31.desember
Mosfellsfréttir
óska öllum gleðilegs nýs árs með þakklæti fyrir allt gamalt og gott
í gegnum tíðina.
Megi komandi ár veita ykkur gæfu og gleði.
24.desember
Mosfellsfréttir
óska þér og fjölskyldu þinni friðsældar á jólahátíðinni og
farsældar á komandi ári.
14.desember
Félagsfundur
Framsóknarfélags Mosfellsbæjar
Félagsfundur
Framsóknarfélags Mosfellsbæjar verður haldinn 18. janúar 2010 í sal félagsins
að Háholti 14. 2.hæð.
Fundarefni:
• Sveitastjórnarkosningar 2010
• Ákvörðun um val á framboðslista
• Kosningabaráttan í vor
Áhugasamir frambjóðendur hafi samband við Óðinn Pétur Vigfússon í síma
868-1313 fyrir 1. janúar 2010.
Stjórn Framsóknarfélags Mosfellsbæjar
11.desember
Mosfellsfréttum
verður dreift í hús í dag.
Mosfellsfréttir
25. árg, 1. tbl. 2009 kom úr prentun í gærkvöldi. Blaðinu verður dreift frítt
inn á öll heimili í bænum og vinnustaði í dga. Í blaðinu
eru fjölmargar fréttir,vinningsuppskrift, greinar og viðtöl m.a.
við Guðna Ágústson grein eftir Jónínu Benediktsdóttur, Eggert
Sólberg og Snorra Hreggviðsson.
Eintak (Pdf) af blaðinu má sjá
hér...
10.desember
Bókun
bæjarráðs vegna greinar DV verður birt í Mosfellsfréttum
Í Mosfellsfréttum sem dreift
verður um helgina verður birt niðurstaða bæjarráðs vegna fréttar DV
frá því í sumar. En í bókun bæjarráðs segir m.a.
Þessi skoðun bæjarráðs hefur leitt í ljós að ekki var rétt staðið
að málum við uppskiptingu lands samkvæmt deiliskipulagi á þessu svæði.
Samkvæmt fyrirliggjandi gögnum er ekki að sjá að málsaðilar hafi haft
af því ávinning né Mosfellsbær orðið fyrir tjóni vegna þessa.
Greinina DV frá því í sumar má
lesa í heild sinn hér.....
9.desember
Jólasýning
Fimleikadeildar Aftureldingar
Jólasýning
Fimleikadeildar Aftureldingar veriður haldin sunnudaginn 13. desember n.k.
kl 11-13 í íþróttahúsinu að Varmá.
Andi kvikmyndanna svífur yfir vötnum í atriðum frábærra fimleikabarna.
Jólasveinninn stórkostlegi frá því í fyrra kemur aftur og skemmtir börnunum.
Allir velkomnir meðan húsrúm leyfir.
6.desember
Afturelding
gefur út veglegt afmælisrit .
Þann
10. desember n.k. kemur út veglegt afmælisrit í tilefni 100 ára
afmælis ungmennafélagsins Aftureldingar.
Ritið, sem er fagurlega framsett og myndskreytt bók um 380 bls.sem hefur að
geyma sögu þessa merka menningar- og íþróttafélags frá stofnun þess,
frá 11. apríl 1909 til dagsins í dag. Bókin hefur hlotið nafnið
Dagrenningur og dregur þannig nafn sitt af eldri ritum, sem gefin voru út
af félaginu á fyrri hluta aldarsögu félagsins. Höfundar ritsins eru
Bjarki Bjarnason og Magnús Guðmundsson.
Í tilefni útgáfunnar mun félagið efna til hátíðarkvöldvöku í hátíðarsal
Lágafellsskóla í Mosfellsbæ að kvöldi útgáfudagsins, 10. desember
klukkan 20:00.
3.desember
Einar
Skúlason nýr oddviti framsóknarmanna í Reykjavík
Á
laugardaginn var valið í efstu sæti á framboðslista Framsóknarflokksins
í Reykjavík til borgarstjórnarkosninganna 29. maí 2010.
Einar Skúlason verður í 1. sæti en hann hlaut 298 atkvæði eða 62%
gildra atkvæða. Óskar Bergsson hlaut 182 atkvæði eða 38%. Auðir og ógildir
seðlar voru 8.
Röð listans í fyrstu tólf sæti í kosningunum var þessi:
1. Einar Skúlason, BA stjórnmálafræði og MBA
2. Guðrún Valdimarsdóttir, hagfræðingur
3. Valgerður Sveinsdóttir, lyfjafræðingur
4. Zakaria Elias Anbari, þjálfari
5. Ingvar Mar Jónsson, flugstjóri
6. Kristín Helga Magnúsdóttir, verkfræðinemi
7. Einar Örn Ævarsson, viðskiptafræðingur
8. Þórir Ingþórsson, viðskiptafræðingur
9. Sigurjón Kjærnested, verkfræðinemi
10. Anna Margrét Ólafsdóttir, leikskólastjóri
11. Þuríður Bernódusdóttir, þjónustufulltrúi
12. Agnar Bragi Bragason, laganemi
26.nóvember
Listaverk, ljóð og sögur á Gljúfrasteini:
Spennandi dagskrá á aðventunni
Það verður nóg um að vera á aðventunni á Gljúfrasteini. Næstkomandi
sunnudag 29. nóvember klukkan 14.00 mun Halldór Björn Runólfsson safnstjóri
Listasafns Íslands fjalla um verk Svavars Guðnasonar á Gljúfrasteini.
Samhliða verður kynning á nýrri bók Kristínar G. Guðnadóttur listfræðings
um Svavar Guðnason.Sama dag klukkan 16.00 koma rithöfundar sér fyrir í
stofunni. Þórarinn Eldjárn, Sindri Freysson, Ragna Sigurðardóttir og
Kristín Ómarsdóttir ríða á vaðið og lesa úr nýjum verkum. Dagskráin
hefst kl. 16:00, aðgangur er ókeypis og allir velkomnir. Nú um aðventuna
er í sjötta sinn boðið til upplestra rithöfunda úr nýútgefnum bókum.
Aðventuupplestrar hafa verið fastur punktur viðburðaflóru Gljúfrasteins
frá opnun haustið 2004 enda andrúmsloftið í stofunni einstakt og
tilvalið fyrir slíka andlega næringu í erli komandi vikna. Dagskráin
í Heild
23.nóvember
Vígsla
nýrrar reiðhallar hjá Hestamannafélaginu Herði
Ný
og glæsileg reiðhöll hestamannafélagsins Harðar í Mosfellsbæ var vígð
sl. laugardag. Reiðhöllin er ein sú stærsta á höfuðborgarsvæðinu eða
2400 fermetrar að stærð. 
Reiðhöllin
er byggð með stuðningi Mosfellsbæjar og landbúnaðarráðuneytisins en
fjölmargir félagar úr Herði hafa lagt til mikla sjálfboðavinnu svo ljúka
mætti við höllina.
Ljóst er að þessi inniaðstaða á eftir að valda straumhvörfum í reiðkennslu
barna og unglinga svo og við þjálfun fatlaðra en styrkur landbúnaðarráðuneytisins
miðaðist við að aðstaða fyrir þjálfun fatlaðra væri með besta móti
í höllinni.
Vígsluhátíðin var öll hin glæsilegasta og félaginu til mikils sóma.
22.nóvember
Ný
stjórn Varmársamtakanna
Félagar
í Varmársamtökunum kusu nýverið nýja stjórn á fundi í listasal
Mosfellsbæjar. Í stað Freyju Lárusdóttur, sem flutt er til Danmerkur,
kemur Birgir Þröstur Jóhannsson arkitekt en auk hans tekur Sigrún Guðmundsdóttir
líffræðingur sæti í aðalstjórn. Sigrún kemur í stað Ólafs
Ragnarssonar en hann tekur sæti í varastjórn. Úr varastjórn gengur
Kristín Pálsdóttir.
Í stjórn sitja áfram Kolfinna Baldvinsdóttir, Páll Kristjánsson og
Sigrún Pálsdóttir og í varastjórn Gunnlaugur B. Ólafsson. Frá þessu
er sagt á heimasíðu
samtakanna.
16.nóvember
Vel
heppnaður haustfagnaður Framsóknarfélags Mosfellsbæja
Laugardagskvöldið
14 nóvember sl. var árlegur haustfagnaður félagsins haldinn, skemmtiatriði
og veislukostur var að vanda í sérflokki. Heiðursgestur
kvöldsins var Vigdís Hauksdóttir alþingmaður og flutti hún stórskemmtilega
ræðu. Veislu
stjóri var ný-endurkjörinn formaður félagsins Óðinn Pétur Vigfússon.
Tenórarnir tveir litu við og gerðu stormandi lukku.
10.nóvember
Aðalfundur
Varmársamtakanna
Aðalfundi
Varmársamtakanna verður haldinn þriðjudaginn 17. nóvember kl. 19.30 í
listasal Mosfellsbæjar í Kjarna. Fundurinn hefst á venjulegum aðalfundarstörfum
þar sem m.a. verða lagðir fram reikningar og kosið í nýja stjórn
samtakanna. Í framhaldi af aðalfundi verða flutt erindi um áhugaverð málefni
og verður sú dagskrá auglýst innan tíðar.
8.nóvember
Ummæli
vikunnar
Vigdís
Hauksdóttir á ummæli vikunnar að þessu sinni. Sigurður Ingi Jóhannsson
átti frumkvæði að umræðum um rafmagnskostnað grænmetisbænda undir
liðnum „störf þingsins“ á þingfundi þann 3. nóvember. Nokkrir þingmenn
tóku til máls um málið áður en kom að Vigdísi, en hér á eftir fer
hluti ræðu hennar:
„Það er orðið tímabært að vekja athygli á rafmagnsmálum garðyrkjubænda.
Nú hafa stjórnarliðar talað hér og svarað fyrir þetta og það er
eins og gerist ætíð, það er eins og þeir séu ekki sjálfir í ríkisstjórn.
Samfylkingin hefur setið í ríkisstjórn í tæp þrjú ár, Vinstri grænir
í tæpt ár og þeir tala hér alltaf eins og stjórnarandstæðingar.
Þið eruð með það vald í ykkar höndum að gera eitthvað í þessum málefnum
garðyrkjunnar. Það var á stefnuskrá Vinstri grænna fyrir kosningar að
hér yrði gerðar róttækar breytingar á rafmagnsmálum garðyrkjubænda
— og það er ekkert búið að gera. Þið verðið að bera ábyrgðina
á þessu atriði, aðilar þessara flokka sem sitja hér í ríkisstjórn.
Það er mjög óábyrgt að koma hér og tala með þessum hætti eins og
það sé jafnvel á ábyrgð stjórnarandstöðunnar að hér sé ekkert
gert.“
Hægt er að ná umræðunum í heild með því að smella á þennan
tengil: http://www.althingi.is/altext/138/f018.sgml
6.nóvember
Haustfagnaður Framsóknarfélags
Mosfellsbæjar
Laugardagskvöldið
14.nóvember verður haldinn hinn árlegi haustfagnaður Framsóknarfélagins
í sal félagsins að
Stjórn
Framsóknarfélags Mosfellsbæjar
6.nóvember
Aðalfundur Framsóknarfélags
Mosfellsbæjar
Aðalfundur Framsóknarfélags Mosfellsbæjar verður haldinn í sal félagsins
að
Háholti 14, laugardaginn 14. nóvember kl. 10,00
Dagskrá:
Skýrsla stjórnar.
Reikningar félagsins.
Kosningar
Formann félagsins
Fjóra aðalmenn í stjórn og tvo til vara
Tvo skoðunarmenn reikninga
Önnur mál
5.nóvember
Fjölskylduguðsþjónusta
8. nóvember í Lágafellskirkju
Sunnudaginn
8. nóvember kl. 11:00 er fjölskylduguðsþjónusta í Lágafellskirkju.
Fermingarbörnin Ólafur, Þórhildur, Íris Una og Andrea aðstoða við bænagjörð.
Lestur ritningartexta er í höndum Jónínu Sigurgeirsdóttur og Svavars
Kristinssonar. Prestur er sr. Ragnheiður Jónsdóttir. Kirkjukór Lágafellssóknar
syngur og Organisti er Jónas Þórir.
Sunnudagaskóli er kl. 13:00. Barnakór Lágafellskirkju kemur í heimsókn
og syngur undir stjórn Berglindar Björgúlfsdóttur. Umsjón með
sunnudagaskóla hafa Hreiðar Örn, Jónas Þórir og Arndís Linn. Allir
velkomnir!
3.nóvember
Opinn
fundur verður haldinn með Sigmundi Davíð Gunnlaugssyni,
2.nóvember
Fjármálaeftirlitið
sektar Mosfellsbæ!
Fimm
sveitar- og bæjarfélög og tvö hlutafélög sektuð af FME
Fjármálaeftirlitið
(FME) hefur sektað fimm sveitar- og bæjarfélög og tvö hlutafélög
vegna brota gegn lögum um verðbréfaviðskipti. Í öllum tilvikum er um að
ræða að viðkomandi skilaði listum yfir frumherja og fjárhagslega
tengda aðila mörgum mánuðum of seint.
Sveitarfélögin sem hér um ræðir eru Norðurþing, Mosfellsbær, Ísafjarðarbær,
Fljótdalshérað og Fjarðarbyggð. Hlutafélögin eru CCP hf. og Hekla
fasteignir hf. Tekið er fram í úrskurðinum um síðasta félagið að það
er ótengt bílasölunni Heklu.
Sektirnar sem hér um ræður eru á bilinu 350.000 til 650.000 kr. Sú lægsta
var hjá Mosfellsbæ en sú hæsta hjá Ísafjarðarbæ.
Á vefsíðu FME segir að fyrrgreindir aðilar hafi sem útgefandi skráðra
skuldabréfa brotið gegn lögum um verðbréfaviðskipti með því að
hafa skilað listum yfir fruminnherja og aðila fjárhagslega tengda
fruminnherjum mörgum mánuðum of seint til Fjármálaeftirlitsins.
Í lögunum er kveðið á um skyldu útgefenda til að senda Fjármálaeftirlitinu,
í því formi sem
eftirlitið ákveður, upplýsingar um fruminnherja, tímabundna innherja og
aðila fjárhagslega tengda
innherjum. Endurskoðaðan lista yfir innherja skal senda Fjármálaeftirlitinu
eigi sjaldnar en á sex
mánaða fresti. Frá
þessu segir á visir.is
30.október
Sigmundur
á siglingu
Tæp
fimmtán prósent landsmanna treysta Sigmundi Davíð Gunnlaugssyni,
formanni Framsóknarflokksins, best til að leiða þjóðina út úr
kreppunni. Þetta kemur fram í könnun sem Viðskiptablaðið birtir í dag
og unnin var af markaðsrannsóknarfyrirtækinu MMR. Fyrir ofan hann
eru Davíð Oddsson, Jóhanna Sigurðardóttir og Steingrímur J. Sigfússon,
en öll eiga þau áratuga feril að baki í stjórnmálum. Stjórnmálaferill
Sigmundar Davíðs spannar hins vegar innan við ár!
Bjarni Benediktsson, formaður þess stjórnmálaflokks sem mælist með
mest fylgi um þessar mundir, kemur næstur á eftir Sigmundi Davíð með
11,5% og þar fyrir neðan eru m.a. þeir Gylfi Arnbjörnsson og Vilhjálmur
Egilsson.
29.október
Fréttir
frá SUF - Jólakort SUF
Samband
ungra framsóknarmanna hefur látið framleiða jólakort í fjáröflunarskyni.
Kortin prýða hugljúfar teikningar sem ættu að geta yljað hverju hjarta
um jólin. Eru þau seld 10 stk í pakka ásamt umslögum og kostar
pakkningin 1.000 kr.
Hægt er að nálgast kortin á skrifstofu Framsóknarflokksins, Hverfisgötu
33, sími 540 4300 eða senda tölvupóst á suf@suf.is. Möguleiki er að fá
kortin send heim að viðbættum 250 kr sendingakostnaði. Einnig er hægt að
kaupa þau hjá fulltrúum SUF sem koma til með að mæta á flesta viðburði
á vegum flokksins sem framundan eru í nóvember.
23.október
Undirbúningur
jólanna hafinn hjá Menningamálanefnd
Staðfest
var á fundi bæjarstjórnar sú ákvörðun Menningamálanefndar að kveikt
verið á jólatré bæjarins á miðbæjarsvæðinu laugardaginn 28.nóvember
n.k. sem jafnfram er fyrsti sunnudagur í aðventu.
Aðventutónleikar verða með hefðbundnum hætti og fara fram þann 15.desember
og þá verður Jólaballið haldið þriðjudaginn 29.desember.
22.október
Ummæli
vikunnar
Ummæli
vikunnar á Gunnar Bragi Sveinsson, formaður þingflokks framsóknarmanna
og þingmaður
Norðvesturkjördæmis.
Hann lét þau falla um persónukjör í umræðu
um störf þingsins á miðvikudaginn.
„Málið
er í sjálfu sér mjög gott, ég held að það sé mjög mikilvægt að
þessi umræða fari fram og að málið fari á endanum í gegnum þingið.
Það þarf hins vegar að vanda það mjög vel, það þarf að vanda alla
umræðu um þetta og það þarf líka að standa þannig að málinu að
vel sé hægt að koma því í framkvæmd og með eðlilegum fyrirvara. Mín
skoðun er sú að það eigi að taka af skarið með að segja að það sé
of stuttur tími til að láta á þetta reyna fyrir sveitarstjórnarkosningarnar.
Ég veit nefnilega líka að mjög margar sveitarstjórnir hafa miklar áhyggjur
af því hvernig eigi að útfæra þetta á þessum tíma. Ég segi ekki að
þetta mál eigi ekki að ná fram að ganga en ég held að það sé illa
gert gagnvart sveitarstjórnarstiginu í raun að gera þessa tilraun á því
núna. Ef menn koma með útfærða lausn sem hægt er að vinna á stuttum
tíma skoðum við það auðvitað en ég held að sé hreinlegra og betra
fyrir alla að segja að málið haldi áfram innan þingsins, það verði
búin til lög og reglur um það hvernig eigi að standa að persónukjöri
og síðan verði látið á það reyna hvernig virknin og annað er á réttum
tíma. Við skulum ekki gera þetta í einhverjum flaustursskap.“
18.október
Sjálfstæðismenn í prófkjör
Fulltrúaráð
Sjálfstæðisfélaganna í Mosfellsbæ ákvað á fundi sínum s.l. þriðjudag
að efna til prófkjörs fyrir sveitarstjórnarkosningarnar sem fram fara í
maí. Gert er ráð fyrir því að prófkjörið fari fram í lok janúar eða
byrjun febrúar en skipa á kjörnefnd sem tekur endanlega ákvörðun um
dagsetningu og fyrirkomulag prófkjörs.
Haraldur Sverrisson, bæjarstjóri hefur lýst því yfir að hann gefi kost
á sér í 1. sæti listans. Jafnframt hafa bæjarfulltrúarnir, Herdís
Sigurjónsdóttir og Hafsteinn Pálsson sem og nokkrir varabæjarfulltrúar
lýst því yfir að þau muni gefa kost á sér til áframhaldandi setu.
Frá þessu er skýrt á heimasíðu sjálfstæðisflokksins.
17.október
Fámennt skipulagsþing
Fámennt
var á annars ágætu skipulagsþingi sl. laugardag sem skipulagsnefnd boðaði
til. Aðeins voru mættir tæplega 40 manns og langflestir annaðhvort pólitískt
tengdir eða starfsmenn bæjarfélagsins. Sárlega vantaði fulltrúa
almenna íbúa á þingið.
Þingið sem var mjög vel skipulagt og stjórnað af röggsemi var því lítið
annað en spegilmynd af pólitískri sýn fjórflokkana í Mosfellsbæ.
15.október
Mosfellsbær býður íbúum til
Skipulagsþings.
Þingstaður Lágafellsskóli
laugardaginn 17. október kl 9.30 – 13.00
Á þinginu verður
fjallað um skipulagsmálin í bænum með sérstöku
tilliti til endurskoðunar aðalskipulags, sem nú stendur
yfir. Tilgangurinn er að leita eftir skoðunum og hugmyndum
íbúa og hafa þær til hliðsjónar við endurskoðunina.
Dagskrá:
9:00 Morgunkaffi
9:30 Inngangur og kynning
9:50 Mat þátttakenda á mikilvægustu þáttum
skipulagsmála
10:50 Kaffihlé
11:00 Hópavinna
12:30 Samantekt
9.október
Sveltur
sitjandi kráka fljúgandi fær
Eins
og komið hefur fram í fjölmiðlum, þá eru Sigmundur Davíð
Gunnlaugsson formaður Framsóknarflokksins og Höskuldur Þór Þórhallsson
þingmaður Framsóknar og fulltrúi í fjárlaganefnd Alþingis staddir í
Osló í viðræðum við norska stjórnmála- og embættismenn um stöðu
efnahagsmála á Íslandi.
Ferð Sigmundar Davíðs og Höskuldar til Noregs hefur gengið með miklum
ágætum. Gærdagurinn var notaður til að undirbúa fundarhöld dagsins og
voru félagar okkar í norska Miðflokknum boðnir og búnir að aðstoða,
þrátt fyrir að hafa verið að mynda ríkisstjórn nóttina á undan. Nú
þegar hafa Höskuldur og Sigmundur hitt nánast alla þingmenn Miðflokksins,
þar með talda ráðherra. Einnig hafa þeir gengið á fund fulltrúa Sósíalíska
Vinstriflokksins (Vinstri-grænna) í fjárlaganefnd og gekk sá fundur afar
vel. Ráðgerður er fundur með formanni fjárlaganefndar og einnig með
fulltrúa frá norska seðlabankanum ásamt nokkrum öðrum fundum. Að sjálfsögðu
er alls óvíst hvað kemur að lokum út úr heimsókninni, en svo mikið
er víst, að sveltur sitjandi kráka, en fljúgandi fær.
9.október
Er
lognið að flýta sér í Mosfellsbæ?
Óveður á Kjalarnesi!
snælduvitlaust
veður er í Mosfellsbæ og á Kjalarnesi og þangað ætti enginn að
leggja leið sína á meðan svo er. Björgunarsveitarmenn í Kili
hefur verið upptekin við muna menn þar ekki eftir öðru eins annríki við
björgunarstörf. Útköllin hafa verið vegna foks á þakplötum,
lausamunum og fleiru. Þá hefur fokið grjót á bíla og rúður í þeim
brotnað.
7.október
Loftorka
átti lægsta tilboðið í undirgöng
Undirgöngin
eiga eftir að auka umferðaröryggi við Grundarhverfi á Kjalarnesi
Tilboð
voru opnuð í gær hjá Vegagerðinni í gerð undirganga við
Grundarhverfi á Kjalarnesi. Um er að ræða gerð stálbogaundirganga
undir hringveginn ásamt lagningu göngustíga við göngin að Klébergsskóla.
Lægsta tilboðið var frá Loftorku ehf., rúmar 35 milljónir. Hæsta
tilboð átti Kraftlind ehf., 58,3 milljónir. Áætlaður verktakakostnaður
var tæpar 44 milljónir.
Umferð skal vera kominn á hringveginn að nýju 15. desember nk. og
verkinu á að vera að fullu lokið 1. maí 2010. frá þessu var sagt á
mbl.is
3.október
Mosfellsbær,
PrimaCare og Ístak rita undir viljayfirlýsingu
Mosfellsbær, Primacare ehf
og Ístak undirrituðu á föstudaginn viljayfirlýsingu um byggingu
einkasjúkrahúss og hótels í Mosfellsbæ sem mun sérhæfa síg í
mjaðmaliða- og hnjáaðgerðum fyrir útlendinga. Um er að ræða allt
að 20-30 þúsund fermetra byggingu og munu skapast 600-1000 störf í
bæjarfélaginu. Gert er ráð fyrir að verkefnið kosti 13-20 milljarða
króna en fjármögnun þess er í höndum svissneska fjármögnunarfyrirtækis,
Opperheimer Investments AG.
Samkvæmt áætlunum fyrirtækisins er gert ráð fyrir að fyrstu
sjúklingarnir verði komnir í aðgerð í lok árs 2011.
2.október
Bæjarráð
tekur fyrir erindi Varmársamtakanna
Varmarsamtökin kvarta undan ósæmilegum
skrifum Karls Tómassonar forseta bæjarstjórnar.
Bæjarráð
Mosfellsbæjar tók fyrir erindi Varmarsamtakanna þar sem samtökin kvörtuðu
undan ósæmilegum skrifum Karls Tómassonar forseta bæjarstjórnar á
bloggsíðu sinni. En þar hefur að sögn Varmársamtakanna forsetinn farið
mikinn í því m.a. að níða niður samtökin og pólitíska
andstæðinga.
Bæjarráð fjallaði um máið á 951.fundi sínum og komst að
eftirfarandi niðurstöðu “Þar
sem það er ekki á valdsviði bæjarstjórnar Mosfellsbæjar að
fjalla um erindið er því vísað frá stjórnsýslu bæjarins.”
Gera má ráð fyrir að ofangreind niðurstaða sé m.a. vegna þess að bæjarstjórn
getur ekki vítt bæjarfulltrúa nema þeir gerist brotlegir í starfi með
athöfnum sínum. Lesa má meira um málið inná heimasíðu
Varmársamtakanna http://varmarsamtokin.blog.is/blog/varmarsamtokin/.
1.október
Kjördæmisþing
framsóknarmanna í Suðvesturkjördæmi
Kjördæmisþing
framsóknarmanna í Suðvesturkjördæmi verður haldið í Hafnarfirði
laugardaginn 24. október kl. 11.00. Þingið fer fram í safnaðarheimili
Hafnarfjarðarkirkju. Nánari upplýsingar um dagskrá þingsins verða
birtar síðar en gert er ráð fyrir að þingið standi til kl. 17 eða
18.
1.október
Ummæli
vikunnar
Sigmundur
Davíð Gunnlaugsson formaður Framsóknarflokksins á ummæli vikunnar að
þessu sinni. Í fréttum í vikunni kom fram að Per Olav Lundteigen þingmaður
Miðflokksins í Noregi, sem er systurflokkur Framsóknar, er tilbúinn að
hafa milligöngu um lán að upphæð rúmlega 2000 milljarðar íslenskra
króna. Sigmundur Davíð tjáði sig um þennan möguleika í tíufréttum
RÚV í gærkvöldi:
„Þetta væri lang æskilegasta niðurstaðan og í rauninni held ég að
við þurfum nú ekki alla þessa upphæð en ef þetta er lánalínan þá
gerir það miklu meira en að nægja okkur. Það myndi leysa fjölmörg
vandamál og til að mynda gætum við þá þakkað Alþjóðagjaldeyrissjóðnum
fyrir komuna og losnað við hann og allar þær kvaðir sem honum fylgja.
Jafnframt myndi þetta að sjálfsögðu styrkja stöðu okkur hvað Icesave
málið varðar ef að raunverulega er verið að blanda Alþjóðagjaldeyrissjóðnum
stöðugt inn í það. Svoleiðis að þetta leysir ýmis mál.“
30.september
Nýr
formaður Framsóknarfélags Reykjavíkur
Guðmundur Gíslason sölumaður
hlaut yfirburðakosningu í kjöri til formanns Framsóknarfélags Reykjavíkur
í gærkvöldi. Hann fékk 36 atkvæði, en mótframbjóðandi hans, Björn
S. Lárusson, 15 atkvæði. Guðlaugur Sverrisson fráfarandi formaður gaf
ekki kost á sér til endurkjörs.
28.september
Mikill
áhugi á hundarækt
Hundasýning í
reiðhöll Fáks í Víðidal
Helgina
3.- 4. október mæta yfir 750 hreinræktaðir hundar af yfir 80 hundakynjum
í dóm á hundasýningu Hundaræktarfélags Íslands. Sýningar félagsins
hafa stækkað ár frá ári sem endurspeglar mikinn áhuga Íslendinga á
hundum og hreinræktun þeirra. Megintilgangur hundasýninga er að
meta hundana út frá ræktunarmarkmiði hvers kyns og leiðbeina ræktendum
þannig í starfi sínu.
Sýningin verður haldin í reiðhöllinni í Víðidal og hefjast dómar
kl. 9:00 árdegis báða daga og standa fram eftir degi. Fimm dómarar frá
þremur löndum, Belgíu, Danmörku og Írlandi dæma í fimm sýningarhringjum
samtímis. Úrslit á sunnudegi hefjast upp úr kl. 14:00 og kemur þá í
ljós hvaða hundar bera af að mati dómara. Á laugardag verða heiðraðir
stigahæsti hundur og öldungur ársins ásamt afreks- og þjónustuhundi ársins
2009.
17.september
Ummæli
vikunnar
Vigdís
Hauksdóttir alþm. og fulltrúi Framsóknar í allsherjarnefnd á ummæli
vikunnar að þessu sinni. Hún fór fram á fund í nefndinni vegna
ástands í fangelsismálum eins og kemur fram í annarri frétt hér í
fréttabréfinu.
Í viðtali við Fréttablaðið í vikunni sagði hún m.a. eftirfarandi:
„Að láta dæmda
brotamenn bíða eftir að geta afplánað refsingu svo árum skiptir, er
ekkert annað en mannréttindabrot."
Formaður nefndarinnar féllst á beiðni Vigdísar og stóð til að halda
fund um málið í lok vikunnar. Í millitíðinni steig
dómsmálaráðherra fram og sagði að húsnæði yrði tekið til leigu á
næstunni til að fjölga rýmum fyrir fanga. Málið er því komið í
farveg og ástæða til að hrósa Vigdísi fyrir skeleggan málflutning í
vikunni í þessu máli.
13.september
Bryndís
endurkjörin formaður SUF
Á 35.
sambandsþingi SUF sem fram fór í Mosfellsbæ um helgina var Bryndís
Gunnlaugsdóttir endurkjörin formaður sambandsins. Bryndís var ein í
kjöri og er þriðja konan sem gegnir formennsku í sambandinu, á eftir
Siv Friðleifsdóttur og Dagnýju Jónsdóttur. Hún tók við sem formaður
á 34. sambandsþingi sem fram fór á Hótel Heklu 7.-8. júní 2008.
Bryndís er 28. ára lögfræðingur, fædd og uppalin í Grindavík.
Bryndís Gunnlaugsdóttir er barnabarn Hreins í Helgadal og þess vegna að
nokkru leyti Mosfellingur.
11.september
Bæjarstjórn
samþykkir hækkanir.
Á
fundi bæjarstjórnar 9.september sl. samþykkti meirihluti bæjarstjórnar
hækkun á gjaldskrá mötuneyta í grunn- og leikskólum og gjaldskrá
Listaskóla haustið 2009 en hækkanirnar eru á bilinu 3,5% til 5,5%
.
Hækkunin er mest eða 5,5% fyrir grunnskóla- mötuneyti og frístundarsel
en 3,5% fyrir gjaldskrá listaskóla og leikskóla
Hækkanirnar voru samþykktar með sex atkvæðum.
4.september
Ummæli
vikunnar
Gestur
Guðjónsson á ummæli vikunnar. Hann setti þau fram í pistli á
vefsíðu sinni og umfjöllunarefnið var sala Orkuveitu Reykjavíkur á
hlut sínum í HS orku til Magma.
Ummælin eru eftirfarandi: “Steingrímur J veit sem er að það er vita
vonlaust fyrir ríkið að leggja pening í svona verkefni núna, hver ætti
að lána ríkinu fyrir slíkum fjárfestingum, auk þess sem hann hefur
ekki stuðning Samfylkingarinnar í sinni vegferð, en fulltrúar hennar,
þar á meðal iðnaðarráðherra hafa sagt málið allt hið besta.
Steingrímur J hefur einfaldlega mislesið eigin flokk og er að reyna að
ganga í augun á honum með ómerkilegum hráskinnaleik, sem er honum til
mikillar minnkunar.”
4.september
Bæjarstjóri
Seltjarnarnes lækkaði laun sín
DV.is sagði frá
því í dag að laun Ásgerðar Halldórsdóttur, bæjarstjóra
Seltjarnarnesbæjar, hafa verið lækkuð um 100 þúsund krónur að kröfu
hennar sjálfrar. Ástæða þessarar kröfu Ásgerðar er sú að henni
fannst hún þurfa að axla sína ábyrgð í því erfiða
efnahagsárferði sem nú ríkir. Skemmst er að minnast umræðu um laun
bæjarstjórans í Mosfellsbæ en hann er sagður þriðji hæst launaðasti
bæjarstjórinn. Nú vilja kjósendur væntanlega vita hvað ætlar hann að
gera í launamálum sínum? Mun bæjarstjórinn krefjast lækkun
launa?
2.september
Rjúkandi
heitur málefnafundur laugardaginn 5. sept. frá 11-13
Málefnafundur verður haldinn í Framsóknarhúsinu að Hverfisgötu 33
laugardaginn 5. september frá 11-13.
Efni fundarins eru ályktanir um velferð, mannréttindi og lýðræði sem
leggja á fyrir Sambandsþing SUF 12. -13. september n.k. Þetta er þitt
tækifæri til þess að hafa bein áhrif á mikilvægar ályktanir og taka
þátt í góðri umræðu og léttu spjalli til að hita upp fyrir
Sambandsþingið.
Allir
velkomnir!
Hlökkum til að sjá þig og lofum að rjúkandi heitt verður á
könnunni! J
Kær
kveðja,
Kristbjörg Þórisdóttir og Einar Gísli Gunnarsson hópstjórar hóps 4.
31.ágúst
Ummæli
vikunnar
Ummæli
vikunnar koma að þessu sinni úr nefndaráliti því sem Höskuldur
Þórhallsson fulltrúi þingflokks Framsóknar í fjárlaganefnd lagði
fram á þingi í dag, sem 2. minnihluti nefndarinnar.
Ummæli
vikunnar eru lokaorðin í skjalinu:
„Þegar litið er á málið í heild sinni er ljóst að hagsmunum
Íslendinga hefði verið betur borgið ef staðið hefði verið á þeim
rétti sem hún nýtur sem fullvalda þjóð. Þá er ljóst að
skynsamlegast hefði verið að leggja samningana til hliðar og freista
þess að ná fram sanngjörnum samningum við Breta og Hollendinga þar sem
réttarstaða Íslands yrði ekki fyrir borð borin. Að þeirri tillögu
felldri og að því gefnu að ekki verði tekið tillit til
breytingartillagna 2. minnihluta liggur fyrir að hagsmunum þjóðarinnar
er ekki nægilega vel borgið með samþykkt þessa frumvarps. Leggur 2.
minni hluti því til að frumvarpið verði fellt.“
30. ágúst
14.
landsþing LFK
Landsþing Landssambands framsóknarkvenna, laugardaginn 26. september 2009,
í Framsóknarhúsinu að Hverfisgötu 33 í Reykjavík.
Dagskrá:
Þingið hefst kl: 10.00
1. Þingsetning. Kosning starfsmanna þingsins.
2. Skýrsla stjórnar og reikningar lagðir fram – umræður.
3. Ávörp gesta.
4. Erindi: Siðferði í stjórnmálum og viðskiptum. Fyrirlesari
Stefán Einar Stefánsson siðfræðingur – umræður.
- Hádegisverður - Súpa og brauð kr. 500,-
5. Ályktanir lagðar fram – umræður.
6. Stjórnarkjör.
7. Önnur mál.
8. Þingslit.
Uppstillingarnefnd landssambandsins hefur tekið til starfa en þar eru í
forsvari: Þuríður Jónsdóttir, thuridur@verslo.is
og thura@itn.is,
og Svafa Hinriksdóttir, berger27@gmail.com.
Konur eru hvattar til að bjóða sig fram í trúnaðarstöður fyrir
Landssamband framsóknarkvenna, í stjórn, varastjórn, landsstjórn eða
sem endurskoðendur reikninga. Senda þarf framboð á netföng
uppstillingarnefndar fyrir 16. september nk. eða 10 dögum fyrir
landsþing.
7.júní
Ummæli
vikunnar
Ummæli
vikunnar á hæstvirtur fjármálaráðherra. Á miðvikudegi svarar hann
spurningu Sigmundar Davíðs á Alþingi um stöðu Icesave-deilunnar og
fullyrðir að ekki séu formlegar samningaviðræður við bresk og
hollensk stjórnvöld um lyktir deilunnar. Á föstudagsmorgni eru drög að
samningi við umræddar þjóðir kynnt utanríkismálanefnd og þingflokkum.
Ummælin
fara hér:
„Fjármálaráðherra (Steingrímur J. Sigfússon) (Vg): Frú
forseti. Eins og þingmönnum er kunnugt var afgreidd ályktun um það á
þingi þar sem stjórnvöldum var falið það verkefni að ræða við
bresk og hollensk stjórnvöld um lyktir þessarar deilu og síðan hefur með
reglubundnum hætti verið skýrt frá því hvað aðhafst hefur verið í
þeim efnum og m.a. utanríkismálanefnd verið haldið upplýstri um það.
Viðræður eða þreifingar milli aðila hafa gengið hægar en ætlunin
var, m.a. vegna þess að Bretar hafa ítrekað óskað eftir frestun á
fundum sem fyrirhugaðir voru. Það er verið að reyna að koma í gang
formlegum samningaviðræðum en þær eru ekki hafnar heldur eru könnunarþreifingar
eða könnunarviðræður í gangi. Ég held að ég geti fullvissað hv. þingmann
um að það standi ekki til að ganga frá einhverju samkomulagi á morgun
eða einhverja næstu daga og áður en til slíks kæmi yrði að sjálfsögðu
haft samráð við utanríkismálanefnd og aðra þá aðila sem þingið
hefur haft til að fylgjast með framvindu þessara mála. Staða málsins
er sú að það eru könnunarviðræður eða könnunarþreifingar í
gangi.“
4.júní
Tónskáld
og sellóleikari á Gljúfrasteini
Stofutónleikaröð
Gljúfrasteins hefst sunnudaginn 7. júní kl. 16:00 en þá mun Chrichan
Larson sellóleikari og tónskáld koma sér fyrir í stofu nóbelsskáldsins
og leika verk eftir Bach og Zimmermann. Aðgangseyrir er aðeins 500 krónur
og allir velkomnir meðan húsrúm leyfir.
Chrichan Larson starfar sem sellóleikari og tónskáld. Hann lærði í
Stokkhólmi en einnig í Basel í Sviss og París, þar sem hann varð síðar
meðlimur í Ensemble InterContemporain (EIC). Starf hans í EIC og
samvinnan með stjórnanda þess hóps, Pierre Boulez, hafði mikil áhrif
á Chrichan, jafnt sem tónlistarmann og tónskáld.
Chrichan
hefur áður haldið tónleika á Íslandi. Það var sumarið 1982, en þá
lék hann í Norræna húsinu ásamt bróður sínum, Staffan Larson fiðluleikara
og Önnu Guðnýju Guðmundsdóttur, píanóleikara.
Stofutónleikar Gljúfrasteins verða alla sunnudaga í sumar kl.16,
nánar má lesa um dagskrána hér.
Gljúfrasteinn er opinn alla daga í sumar frá kl. 9–17
30.maí
Ummæli
maí mánaðar.....
Ummæli
sl. mánaðar falla
í skaut félags- og tryggingamálaráðherra Árna Páls Árnasonar, sem
hann lét falla í viðtali við Fréttablaðið laugardaginn 23. maí.
Í viðtalinu sagði hinn nýbakaði ráðherra orðrétt:
„Blessunarlega er það ekki þannig að þorri heimila geti ekki staðið
í skilum þótt skuldabyrði hafi aukist. Ef þú horfir á verðtryggðu lánin,
þá er næstum enginn að verða fyrir meiri hækkun afborgana en sem nemur
fimmtíu þúsund krónum.“
Það er merkilegt að ráðherranum þyki það ekki stórmál að heimilin
þurfti að greiða fimmtíu þúsund krónum hærri afborganir á mánuði
en þau þurftu að gera fyrir hrunið. Þessi ummæli eru til marks um þær
skýjaborgir sem sumir ráðherrar ríkisstjórnarinnar virðast hafa búið
um sig í og hafa um leið misst tengslin við venjulegt fólk sem er að
sligast undan aukinni greiðslubyrði og auknu atvinnuleysi.
Eflaust er þess ekki langt að bíða að mótmæli fari aftur af stað á
Austurvelli, ekki síst vegna skorts á skilningi hjá ráðherrum ríkisstjórnarinnar
á aðstæðum almennings.
29.maí
Sérlega
óvinsælar og ósanngjarnar aðgerðir ríkistjórnarinnar!
Almenningur
borgar 12 milljarða þegar tekið er tillit til vísitöluhækkana!
Gjöld
hækka á áfengi, tóbak, bensín og olíu samkvæmt frumvarp Steingríms
J. Sigfússonar fjármálaráðherra. Gjöld á áfengi og tóbak hækka um
15%, bensíngjald hækkar um 10 krónur á lítrann en olíugjaldið um fimm
krónur. Þá hækka bifreiðagjöld um 10%. Áætlað er að þetta skili
4,4 milljörðum í ríkissjóð á ári. Áhrif skattahækkana geta leitt
til frekari erfiðleika heimilanna og enn frekari samdráttar í þjóðfélaginu
sem aftur leiðir til minnkandi tekna ríkissjóðs og sveitarfélaga
þar með bítur aðgerðin í skottið á sjálfri sér!.
28.maí
Ársreikningur
2008 samþykkur
Mikil frávik frá áætlun ársins var
einkennandi fyrir reikninginn.
Rekstrar-
og fjárhagsáætlun A og B hluta Mosfellsbæjar fyrir árið 2008 gerði ráð
fyrir rekstrarafgangi eftir fjármagnsliði upp á 736 millj. Hinsvegar varð niðurstaða ársreiknings
neikvæð um 168 millj.
Seinni
umræða um ársreikning 2008 var til umræðu í bæjarstjórn á 513.
fundi.
Hér er bókun fulltrúa B-lista vegna ársreiknings Mosfellsbæjar árið
2008:
Bókunin......
27.maí
Há
leikskólagjöld í Mosfellsbæ.
Gjaldskrá
leikskóla umtalsvert dýrari í Mosfellsbæ en í Reykjavík.
Þegar
bornar eru saman gjaldskrár leikskólanna í Reykjavík og Mosfellsbæ
kemur eitt og annað ótrúlegt í ljós. Það er u.þ.b. 5000,-kr dýrara
á mánuði fyrir hjón að vera með barn á leikskóla í Mosfellsbæ
en í Reykjavík eða 55þúsund á ári ef reiknað er með því að barnið
sé 11 mánuði í leikskóla og mánuð í frí með foreldrum. Ef
hinsvegar annað foreldrið er í námi lækkar gjaldið í Reykjavík í kr.
16799,- og þá er munurinn kr. 95þúsund ef árið er tekið saman.
Þegar barn í Mosfellsbæ hefur verið í leikskóla í Mosfellsbæ frá
2ára aldri til fimmára aldurs eru foreldrar þess búnir að greiða fyrir
“fría vistun 5.ára" ef borið er saman við Reykjavík.
Taka
verður fram að samanburðurinn nær eingöngu til verðs en ekki þeirrar
þjónustu sem veitt er.
Gjaldskrá Mosfellsbæjar: http://www.mos.is/Files/Skra_0033624.pdf
Gjaldskrá Reykjavíkur: http://www.rvk.is/Portaldata/1/Resources/leikskolasvid/gjaldskrar/n_gjaldskra_LR_010108.pdf
18.apríl
Allt um20%
leiðrétting
Þið
talið um að það sé eðlismunur en ekki stigsmunur á því að afskrifa skuldir í
eðlilegu árferði og núna. Í hverju felst sá munur? Í fyrsta lagi mun
afskriftin fækka þeim sem fara í þrot. Í öðru lagi skiptir máli að fólk geti
greitt af lánunum sínum, þó það sé minna en gert...
17.apríl
Annað tölublað Tímans komið út!
Dagblaðið
Tíminn var um áratugaskeið gefinn út af Framsóknarflokknum og verður nú
gefinn út nokkrum sinnum í aðdraganda kosninga. Fyrsta blaðinu var dreift
með Fréttablaðinu sl. laugardag. Nú er annað tölublað komið út og verður
dreift með Fréttablaðinu í dag og með pósti til þeirra sem ekki fá
Fréttablaðið reglulega. Blaðið verður einnig aðgengilegt hér á heimasíðu
flokksins.
Meðal efnis eru fréttaskýring um atvinnumál, kynning á frambjóðendum,
upplýsingar um viðburði framundan, auk greina eftir frambjóðendur og
fyrrverandi heilbrigðisráðherra, Ingibjörgu Pálmadóttur.
16.apríl
Bæjarstjórn styrkir efnileg ungmenni!
Bæjarstjórn
ákvað á síðasta fundi sínum að samþykka tillögu íþrótta-og tómsstundanefndar
um að styrkja eftirtalin ungmenni sumarið 2009 með þeim hætti að styrkþegar
fái sambærilegan vinnutíma og laun og öðrum unglingum í Vinnuskóla og
ungmennum í sumarvinnu stendur til boða.
Lára Kristín Pedersen, Kristrún Halla Gylfadóttir, Sigríður Þóra
Birgisdóttir og Alda Snorradóttir til að iðka knattspyrnu. Sævar Baldur
Lúðvíksson til að iðka skylmingar. Arnar Logi Lúthersson til að iðka
hestaíþróttir. Ragnheiður Erla Björnsdóttir til að stunda söngnám. Gísli
Gylfason til að iðka taekwondo. Páll Theódórsson til að iðka golf. Dagný
Ágústsdóttir til að iðka badminton. Halldóra Þóra Birgisdóttir til að iðka
knattspyrnu og stunda píanóleik. Sigrún Jarlsdóttir til að stunda
fiðluleik.
20.mars
Opinn
fundur með Sigmundi Davíð!
SAMVINNA
– SAMSTARF – SAMRÆÐUR
í Framsóknarsalnum
Meðal
annars verður fjallað um efnahagstillögur flokksins og hugmyndir um 20%
niðurfellingu skulda
kynntar.
Allir velkomnir
Framsóknarfélag Mosfellsbæjar
19.mars
ASKA
Í ÖSKJU – sýning Leirlistarfélags Íslands á duftkerjum.
Laugardaginn
21. mars kl. 14.00 er opnun sýningar Leirlistarfélags Íslands í Listasal
Mosfellsbæjar og stendur sýningin til 18. apríl. Sýningin ber heitið
Aska Í Öskju og viðfangsefni sýnendanna eru duftker.
Duftker eru ker með ösku fólks eftir bálför. Einn af hverjum fimm Íslendingum
láta brenna sig eftir andlát en erlendis er sú tala mun hærri. Meðlimir
Leirlistarfélagsins hafa reynt sig við að búa margvíslegar útgáfur af
duftkerum og er sjón sögu ríkari. Á sýningunni eru bæði duftker fyrir
fólk og gæludýr. Þeir leirlistamenn sem taka þátt í sýningunni eru,
Anna S. Hróðmarsdóttir, Bjarnheiður Jóhannsóttir, Bjarni Sigurðsson,
Erna Jónsdóttir, Guðrún Indriðadóttir, Hafdís Brandsdóttir, Halla Ásgeirsdóttir,
Dóra Árna, Helga (Gegga) Birgisdóttir, Hrefna Harðardóttir, Inga Elín,
Ingibjörg Þ. Klemensdóttir, Kristbjörg Guðmundsdóttir, Ólöf Erla
Bjarnadóttir, Ragnheiður Ingunn Ágústsdóttir, Rannveig Tryggvadóttir,
Sigríður Ágústsdóttir, Steinunn Marteinsdóttir og Svafa Björg Einarsdóttir.
17.mars
Mikil fjölgun flokksbundinna félaga í
Framsóknarflokknum
Frá
því um áramót hefur verið mikil fjölgun flokksbundinna félaga í
Framsóknarflokknum. Fjölgað hefur í flokknum um 20% á þessum tíma.
Nokkrar skýringar eru á þessu miðað við ummæli sem nýir flokksmenn
hafa látið í ljósi. Öll forysta flokksins var endurnýjuð á flokksþingi
flokksins í janúar. Ljóst er að veruleg endurnýjun er á framboðslistum
flokksins sem nýverið hafa verið ákveðnir í prófkjörum og með
forvali. Síðast en ekki síst hefur flokkurinn kynnt ítarlega áætlun í
efnahagsmálum sem kemur fyrirtækjum og heimilum til góða auk þess sem hún
gerir ráð fyrir að greiðslu- og efnahagskerfi landsins verði styrkt. Nú
er unnið að stefnumótun á grundvelli samþykkta flokksþings þar sem
tekið verður á öðrum brýnum málum svo sem atvinnumálum.
27.febrúar
Framboðsfundur
í Framsóknarsalnum kl 20.00 n.k. þriðjudag
Boðað
er til framboðsfundar meðal frambjóðenda í 5 efstu sæti á framboðslista
Framsóknarflokksins í Suðvesturkjördæmi til Alþingis vorið 2009.
Fundarefni:
Frambjóðendur kynna sig og stefnumál sín og fundarmönnum
er gefinn kostur á að bera fram spurningar.
Félagsmenn
eru hvattir til að mæta á fundinn.
Allir
skráðir félagsmenn (2. mars nk.) sem eiga kosningarétt í kjördæminu
geta tekið þátt í prófkjörinu sem fer fram laugardaginn 7. mars nk.
kl. 9:00 - 18:00 í Félagsheimili framsóknarmanna við Digranesveg 12 í Kópavogi.
Stjórn
KFSV
26.febrúar
Helga
Sigrún Harðardóttir sækist eftir 1. sætinu
Tilkynning
til fjölmiðla
Að
vandlega yfirlögðu ráði og fyrir hvatningu og stuðning fjölmargra framsóknarmanna
í SV kjördæmi hef ég nú ákveðið að sækjast eftir 1. sæti á
lista þeirra í kjördæminu. Byggir sú ákvörðun á eindreginni áskorun
grasrótar framsóknarmanna, kalli hennar eftir nýliðun og breytingum á
forystu flokksins og er hún jafnframt í samræmi við þær miklu breytingar
sem orðið hafa um land allt og einkenna lista framsóknarmanna fyrir komandi
alþingiskosningar. Meira.....
25.febrúar
Faglegum
vinnubrögðum í skipulagsmálum hafnað !
Meirihluti
Vinstri Grænna og Sjálfstæðismanna í bæjarstjórn hafnaði tillögu um
fagleg vinnubrögð!
Á 506. fundi bæjarstjórnar bar bæjarfulltrúi Framsóknar bar upp tillögu
um að fresta afgreiðslu á deiliskipulagstillögu fyrir tengiveg um Skeiðholt
og út í Leirvogstungu þar sem ekki hafði verið gert ráð fyrir fullnægjandi
texta um hljóðvarnir í tillögunni en vísa henni þess í stað aftur til
skipulags-og byggingarnefndar til faglegrar umfjöllunar. Þessu hafnaði
meirihlutinn gegn atkvæðum minnihluta Framsóknarflokks og Samfylkingar.
Meirihlutinn
hafnaði tillögunni en lét bóka að í deiliskipulagsskilmálana komi
eftirfarandi texti:"Bæjarstjórn lýsir sig reiðubúna að koma til móts
við húseigendur þeirra húsa við Skeiðholt, þar sem umferðarhávaði
reiknast rétt undir viðmiðunarmörkum, með viðeigandi hávaðavörnum annað
hvort í göturýminu, á lóðarmörkum eða við hús”.
24.febrúar
Mikill
áhugi á hundarækt-
Met
þátttaka á hundasýningu Hrfí
Helgina 28.febrúar - 1. mars mæta yfir 800 hreinræktaðir hundar af yfir
90 hundakynjum í dóm á hundasýningu Hundaræktarfélags Íslands. Sýningar
félagsins hafa stækkað ár frá ári sem endurspeglar mikinn áhuga Íslendinga
á hundum og hreinræktun þeirra.
Sýningin
verður haldin í Reiðhöllinni í Víðidal og hefjast dómar kl. 9:00 árdegis
báða daga og standa fram eftir degi. Fimm dómarar frá fimm löndum,
Bretlandi, Hollandi, Írlandi, Sviss og Svíþjóð dæma í fimm sýningarhringjum
samtímis. Úrslit á sunnudegi hefjast upp úr kl. 14:00 og kemur þá í
ljós hvaða hundar bera af að mati dómara.
Í
anddyri reiðhallarinnar verða glæsilegir kynningarbásar um ólík
hundakyn.
23.febrúar
Styrktarkvöld
á föstudaginn
Mosfellingur
og Áslákur efna til styrktarkvölds föstudaginn 27. febrúar þegar nýr
og breyttu Áslákur verður opnaður. Safnað er fyrir Rebekku sem var í
viðtali í Mosfellingi fyrir nokkru. Hún lenti í hræðilegu slysi á
Vesturlandsvegi fyrir sex árum. Rebekka er í dag fjölfötluð með ósjálfráðar
hreyfingar og verður það líklega ævistarf hennar að vinna úr afleiðingum
þessa slyss. Safnað er fyrir æfingahjóli, sem kostar um 800.000 kr.,
fyrir áframhaldandi endurhæfingu Rebekku
Allir listamenn sem fram koma gefa vinnu sína og söfnunarbaukar verða
á staðnum. Allur ágóði af veitingum á bar fer í styrktarsjóðinn auk
þess sem tekið er við frjálsum framlögum.
Frábær
tónlistardagskrá sem hefst kl. 20 og stendur fram á nótt. Kynnir er Karl
Tómasson forseti bæjarstjórnar.
Meðal flytjenda eru: Karlakór Kjalnesinga, Diddú, Jónas Þórir, Dúettinn
Hljómur, Reynir Sig, Hreindís o.fl.
Bæjarrónafélag Mosfellsbæjar verður á staðnum og ýmsir kunnuglegir
Mosfellingar afgreiða á barnum.
20.febrúar
Bryndís
Bjarnarson býður sig fram í 2. sætið.
Bryndís
Bjarnarson býður sig fram í 2.sætið á lista Framsóknarflokksins í Suðvesturkjördæmi
fyrir Alþingiskosningarnar 2009.Bryndís hefur mikla reynslu á vettvangi
sveitarstjórnarmála, sat í bæjarstjórn Mosfellsbæjar á árunum
2002-2006 og einnig í nefndum á vegum Mosfellsbæjar frá 1998-2006.
Bryndís Bjarnason er 44 ára
Mosfellingur móðir þriggja barna á aldrinum 14-22 ára. Hún er
með BA gráðu í Hagfræði, heimspeki og stjórnmálafræði frá
Háskólanum á Bifröst og er að ljúka meistaranámi í
menningarstjórnun við sama skóla.
16.febrúar
285
atvinnulausir í Mosfellsbæ.
Fjöldi
skráðra atvinnulausra einstaklinga eykst hratt í Mosfellsbæ eins og í
öðrum sveitarfélögum.
En
lok janúarmánaðar voru 285 atvinnulausir í bæjarfélaginu þar af voru
181 karlmaður og 104 konur en á sama tíma í fyrra voru aðein 46 á
atvinnuleysisskrá hjá vinnumálastofnum. Tala atvinnulausra heldur því
miður áfram að vaxa en í janúar var atvinnuleysi komið yfir 6,8% á
landinu öllu og nú um miðjan febrúar er tala atvinnulausra komin yfir
15000 á
en opinberar tölur gera ráð fyrir að 20000 manns geti orðið
atvinnulausir með
vorinu.
14. febrúar
Vel
heppnað kjördæmisþing
Laugardaginn
14 febrúar sl. var haldið kjördæmisþing framsóknarmanna í Suðvesturkjördæmi
í Lionssalnum í Kópavogi. Mikil og góð mæting var á þingið þar var
ákveðið að prófkjör yrði við val á efstu sæta lista Framsóknarflokksins
í kjördæminu fyrir komandi alþingiskosningar en prófkjörið verður
7.mars n.k.
Allir þeir sem ganga í flokkinn fram til 2. mars n.k. hafa rétt á að kjósa.
Kjörstaður verður að Digranesvegi 12 í Kópavogi.
Þeir sem búa í s.v kjördæmi og vilja ganga í Framsóknarflokkinn vegna
prófkjörsins geta m.a. gert það á heimasíðu flokksins www.framsokn.is
11.febrúar
Opnun
sýningar Birtu Guðjónsdóttur í Listasal Mosfellsbæjar
Laugardaginn
14. febrúar kl. 14.00 – 16.00 opnar Birta Guðjónsdóttir sýninguna auður/hlutfall
í Listasal Mosfellsbæjar.
Á sýningunni veltir Birta fyrir sér tengslum mannsins við rúmfræðilega,
táknræna og huglæga mælikvarða velgengni, ríkjandi gildismat hvers tíma
og manninum sem mælikvarða alls. Hún vinnur með ýmsa miðla, aðallega
ljósmyndir.
Birta hefur unnið jöfnum höndum sem myndlistarmaður og sýningarstjóri
frá því að hún lauk námi í myndlist.
Allir velkomnir - aðgangur er ókeypis
5.febrúar
Kjördæmisþing
laugardaginn 14 febrúar
Boðað
til auka kjördæmisþings framsóknarmanna í Suðvesturkjördæmi. Þingið
verður haldið í Lionssalnum
Lundi, Auðbrekku 25-27,
Kópavogi laugardaginn 14. febrúar nk. kl. 12:30
-
áætluð þingslit eru kl. 14.00
Vinsamlegast athugið að allir
félagsmenn Framsóknarflokksins í kjördæminu eiga rétt á að sitja kjördæmisþing
með málfrelsi og tillögurétt. Eina mál þingsins er undirbúningur
Alþingiskosninganna 25. apríl nk. Þinggjald er kr. 500.
28.janúar
Þorrablót
framsóknarmanna 14. febrúar n.k.
14.
feb.n.k. verður þorrablót framsóknarmanna. Þetta er sameiginlegt
blót fyrir félögin á höfuðborgarsvæðinu. Blótið verður haldið í
Lionssalnum Lundi í Auðbrekku Kópavogi.
Þeir sem vilja tryggja sér miða geta pantað hann með tölvupósti á
olih@torg.is
27.janúar
Innbrot
í hesthús - tvær konur handteknar
Lögreglan
hefur upplýst innbrot í fjölda hesthúsa.
Lögreglan hefur
haldlagt yfir þrjátíu hnakka sem stolið var í fjölda innbrota í hesthús
á höfuðborgarsvæðinu fyrr í mánuðinum. Í gær voru tvær konur handteknar í
þágu rannsóknarinnar og hafa þær báðar játað sök. Tveir aðilar
til viðbótar tengjast þessum innbrotum sem eru að mestu upplýst.
Þjófunum tókst að selja eitthvað af hnökkum en unnið er að því að
endurheimta þá. Það eru lögreglumenn á svæðisstöðinni í Hafnarfirði
sem fara með rannsókn málsins.
Ekki liggur fyrir hvort um sé að ræða hnakkarnir sem stolið var
úr hesthúsum í Mosfellsbæ.
27.janúar
Heilsuræktarstyrkur
starfsfólks felldur niður!
Mikillar
óánægju hefur gætt meðal starfsfólks
Mosfellsbær
hefur fellt niður heilsuræktarstyrk til starfsfólks en bjóða starfsmönnum
nú að fá áfram endurgjaldslaust árskort í sundlaugar bæjarins
og stendur öllum fastráðnum starfsmönnum til boða eftir 4 mánaða
starf. Starfsmönnum bjóðast líka tilboð í líkamsræktarstöðvar
bæjarins.
Mikillar óánægju hefur gætt meðal starfsfólks vegna niðurfellingar
heilsuræktarstyrkjanna en niðurfellingin er vegna sparnaðar bæjarstjórnar
í ljósið efnahagsástandsins.
Efnt hefur verið til heilsuræktarhátíðar fyrir starfsmenn n.k.
laugardag kl.11 í íþróttamiðstöðinni við Lágafellsskóla þar
sem kynning verður á hvað er í boði.
26.janúar
Mosfellsbær
hafnar atvinnustarfsemi!
Bæjarráð
hefur samþykkt umsögn skipulagsstjóra en hún er neikvæð gagnvart uppbyggingu
N1 á lóðum þeirra við Langatanga en félagið hafði í hyggju að færa
út kvíarnar og byggja enn frekar upp smurstöð og viðgerðarþjónustu
á óbyggðri lóð sinni á bak við dekkjaverkstæðið. Undrun
sætir að félaginu skuli vera hafnað um uppbyggingu á lóðinni og
ekki hvað síst hvað varðar núverandi efnahagsástand. Reikna má
með því að u.þ.b. 5-10 framtíðarstörf hefðu skapast auk annarra
starfa á framkvæmdartímanum.
22.janúar
Framsókn
sækir í sig veðrið
Samkvæmt
könnun MMR er Framsókn stærri en Samfylkingin.
Verulega
dregur úr fylgi Samfylkingar og stuðningur við Framsóknarflokkinn eykst
mikið. Þetta kemur fram í nýrri skoðanakönnun Markaðs- og miðlarannsókna,
MMR.
Stuðningur við Framsóknarflokkinn mælist nú 17,2%. Þetta er veruleg
breyting frá síðustu könnun þegar rétt um 4,9% sögðust kjósa Framsóknarflokkinn
væri gengið til kosninga í nú.
Stuðningur við Samfylkinguna minnkar mikið og fer úr 27,1% í 16,7%.
Fylgi Sjálfstæðisflokksins heldur áfram að dala og mælist nú 24,3%.
Samanlagt fylgi ríkisstjórnarflokkanna mælist nú í fyrsta skipti á kjörtímabilinu
undir helmingi, eða 41%.
Vinstri grænir mælast enn stærsti flokkurinn, en 28,5% aðspurðra sögðust
kjósa flokkinn væri gengið til kosninga í dag. Fylgi Frjálslyndra mælist
nærri óbreytt í 3% og fylgi Íslandshreyfingar 2,2%. Tæp 8% sögðust
vilja kjósa aðra stjórnmálaflokka en buðu fram síðast. Fram þessu er
sagt á Vísir.is
22.janúar
Sunnudaginn
25. janúar næstkomandi hefst Verk mánaðarins á nýjan leik. Fyrsti
gestur ársins er Jón Gnarr og mun hann fjalla um smásöguna og leikritið
Dúfnaveisluna. Leikritið er skrifað í kringum samnefnda smásögu sem
var prentuð í Sjöstafakverinu árið 1964. Verkið var frumsýnt hjá
Leikfélagið Reykjavíkur 1966 og útgefið sama ár.
Á
sunnudaginn mun Jón fjalla um þessi umfjöllunarefni frá eigin brjósti
auk þess að segja frá upplifun sinni sem lítill snáði þegar hann
hlustaði á upptökur af Dúfnaveislunni af LR-plötu sem var til á ófáum
heimilum.
Verk mánaðarins
er haldið síðasta sunnudag í mánuði kl. 16:00. Ókeypis er inn á viðburðinn
og allir velkomnir meðan húsrúm leyfir.
Sjá
nánar á heimasíðu
Gljúfrasteins.
19.janúar
Íþróttafólk
ársins 2008
Tveir
golfíþróttamenn, Nína Björk Geirsdóttir og Kristján Þór Einarsson, bæði úr
Golfklúbbnum Kili í Mosfellsbæ, voru valin íþróttakona og íþróttamaður
ársins 2008 í Mosfellsbæ. Íþrótta- og tómstundanefnd Mosfellsbæjar velur
verðlaunahafa eftir tilnefningar frá íþróttafélögum í Mosfellsbæ.
Nína hefur verið einn sigursælasti kvenkylfingur landsins seinustu ár.
Kristján keppti fyrir Íslands hönd á Evrópumótinu í sumar þar sem Kristján
lék gott golf. Hann lék einnig á heimsmeistaramótinu í Ástralíu og átti góða
spretti þar. Stærsti sigur Kristjáns á árinu var þegar hann landaði
Íslandmeistaratitlinum í höggleik á eftirminnilegan hátt.
16.janúar
Mosfellingur
velur Mosfelling ársins 2008
Mosfellingur
ársins 2008 er athafnamaðurinn og hóteleigandinn Albert Sigurður
Rútsson. Á árinu opnaði Albert glæsilegt hótel í Mosfellsbæ, Hótel
Laxnes. Alli Rúts, eins og hann er oftast kallaður er landskunnur
skemmtikraftur og rak á árum áður eina þekktustu bílasölu landsins.
Hótel Laxnes er með glæsilegri byggingum í Mosfellsbæ en hótelið
opnaði í byrjun septembermánaðar. Kemur þetta fram í bæjarblaðinu
Mosfellingi sem veitir nafnbótina. Hótelið er búið 25 herbergjum og
getur tekið á móti allt að 50 næturgestum. Það var Hilmar Gunnarsson
ritstjóri Mosfellings sem afhenti Alberti viðurkenninguna.
15.janúar
Lögregla
stöðvar kannabisræktun í Mosfellsbæ.
Lögreglan stöðvaði kannabisræktun í húsi við Bjarkarholt í
Mosfellsbæ í gær. Við húsleit á áðurnefndum stað fundust um 50
kannabisplöntur á ýmsum stigum ræktunar. Jafnframt var lagt hald á búnað
sem tengdist starfseminni sem og fjármuni sem grunur leikur á að séu
tilkomnir vegna fíkniefnasölu. Frá þessu segir á Visir .is
11.janúar
Lambið lék björgunarsveitina Kyndil grátt
Dv.is sagði frá viðureigninni í dag
Lambið
lék sér aldeilis að björgunarsveitarmönnunum í Úlfarsfelli í dag og lét þá
elta sig á milli kletta í Úlfarsfellinu. Nú hafa björgunarsveitarmenn gefist
upp á að klófesta lambið og því ljóst að lambið sigraði þessa baráttu enda
ekkert lamb að leika sér við.
Enn er ekki ljóst hver eigandi þessa sjálfstæða lambs er og óvíst hvort að
björgunarsveitin muni hætta sér aftur upp á Úlfarsfell til að handsama
kindina klóku.
10.janúar
Þjófnaður í Blesabakka Mosfellsbæ
Brotist inn í hesthús
Hnökkum
og öðrum reiðtygjum var stolið aðfaranótt laugardags úr hesthúsi við
Blesabakka að Varmárbökkum.
Um er að ræða vönduð reiðtygi en nokkuð hefur verið um að brotist er inn í
hesthús og þar öllu stolið. Hesthúseigendur eru í nokkrum vanda því oft
skilja þeir eftir lykla eða útbúa útidyr þannig að tiltölulega auðvelt er að
brjótast inn ef hætta stafar að hrossunum. Skemmst er að minnast bruna í
hesthúsi en þar tafðist björgunarstarf m.a. vegna læstra hurða.
8.janúar
Opnun
sýningar Ásdísar Kalman
Lúmen
10.
janúar 2009 - 7. febrúar 2009
Laugardaginn
10. janúar kl. 14.00 – 16.00 opnar Ásdís Kalman sýninguna Lúmen
í Listasal
Mosfellsbæjar.
Ásdís hefur verið starfandi myndlistarmaður frá útskrift úr
Myndlista- og handíðaskóla Íslands árið 1988. Hún lauk kennslufræði
við Listaháskóla Íslands árið 2004 og er nú starfandi
listgreinakennari í Ingunnarskóla í Reykjavík.
Ásdís hefur haldið margar einkasýningar og tekið þátt í samsýningum
hér á landi, í Frakklandi og í Danmörku.
Á sýningunni í listasalnum getur að líta olíumálverk og eins og nafn
sýningarinnar, Lúmen, bendir til er ljós og birta viðfangsefni Ásdísar
á þessari sýningu.
Allir
velkomnir - aðgangur er ókeypis
6.janúar
Höskuldur
og Páll stóðu sig vel
Frábær
fundur með frambjóðendum til formanns Framsóknarflokksins.
Þeir
Páll Magnússon og Höskuldur Þórhallsson stóðu sig mjög vel á fundi
Framsóknarfélags Mosfellsbæjar í gærkvöld. Fjölmennt var á fundinum
og stemmingin góð. Var það mál manna að í raun væri valið
milli þeirra mjög erfitt þar sem frammistaða beggja hefði verið hreint
frábær.
Þá
virtust frambjóðendurnir hafa svipaða sýn á helstu málefni þó var Páll
ákveðinn í að Ísland ætti að fara í Evrópubandalagið að
uppfylltum ákveðnum skilyrðum en Höskuldur studdi aðildarviðræður en
var mun gagnrýnni í garð þess. Báðir frambjóðendur vildu opna
flokkinn og auka lýðræði innan hans til muna.
6.janúar
Sýktu hrossin flutt úr hesthúsahverfinu
Salmonellusýktu
hrossin sem lifðu sýkinguna af hafa nú verið flutt úr hesthúsahverfinu. Þau
eru nú í hesthúsi í nágrenni Reykjavíkur.
Í gær höfðu 24 af 44 hrossum drepist úr sýkingunni. Eins og sag hefur verið
frá í fjölmiðlum sýktust hrossin af yfirborðsvatni þar sem þau voru í
hagagöngu.
Miklar annir hafa verið hjá dýralæknum við umönnun hrossanna.
5.janúar
Sigmundur boðar forföll
Sigmundur Davíð Gunnlaugsson verður því miður ekki á fundinum í kvöld.
Sigmundur boðaði forföll þar sem að hann er á fundi í Skagafirði í kvöld það
lá ekki fyrir fyrr en í gærkvöld að Sigmundur gæti ekki mætt í Mosfellsbæ
til fundarins. Páll Magnússon og Höskuldur Þórhallsson hafa báðir staðfest
komu sína.
2.janúar
Fundur með frambjóðendum
Frambjóðendur til
formanns Framsóknarflokksins funda í Mosfellsbæ 5. janúar
Stjórn
Framsóknarfélags Mosfellsbæjar hefur boðið Höskuldi Þórhallssyni, Páli
Magnússyni og Sigmundi Davíð Gunnlaugssyni frambjóðendum til formanns
Framsóknarflokksins að kynna sig fyrir Mosfellingum og öðrum áhugasömum
mánudaginn 5.janúar n.k.
Fundurinn hefst kl 20.00 fundarstaður er Háholti 14.
2.hæð, félagsheimili Framsóknarfélags Mosfellsbæjar.
Allir velkomnir.
