeistarar HK / Víkingur -
Afturelding
Til
hamingju Mosfellingar – nú eigum við knattspyrnulið í EFSTU
deild næsta sumar. Það er aðeins einn leikur eftir – úrslitaleikur um
fyrsta sæti
deildarinnar. Leikið verður til þrautar – og afhentur Deildarbikar í
lok leiks. Komið og heiðrið stelpurnar fyrir frábæran árangur í
sumar.
Áfram
Afturelding!!
Landsbankinn
býður öllum Mosfellingum frítt á völlinn!
Við viljum hvetja alla stuðningsmenn Aftureldingar til að koma og hvetja
liðið.
Leikurinn fer fram á Varmárvelli kl. 14.00 – n.k. sunnudag, 9. sept.
Sýnum stuðning okkar í verki !
ALLIR á VÖLLINN!
7.september
Sprenghlægilegur viðskiptaráðherra
Geir og Björgvin ósammála um evru
Það
læðist að mörgum sá grunur að stefna stjórnvalda í gjaldeyrismálum
sé eilítið á reiki, líkt og raunar svo mörg önnur stefnumál sem hafa
farið fyrir ofan garð og neðan í blíðviðrinu á Þingvöllum sl. vor.
Það sem helst hefur vakið athygli í umræðunni um gjaldeyrismál liðna
daga eru ekki síst ábúðarfull orð viðskiptaráðherrans sem mætti
fyrir skemmstu dimmraddaður og hátíðlegur í sjónvarp og talaði um
mikinn þrýsting á að skoða möguleika á upptöku evru. Viðbrögð
forsætisráðherra létu ekki á sér standa og opinberuðust skelegg og skýr
að vanda svo sem við var að búast í Kastljósi Sjónvarps í gær. Sagði
Geir þar að hann hefði ekki orðið var við sérstakan þrýsting í þessa
veru en ákveðið hefði verið að ræða alla þætti málsins með
opinskáum hætti í ríkisstjórninni enda bæri henni skylda til þess að
hafa vakandi auga með því hvaða kerfi hentaði okkur best í okkar
peningamálastjórn. Trúlega hefur forsætisráðherra á þessari stundu
verið hugsað til yfirvaldsins í Seðlabankanum enda bætti hann því við
að skynsamlegt væri nú samt að halda í krónuna því ekkert kallaði
á gjaldmiðilsbreytingu akkúrat á þessari stundu. Þá varaði forsætisráðherra
við of mikilli léttúð í umræðum um málið, svona eins og til að
tryggja landsföðurlega ímyndina.
Meira......
31.ágúst
Bæjarstjóraskipti hjá
Mosfellsbæ.
Í
dag föstudaginn 31. ágúst verða bæjarstjóraskipti hjá Mosfellsbæ þegar
Ragnheiður Ríkharðsdóttir hættir sem bæjarstjóri Mosfellsbæjar eftir
rétt rúmlega fimm ára starf en eins og kunnugt er var Ragnheiður kjörinn
alþingismaður í alþingiskosningunum síðast liðið vor.
Við starfi Bæjarstjóra tekur Haraldur Sverrisson bæjarfulltrúi Sjálfstæðisflokksins
í bæjarstjórn Mosfellsbæjar.
30.ágúst
Ókeypis námsbækur!
Stjórn
SUF samþykkti nýlega ályktun þar sem kallað er eftir ókeypis námsbókum
fyrir framhaldsskólanema, líkt og Samfylkingin lofaði fyrir síðustu
kosningar. Í
ályktuninni kemur m.a. fram að SUF telur það ábyrgðarlaust að fara
fram með svona loforð fyrir kosningar ef ekki stendur til að standa við
það. Skorar
er á þingmenn Samfylkingarinnar að standa við gefin loforð.
Stjórn
Sambands ungra framsóknarmanna (SUF) kallar eftir ókeypis skólabókum fyrir
námsmenn í framhaldsskólum eins og Samfylkingin lofaði fyrir síðustu
kosningar. Einnig lofaði Samfylkingin því að innritunar- og efnisgjöld
yrðu felld niður.
28.ágúst
Frítt í strætó!
Á
838.fundi bæjarráðs fimmtudaginn 23 ágúst sl var lögð fram .
27.ágúst
Grillpartý framsóknarmanna í Heiðmörk
Fimmtudaginn
23. ágúst sl. héldu framsóknar menn í SV grillpartý í Grenilundi í
Heiðmörk eftir matinn var farið í leiki m.a. stórskemmtilegt reiptog þar
sem skipt var í lið þannig að í öðru voru keppendur fæddir á fyrri
hluta árs, en í hinu þeir sem eru fæddir á seinni hlutanum. Hart var
togast á í reiptoginu. Sigur úr býtum höfðu þeir sem fæddir eru
á seinni hluta árs, enda nokkuð yngri eins og einn orðaði það.
25.ágúst
Í túninu heima
Dagskrá
bæjarhátíðarinnar var sérlega fjölbreitt í dag enda mikið til hennar vandað
í tilefni 20 ára afmælis bæjarins klúbbar, fyrirtæki, félagasamtök og
fleiri kynntu starfsemi sína að íþróttahúsinu að Varmá, útimarkaðir í
Mosfellsdal og Álafosskvos og hvarvetna fjölmenntu Mosfellingar,
flugklúbburinn flaug lágflug yfir íþróttasvæðið og ólympísk keppni á milli
fyrirtækja svo eitthvað sé nefnt af annar stútfullri dagsskrá.
Svipmyndirnar hér á síðunni segja þó meira en nokkur orð um þá
hátíðarstemmingu sem ríkti í bænum.
24.ágúst
Mosfellingum
var nokkuð létt þegar Stuðmenn spiluðu gömlu góðu lögin á tónleikunum
í gærkvöldi en tónleikarnir voru í tilefni af 20 ára afmæli Mosfellsbæjar.
Hljómsveitin hélt uppi miklu stuði hjá bæjarbúum.
Eitthvað hafði þó kvisast út að Stuðmenn hefðu lofað því að
spila sína frábæru músík en bæjarbúar höfðu haft af því nokkrar
áhyggjur hvort sagan frá Kaupþings tónleikunum endurtæki sig.
Hermt er að bæjarbúar hafi skemmt sér vel.
24.ágúst
Frægasti “ekki” vegur
landsins?
Sennilega hefur ekki verið deilt jafn mikið um nokkra framkvæmd eins og
fyrirhugaða veglagningu Helgafellsvegar. Fjölmiðlar hafa farið mikinn og
hafa bæjarbúar staðið nokkuð ráðvilltir um hvort veg sé að ræða eða
ekki. Varmársamtökin hafa bent á að búið sé að leggja veginn áður
en formlegum athugasemdum við deiliskipulagið sé lokið. Haraldur
Sverrisson formaður skipulags- og byggingarnefndar og verðandi bæjarstjóri
hefur lýst því yfir í fréttum að ekki sé um veg að ræða heldur aðeins
um lagnaframkvæmd að ræða en á sama tíma hefur bæjarverkfræðingur
gefið fyrirmæli um að girða skuli fyrir veginn samkvæmt fréttum
Morgunblaðsins. Þar segir bæjarverkfræðingur að um tímabundinn
veg vegna lagnaframkvæmda sé um að ræða en í sömu frétt er haft
eftir Haraldi að “Þörfin fyrir þennan vinnuveg er lokið”
Hvort um veg sé að ræða eða “ekki” veg látum við hjá Mosfellsfréttum
ósagt að svo stöddu en eitt er víst að umræddur vegur er alla veganna
frægast “ekki” vegur í Mosfellsbæ ef ekki á landinu! Og því
flokkast fréttaflutningurinn okkar sennilega undir “ekki” fréttaflutning
eða hvað?
24.ágúst
Fréttatilkynning
ÚTIMARKAÐUR VARMÁRSAMTAKANNA
Í ÁLAFOSSKVOS
Varmársamtökin, íbúa- og umhverfissamtök í Mosfellsbæ, standa fyrir útimarkaði
í Álafosskvos í tengslum við bæjarhátíðina Í TÚNINU HEIMA, nk. laugardag, 25. ágúst , kl.12-16 .
Samtökin
stóðu fyrir útimarkaði í fyrra sem heppnaðist afar vel. Fór aðsóknin fram
úr björtustu vonum en talið er að hátt í 5000 manns hafi komið
á svæðið. Markaðurinn nú verður með svipuðu sniði og í fyrra. Að
þessu sinni verður þó sérstök áhersla lögð á matvöru
svo sem lífrænt ræktað grænmeti, kartöflur, allar tegundir tómata,
söl, vestfiskan harðfisk, heimagerðar sultur og mauk o.fl., o.fl. Blóm
og handverk verður til sýnis og sölu og kaffihús opið í Ásgarði þar
sem boðið verður upp á gómsætar veitingar og lifandi tónlist.
23.ágúst
Sunnudaginn
26. ágúst er komið að síðustu stofutónleikum Gljúfrasteins í sumar.
Á þessum lokatónleikum munu þau Guðný Guðmundsdóttir fiðluleikari
og Gerrit Schuil píanóleikari flytja verk eftir Ludwig van Beethoven og fiðluleikarann
og tónskáldið Fritz Kreisler.
Líkt og áður hefjast tónleikarnir kl. 16.00 og aðgangseyrir er 500 krónur.
Nánari upplýsingar má nálgast á heimasíðu Gljúfrasteins.
23.ágúst
Stjórn
SUF, Sambands ungra framsóknarmanna, harmar og fordæmir framgöngu ráðherra
Sjálfstæðisflokks vegna kaupa á nýrri Grímseyjarferju og krefst stjórnsýsluúttektar
á fjármála- og samgönguráðuneyti.
Ályktunin í heild sinni:Stjórn
Sambands ungra framsóknarmanna harmar það ábyrgðar- og dómgreindarleysi
sem ráðherrar Sjálfstæðisflokksins hafa orðið uppvísir að í
tengslum við kaup og endurbætur á nýrri Grímseyjarferju. Hundruðum
milljóna króna af almannafé hefur verið sóað með slælegri verkstjórn
og ákvarðanatöku. Ábyrgðin getur aðeins hvílt á herðum þess ráðherra
sem réð ferðinni þegar ákvarðanirnar voru teknar.
.
20.ágúst
Skólabyrjun 2007
Skólasetning
í grunnskólum Mosfellsbæjar verður miðvikudaginn 22. ágúst nk.
Tímasetningu á boðun árganga er að finna á vef skólanna (lagafellsskoli.is
og varmarskoli.is) ásamt upplýsingum
um upphaf kennslu, innkaupalista. skráningu í mötuneyti og frístundasel.
17.ágúst
Sjötta starfsár Kammerkórs Mosfellsbæjar
að hefjast.
Kammerkór
Mosfellsbæjar hélt tvenna athyglisverða tónleika í vor, þá fyrri í Bókasafni
Mosfellsbæjar og síðari í Áskirkju í Reykjavík og voru það lok
vetrarstafsins.Vetrarstarf Kammerkórs Mosfellsbæjar ‘07 er að hefjast
í byrjun september. Æfingar fara fram í Listaskóla Mosfellsbæjar á miðvikudagskvöldum
kl. 19:30 og aukaæfingar eru haldnar síðasta laugardag hvers mánaðar. Meðleikari
kórsins er Arnhildur Valgarðsdóttir, raddþjálfun annast Ásdís Arnalds
og kórstjóri er Símon H. Ívarsson.
Kórinn hefur flutt fjölbreytt kórverk frá ólíkum tímabilum og stíltegundum.
Auk hefðbundinna kórverka eru sungnar
áhugaverðar tónsmíðar sem vakið hafa athygli víða um heim.
Leitast er við að hafa verkefnavalið sem fjölbreyttast. Sungin eru lög
allt frá endurreisnartímabilinu til dagsins í dag, gospel lög, afrísk lög,
nútímalög, dægurlög og hvað eina sem vekur áhuga kórsins og veitir
ánægju í söng. Meira.......
16.ágúst
Stofutónleikar á Gljúfrasteini á
sunnudaginn!
Þrjú
“B” og fjórir “#” er yfirskrift stofutónleikanna á Gljúfrasteini
sunnudaginn 19. ágúst n.k. Peter Máté mun setjast við flygilinn og færa
okkur verk eftir Bach, Beethoven og Brahms.
Peter
Máté er fæddur í Roznava í Tékkóslóvakíu, hann lærði hjá Ludmilu
Kojanová í Kosice og Valentinu Kameníková við Tónlistarakademíuna í
Prag. Á námsárunum vann hann til margra verðlauna í heimalandi sínu og
síðar í alþjóðlegum keppnum, svo sem í Vercelli og Enna á Ítalíu
1986 og 1989. Peter hefur verið búsettur á Íslandi frá árinu 1990 og
kennir nú við Listaháskóla Íslands
og Tónlistarskólann í Reykjavík. Hann hefur haldið einleikstónleika,
leikið einleik með ýmsum sinfóníuhljómsveitum og tekið þátt í
kammertónleikum víða í Evrópu og Bandaríkjunum.
Tónleikarnir eru næst síðustu stofutónleikar sumarsins og hefjast sem
fyrr klukkan 16.
15.ágúst
50 lyklakippur hafa ratað heim
Starfsfólk
Atlantsolíu hefur á rúmu ári komið til skila 50 lyklakippum til viðskiptavina
sinna. Lyklakippunum höfðu viðskiptavinirnir týnt á hinum ýmsu stöðum
og skilvísir finnendur komið þeim til Atlantsolíu.
Í samantekt kemur í ljós að flestir týna þeim í miðbæ Reykjavíkur,
því næst Smáralind og Kringlunni, og fast þar á eftir í skólabyggingum.
Aðrir algengir staðir eru leigubílar, íþróttahús og bensínstöðvar.
Sem dæmi um óvenjulega staði má nefna hlíðar Esju en þar fundust tvær
lyklakippur í júlí. Í síðara tilfellinu hafði göngumaður á niðurleið
misst bíllyklana í miðju fjalli og komst því ekki til síns heima. Á
endanum þurfti hann að fá far í bæinn. Aðeins liður tvær
klukkustundir frá því lyklarnir týndust þar til þeim var skilað til
Atlantsolíu. Eigandi kippunnar var að vonum mjög ánægður en ekki er óalgengt
að greiða 30 til 40 þúsund krónur fyrir nýrri gerðir bíllykla.<
15.ágúst
Mosfellingar eignast tvöfaldan Norðurlandameistara
Sævar
Baldur Lúðvíksson tæplega 17 ára innfæddur Mosfellingur gerði heldur
betur viðreisn á
Norðurlandameistaramótinu skylmingum dagana 25. til
28. júní s.l. Sævar Baldur krækti sé í tvö gull og eitt silfur
og er því tvöfaldur Norðurlandameistari í skylmingum með höggsverði
árið 2007.
Að þessu sinni var mótið haldið í Óðinsvé í Danmörku og var það
stærsta Norðurlandamót í skylmingum sem haldið hefur verið frá
upphafi enda 100 ára afmæli Danska Skylmingasambandsins og því mikið í
lagt.
5.júlí
Erum
farin í sumarfrí frá og með 5.júlí til og með 15 ágúst.
2.júlí
Óvæntar
uppákomur í Álafosskvos
Þeir
sem lögðu leið sína um Álafosskvosina í gær sunnudaginn 1. júlí, glöddust
við óvæntar uppákomur
og hljóðfæraleik í Álafosskvos. Þar voru á ferðinni Varmársamtökin,
sem höfðu fengið listamenn til liðs við til að skemmta gestum og
gangandi í góða veðrinu. Meira....
2.júlí
Dýrin
í Hálsaskógi í Mosfellsbæ
Leikhópurinn Lotta er að koma í heimsókn í Mosfellsbæ með sýninguna
Dýrin í Hálsaskógi en fimmtudaginn 5. júlí verður Hálsaskógur staðsettur
á Hlégarðssvæðinu í Mosfellsbæ.
Í uppsetningu Lottu fá dýrin að komast í sitt rétta umhverfi en sýnt
er undir berum himni. Leiksýningin er rúmlega klukkutíma að lengd og
full af glensi og fjöri fyrir alla fjölskylduna. Sýningin hefst klukkan
18:00 og miðaverð er 1500 krónur fyrir fullorðna og 1000 krónur fyrir börn
í fylgd með fullorðnum.
1.júlí
Er
verið að leggja lagnir eða veg?
Formaður
Skipulags- og byggingarnefndar í bænum, segir að framkvæmdirnar tengist
eingöngu fráveituframkvæmdunum
Varmársamtökin
undrast að Mosfellsbær skuli komast upp með að leggja Helgafellsbraut
áður en deiliskipulag, sem á að liggja til grundvallar framkvæmdinni,
er samþykkt. Sérstaklega þar sem framkvæmdin fer um mjög umdeilt
hverfisverndarsvæði og inn fyrir 50metra verndarbelti Varmár sem er á
náttúruminjaskrá. Varmársamtökin harma að lög um náttúruvernd,
skipulags- og byggingarlög og réttur íbúa til að gera athugasemdir við
framkvæmdir eru virt að vettugi.
Það er augljóst að í hinu umdeilda vegastæði er búið að leggja
veg, með tilheyrandi niðurföllum og undirlagi. Það eina sem vantar er
malbikið.
Haraldur Sverrisson, formaður Skipulags- og byggingarnefndar í bænum,
segir að framkvæmdirnar tengist eingöngu fráveituframkvæmdunum,
vegarlagning sé alls ekki hafin. „Deiluskipulagið
og umhverfisskýrsla eru enn í auglýsingu".
Gleðilegt
nýtt ár! 
Gríðarlegir
vatnavextir eru í Mosfellsbæ í dag vegna veðurofsans. Úrkoman
hefur brætt umtalsvert magn snjós sem orsakar mikinn vatnsflaum. Lækir
hafa breyst í stórfljót og Klappahlíðin er umflotin vatni. Lögregla
hefur stöðvað alla umferð um nærliggjandi götur. Starfsmenn
áhaldahús bæjarins eru önnum kafnir við að gera ráðstafanir s.s.
eins og að veita vatninu um nýja skurði út á Blikastaðarland.
Íbúar
Mosfellsbæjar hafa ekki farið varhluta af norðanáttinni og þurrkunum síðastliðnar
vikur frekar en aðrir landsmenn. í gær miðvikudag náði norðanáttin
sér vel upp og var þá eins og að mistur lægi yfir bænum eins og oft
áður við þessar aðstæður. Mold og sandrok gengur yfir bæjarfélagið
m.a. af nýbyggingarsvæðum s.s. eins og í Leirvogstungu en einnig er um að
ræða sand úr gryfjum á Leirvogstungumelunum og víðar.
Þegar
nýir ráðherrar taka við embættum er þeim oft mikið í mun að gera
sem mest úr sínum störfum og því miður hafa margir fallið í þann fúla
pytt að ýkja töluvert til að þeirra verk sýnist stærri eða láta líta
út fyrir að verk sem undirbúin hafa verið af öðrum séu þeirra eigin.
Jóhanna Sigurðardóttir er ein þeirra. 
Mikið
er um óleyfisakstur mótorhjóla (Krossara, fjórhjóla) á göngu- og reiðstígum
Mosfellsbæjar og hafa þegar hlotist alvarleg slys af þessu athæfi.
Bullandi
ágreinings hefur orðið vart að undanförnu um kvótakerfið og sýnist
sitt hverjum. 
Menningarmálanefnd
Mosfellsbæjar tilnefndi Ólöfu Oddgersdóttur sem bæjarlistamann
Mosfellsbæjar ári 2007 við hátíðlega athöfn í bæjarleikhúsinu
þann 17 júní sl. 
Ný
þjóðhagsspá fjármálaráðuneytisins gerir ráð fyrir dökku útliti
í efnahagsmálum hérlendis, töluverðu atvinnuleysi og samdrætti í
efnahagslífi. Ný ríkisstjórn tekur því við þar sem fyrrverandi stjórn
íhalds og krata sleppti, með vaxandi atvinnuleysi, minni hagvexti og meiri
verðbólgu. Þar er ekki tekið tillit til hugsanlegs samdráttar í
kvótaúthlutunum sem þó verður að teljast líkleg niðurstaða og ef af
honum verður má gera ráð fyrir enn verra ástandi. Reyndar er heldur
ekki tekið tillit til hugsanlegra álversframkvæmda svo töluverð óvissa
ríkir með þessa spá. Hagspá fjármálaráðuneytisins er í töluverðu
ósamræmi við nýja spá Alþjóðagjaldeyrissjóðsins, sem reyndar fékk
vægast sagt falleinkunn í Markaðnum í gær þar sem Jóhann G. Jóhannsson
hrekur forsendur sjóðsins í umfjöllun hans um Íbúðalánasjóð. En það
er svo önnur saga
Mótið
hefst föstudaginn 22. júní 2007 
Árleg
sumarsýning Hundaræktarfélags Íslands fer fram nú um helgina 23.- 24. júní,
í reiðhöll Fáks í Víðidal og hefst klukkan kl. 9.00 árdegis
laugardag og sunnudag.
Þeir
sem lesið hafa í gegnum nýjan ríkisstjórnarsáttmála sjá strax í
hendi sér að í ýmsum málum á að halda áfram á sömu braut og verið
hefur en í öðrum málum er þrettándinn heldur þunnur, óljós og loðinn.
Fyrsta verkefni nýrrar ríkisstjórnar var að tilkynna um breytta
verkaskiptingu ráðuneyta án þess að menn væru almennilega búnir að
ljúka við að ákveða hver sú verkaskipting ætti að vera. Mikilvægara
var að finna stóla fyrir 6 ráðherra Samfylkingar og 6 ráðherra Sjálfstæðisflokks.
Ýmsir hafa þó bent á að þrátt fyrir að fjöldi ráðherra sé sá
sami, sé ekki um helmingaskipta ríkisstjórn að ræða eins og þegar
Framsókn sat í ríkisstjórn með Sjálfstæðisflokki. Þvert á móti, séu
tvö ráðuneyti, landbúnaðar- og sjávarútvegs sameinuð undir
einum ráðherra Sjálfstæðisflokks og að tveir ráðherrar Samfylkingar
skipti með sér iðnaðar- og viðskiptaráðuneytum. Þá hefur
einnig verið tilgreindur flutningur á nokkrum verkefnum, yfirleitt frá
Samfylkingarráðuneytum yfir í Sjálfstæðisráðuneyti. 
Bensín
gæti kostað 75 til 85 krónur fyrir sláttur véla- og skemmtibátaeigendur
færi Fjármálaráðuneytið að áskorun Atlantsolíu og heimilaði fyrirtækinu
að selja litað bensín.
