Eldir fréttir 2010
30.
maí
Þakkir til bæjarbúa
Frambjóðendur
B-Listans vilja þakka bæjarbúum fyrir þann stuðning sem að þeir fengu
í nýafstöðnum kosningum svo og þeim mikla fjölda flokksmanna og sjálfboðaliða
sem koma að kosningastarfinu á liðnum mánuðum en listinn fékk 11,2%
greiddra atkvæða og því engan mann kjörinn.
Úrslitin verða að teljast vonbrigði þar sem aðeins örfáum
atkvæðum munaði að flokkurinn héldi sínum bæjarfulltrúa.
29.maí
Á kjördag.
Í
dag verður kosið til sveitastjórnar Mosfellsbæjar til næstu fjögurra
ára.
28.maí
Tækifærið er núna!
eftir:
Kristbjörgu Þórisdóttur
Þann
1. janúar 2011 verða málefni fatlaðra flutt yfir til sveitarfélaganna.
Við það skapast langþráð tækifæri til breytinga, ekki ósvipað þeim
tímapunkti þegar altækar stofnanir voru lagðar niður að mestu og sambýli
reist. Fatlað fólk á sama rétt og annað fólk á því að lifa eðlilegu
og góðu lífi og blómstra í samfélaginu.
Þessi réttindi
eru tryggð í Mannréttindasáttmála Sameinuðu þjóðanna sem undirritaður
var af fulltrúum Íslands þann 30. mars 2007. Nýverið kynnti félagsmálaráðherra
þá fyrirætlun að fullgilda samninginn. Meðal annars þarf að ráðast
í heildarendurskoðun á lögum um málefni fatlaðra nr.59/1992 og er lagt
til að þau muni þá nefnast lög um réttindi fatlaðs fólks.
Meira....
27.maí
Framsókn og kraftur í íþróttamálum
Mosfellinga
Eftir
Snorra Hreggviðsson
Innan
íþróttafélaga í Mosfellsbæ er unnið frábært og óeigingjarnt starf
sjálfboðaliða, foreldra, þjálfara, stjórnenda og starfsmanna. Starf félaganna
er að mestu í miklum blóma og ætlum við framsóknarmenn að
tryggja að svo verði áfram. Á krepputímum þarf að leggja megináherslu
á að innra starf félaganna haldist blómlegt og vilja framsóknarmenn samráð
við félög um rekstur og uppbyggingu íþrótta- og tómstundastarfs. Skuldir
á íbúa Mosfellsbæjar hafa tvöfaldast á síðustu tveimur árum og
nema um 800þús. á íbúa, veltufjárhlutfall var 0,7% 2009 en þarf
að vera 8% ef vel á að vera. Fara verður mjög varlega í nýframkvæmdir
því búið er að skuldbinda bæjarsjóð fyrir ýmsum framkvæmdum
og fyrirhugaðar framkvæmdir gera það að verkum að skuldir stefna í ríflega
1 milljón á íbúa. Þessar áætlanir sníða rekstri íþróttamannvirkja
og uppbyggingarstarfi mjög þröngan stakk. Meira...
26.maí
Sameiginlegur framboðsfundur í
Mosfellsbæ
Framboðin
til bæjarstjórnarkosninganna í Mosfellsbæ boða til sameiginlegs framboðsfundar
með íbúum bæjarins.
Fundurinn verður haldinn í Hlégarði fimmtudaginn 27. maí og hefst kl.
20:00.
Að loknum framsöguræðum gefst bæjarbúum tækifæri til spurninga og viðræðna
við frambjóðendur við borð framboðanna í sölum Hlégarðs.
Fundinum lýkur kl. 22:00
26.maí
Fundur
Öryrkjabandalagsins og frambjóðenda á höfuðborgarsvæðinu.
Fulltrúar B-listans í Mosfellsbæ þáðu boð Öryrkjabandalagsins
um fund vegna yfirfærslu á málefnum fatlaðra frá ríki til sveitarfélaga.
Kristbjörg Þórisdóttir fulltrúi B-listans í Mosfellsbæ flutti
þar tölu. B-listinn hefur markað sér stefnu þegar kemur að yfirfærslu
málefna fatlaðra til sveitafélaganna. Þann 22.mars sl. sátu fulltrúar
framboðsins fund með Þroskahjálp um sama málefni. Svaraði framboðið
spurningum Þroskahjálpar en svarið má sjá
hér.......
24.maí 
Gaman
hjá Framsókn
Fulltrúar B-listans hafa verið í ferð og flugi um bæinn. Rætt
við kjósendur umbæjarmálin, gefið börnunum blöðrur og fullorðnum
Framsóknarkaffi. Þá hafa frambjóðendur verið í vinnustaðheimsóknum.
Hér eru myndir sem 
teknar hafa verið.......
22.maí
Kosning
utan kjörfundar
Utankjörfundaratkvæðagreiðsla
vegna sveitarstjórnarkosninga þann 29. maí nk. fer fram í Laugardalshöll
og er opið alla daga frá kl. 10:00 -22:00.
Lokað verður hvítasunnudag þann 23. maí nk.
Á kjördag verður opið frá kl. 10:00 – 18:00 fyrir kjósendur sem búa
utan höfuðborgarsvæðisins.
Símanúmer í Laugardalshöll: 860-3380 og 860-3381.
21.maí
Svör
við algengum spurningum og staðhæfingum..
Hver styrkir kosningabaráttuna
hjá B-listanum í Mosfellsbæ?
Frambjóðendur
vinna við framboðið ásamt ættingjum og vinum í sjálfboðavinnu. Útgáfa
bæklinga og annað er hannað af okkur sjálfum og kostað með auglýsingum.
Enginn er á launaskrá hjá framboðinu. Kosningastjóri fær
greiddan útlagðan kostnað og bensínpening. Meira....
19.maí
Ekki
frítt fyrir 5. ára börnin!
Eitt
helsta loforð VG fyrir síðustu kosningar var frítt fyrir 5.ára í
leikskóla. Sé litið á leikskólagjöld Mosfellsbæjar og borið saman við
Reykjavík sést að svo er ekki a.m.k. ef horft til foreldra með eitt
barn. Þar kemur í ljós að vegna mismunar í gjaldskrá milli sveitarfélagana
þá hefur foreldri með eitt barn í Mosfellsbæ greitt upp fimmta árið
fyrirfram þar sem leikskólagjöld eru mun hærri í Mosfellsbæ en í
Reykjavík. Munurinn á gjaldskrá Mosfellsbæjar og Reykjavíkur er rúmlega
5500kr á mánuði eða 62.000 á ári (m.v. 11 mán.). Því er ljóst að
þegar barnið fer á fimmta árið eru foreldrarnir í raun búnir að
greiða það fyrirfram. Mosfellsfréttir greind frá þessu í maí
2009 og er því ljóst að engin vilji er hjá meirihlutanum að bæta úr
þessu en ný gjaldskrá tók gildi 1. október 2009 og hækkuðu gjöldin
frá því sem var 1. janúar 2008.
Ekki
kemur fram hverjir eru svokallaður forgangur hjá Mosfellsbæ og því var
ekki hægt að miða við Flokk II og III hjá Reykjavíkurborg sem eru
einhleypir foreldrar og námsmenn. Hjá Reykjavík telst forgangur vera
fyrir börn með þroskafrávik, félagsleg vandamál eða börn starfsmanna .
19.maí
Nýjar
bókhaldsreglur blása út eigið fé sveitarfélaganna
Gunnlaugur
Júlíusson, sviðstjóri hag- og upplýsingasviðs Sambands sveitarfélaga,
hefur sent stjórn sambandsins harða gagnrýni á vinnubrögð
reikningsskila- og upplýsinganefndar sveitarfélaga. Nefndin ákvað 9. apríl
síðastliðinn að breyta reikningsskilareglum hvað varðar lóðir og lönd
sveitarfélaga.
Samkvæmt
nýrri reglu ber sveitarfélögum að færa öll lönd sín og leigulóðir
sem eignir í efnahagsreikningi. Heimilt er að gera það í ársreikningi
2009 en skylt í ársreikningi 2010.
Hafnarfjörður og Mosfellsbær hafa nýtt sér þessa heimild, sem
reikningsskilanefndin samþykkti 29. apríl og hafa kynnt ársreikninga þar
sem aðferðinni er beitt.
Frá þessu segir á www.visir.is
16.maí
Opinn
fundur með Sigmundi Davíð í Mosfellsbæ
Opinn
fundur með Sigmundi Davíð Gunnlaugssyni formanni Framsóknarflokksins verður
haldinn þriðjudaginn 18.maí kl 20:00 Í listasalnum í Kjarna Þverholti.
Efni
fundarins:
Horfum til framtíðar:
Breytt stjórnmál, framtíðarlausnir
fyrir heimilin og atvinnulíf
Allir velkomnir!
15.maí
Kvöldvaka
Aftureldingar
Þann
5. maí síðastliðinn hélt Afturelding kvöldvöku þar sem stjórn félagsins
kynnti metnaðarfulla áætlun fyrir framtíðina. Afturelding á að vera
athvarf fyrir alla Mosfellinga hvort sem áhuginn liggur í að iðka íþróttir,
styðja liðið eða vera sjálfboðaliðar. Stefnan er sett á að
helmingur bæjarbúa verði virk í félagsskapnum. Sjá þeir fyrir sér
að 80% barna í Mosfellsbæ verði í íþróttum til 12 ára aldurs og
brottfall verði í lágmarki eftir það. Tekið verður upp ný stefna í
félaginu þar sem Uppeldisstefnan (barna og unglingastarfið) verði
grunnurinn. Utan um það verði svo tveir valmöguleikar þegar fólk
eldist innan félagsins. Annars vegar afreks- og keppnisíþróttir og hins
vegar lýðheilsustefna þar sem boðið verður uppá íþróttaiðkun og
stuðlað að heilbrigðu líferni án keppnisáherslu. Ysta lagið er
svo félagsstefna þar sem unnið er með Aftureldingarhjartað og félagsstarfið
(sjá meðfylgjandi mynd).
Eftir
kynningu stjórnar var svo boðið upp á umræður ásamt spurningatíma með frambjóðendum
fyrir komandi sveitarstjórnarkosningar. Mættir voru tveir
fulltrúar Framsóknar, Samfylkingar og Sjálfstæðismanna en enginn kom frá
Vinstri grænum.
14.maí
Mosfellsfréttir
er komið út
Mosfellsfréttir
26. árg, 1. tbl. 2010 er komið út. Blaðinu var dreift frítt inn á
öll heimili í bænum og vinnustaði. Í blaðinu eru fjölmargar
greinar og viðtöl m.a.
við Martein Magnússon sem skipar 1.sætið. Þá eru greinar um ýmis
bæjarmál og uppskrift að girnilegum núðlurétti.
Hér má skoða
blaðið í pdf
13.maí
Eiga Sjálfstæðismenn Skátana
og Mosfellsbæ?
Í
Uppstigningardag auglýsti Sjálfstæðisflokkurinn útivistardag á heilsíðu
í Mosfellingi sem í sjálfum sér væri í góðu lagi ef ekki væri fyrir
undarlega tengingu Skátanna, Mosfellsbæjar og flokksins.
Í auglýstri dagskrá stendur Skátarnir og Mosfellsbær vígja gönguleiðir
sem sagt vígsla Skátanna og Mosfellsbæjar orðin dagsráliður hjá Sjálfstæðisflokknum.
Ekki segir hversu margir mættu í vígsluna en sagan segir að fátt
hafi mætt í aðra dagsráliði.
Hér áður fyrr hefði svona verið kallað þetta að skreyta sig með
stolnum fjöðrum.
12.maí
Myndlistarsýning
Elísabetar Stefánsdóttur
Föstudaginn 14. maí kl. 17 - 19 er opnun sýningar Elísabetar Stefánsdóttur
/ Betu Göggu, Handföng, í Listasal Mosfellsbæjar.
Sýningin stendur til 29. maí.Verkin á sýningunni eru unnin með blandaðri
tækni, akrílmálun, áferðarþrykki og olíupastelkrít.Þau
eru unnin útfrá upplifun íslenskra kvenna á eigin líkama, fallegar mjúkar
fellingar sem myndast við þétt grip eða smá klípu sem
er ýmist framkvæmt í ergelsi eða losta.
Sýningin
er opin á afgreiðslutíma Bókasafns Mosfellsbæjar.
Aðgangur ókeypis
11.maí
Atvinnuleysi minnkar ekkert í
Mosfellsbæ
416 atvinnulausir þar af 245Karlar og 171
kona.
Atvinnuleysi
í apríl síðastliðnum mældist 9,0% og minnkar því nokkuð yfir landið,
eða um 0,3 prósentustig frá fyrri mánuði. Er þetta í lægri mörkum
þess sem reiknað var með, en Vinnumálastofnun hafði fyrir um mánuði síðan
áætlað að atvinnuleysi yrði á bilinu 9,0%-9,4% í mánuðinum. Að meðaltali
voru 14.669 manns án atvinnu í apríl og fækkaði þeim um 390 manns
milli mánaða. Í sama mánuði árið 2009 voru að meðaltali 14.814
manns án atvinnu, eða um 9,1% af vinnuafli. Meira
um stöðu málsins á vef vinnumálastofnunar. Hér......
4.maí
Mosfellsbær tapar í Hæstarétti
Hæstiréttur
dæmdi Kaupfélagi Kjalarnesþings í vil sl. föstudag í máli vegna
tilraunar Mosfellsbæjar til útburðar af leigulóðum þess síðarnefnda.
Meirihlutinn er búinn að vera í þriggja ára deilu vegna hlutaðeigandi
lóða í miðbænum. Mosfellsbær ætlaði að taka lóðir lögaðilans
án bóta og ganga þannig í raun gegn stjórnarskrá vörðuðum rétti lögaðilans.
Fulltrúi Framsóknarmanna reyndi að telja bæjarstjórn hughvarf með tillögu
um að draga áfrýjunina til baka en meirihluti bæjarstjórnar felldi tillöguna
á 534 fundi sínum þann 21.apríl sl.
Þetta
er fjórða skiptið sem bærinn tapar í þessu máli gegn Kaupfélaginu.
Fyrst tapaði Mosfellsbær einhliða riftun lóðarleigusamnings sem hafnað
var af Sýslumanni, síðan staðfesti Héraðsdómur höfnun sýslumanns,
þá fór Mosfellsbær í útburðarmál fyrir Héraðsdómi sem tapaðist
og nú síðast tapaði Mosfellsbær málinu fyrir Hæstarétti.
Þessi
skrípaleikur og málaferli hafa kostað Mosfellsbæ og skattgreiðendur
milljónir króna sem farið hafa í að greiða m.a.
fyrir málskostnað, lögfræðikostnað og dómkvadda matsmenn. Það verður
fært á spjöld sögunnar hvernig meirihluti Sjálfstæðismanna og
Vinstri-Grænna ætlaði sér að valtra yfir lögaðila með lögbundinn rétt
sinn.
3.maí
Hjólað í vinnuna er frábært tækifæri
Taktu
þátt í Hjólað í vinnuna á þínum vinnustað og bættu heilsuna og
taktu upp hollari lífsstíl og bættu umhverfið í kringum þig. Færri bílar
í umferðinni þýða minni hættu fyrir börnin á leið í skólann.
Mosfellsbær stóð sig vel
í lífshlaupinu. Nú er komin tími til að toppa hina bæina í Hjólað
í vinnuna.
Nánar á vef verkefnisins: http://hjoladivinnuna.is/
Strætó er góður valkostur
Þjónusta strætó við Mosfellsbæingar er góð. Á annatíma er leið 15
á kortersfresti og leið vagnsins liggur meðfram helstu skiptistöðvum og
stórum vinnustöðum í Reykjavík. Ef þú vinnur niðri í bæ, eða átt
heima niðrí bæ og vinnur í Mosfellsbæ, getur þú tekið strætó
og verið með í Hjólað í vinnunna og lagt þínum vinnustað lið og
jafnframt sparað bensín og aukið hreyfingu þína.
2.
maí
Kosningarskrifstofa B-listans opnuð
Laugardaginn
1.maí sl. opnaði kosningarskrifstofa B-listans að Háholti 14. Fullt var
út úr dyrum og mjög gaman.
Sigmundur Davíð formaður flokksins leit við og flutti
skemmtilegt og snjallt ávarp við mikla ánægju gesta.
veður opin alla virka
daga frá kl
16:00 -1900 og á Laugardögum frá
kl 11:00 –
14:00. fram að kosningardegi 29.maí n.k. 
Allir velkomnir í kaffi.
28.apríl
Kosningarskrifstofa
Framsóknar ,
Framsóknarflokkurinn
opnar kosningaskrifstofu laugardaginn 1.maí n.k. að Háholti 14 2.hæð. Kaffi
og veitingar. Frambjóðendur verða á staðnum.
Mosfellingar eru hvattir til að koma. Opið er milli 15-17:00.
sjá
kynningaplagat.
25.apríl
Mosfellsfréttir
er komið út
Mosfellsfréttir
26. árg, 1. tbl. 2010 er komið út. Blaðinu var dreift frítt inn á
öll heimili í bænum og vinnustaði. Í blaðinu eru fjölmargar
greinar og viðtöl m.a. við Bryndísi Bjarnarson sem skipar 2.sæti
B-listans og Snorra Hreggviðsson sem er í 3.sæti. Þá er kynning á
frambjóðendum í miðopnu blaðsins. Vef
útgáfu (Pdf) má lesa hér.
23.apríl
Umhverfisdagur Hestamannafélagsins
Sumardaginn
fyrsta 22. apríl sl. klukkan 10:00 blés beitar- og umhverfisnefnd
Hestamannafélagsins Harðar til hins árlega hreinsunardags þar sem
gæðingarnir fengu frí en þess í stað tóku knaparnir sér hrífu og/eða
plastpoka í hönd og hreinsuðu til í nánasta umhverfi félagsins. Reiðvegir
voru rakaðir og allt rusl tínt meðfram þeim auk þess sem hesthúsahverfið
og nágrenni þess var hreinsað.
Hreinsuðu
hestamenn svæðið frá Mosfellsdal og meðfram ströndinni allt að bæjarmörkum.
Það voru milli 60 og 70 hestamenn sem tóku þátt í átakinu og var
stemmningin mjög góð eins og sjá má á myndunum.
Að lokinni hreinsun bauð félagið hreinsunarmönnum upp á grillaða
hamborgara og 
pulsur.
Þetta er í ellefta skipti sem beitar-og umhverfisnefnd félagsins stendur
fyrir þessum skemmtilega viðburði en mikið rusl virðist fjúka inn á
svæðið t.d. frá byggingarsvæðunum. Fyrsta árið sem hreinsað var
afreksturinn fjórir fullir gámar en nú voru það tveir kúfullir gámar.
Fjölgun þátttakenda í hreinsunardeginum er til marks um aukna
umhverfisvitund hestamann.
22.apríl
Sumardagurinn fyrsti
Skrúðgangan
hélt frá miðbæjartorginu stundvíslega kl 1300. Gengið var niður í Lágafellsskóla
þar sem skemmtidagskrá og
leiktæki tóku við. Trúðar glens og grín, barna- og unglingakórinn ásamt
skólahljómsveit Mosfellsbæjar, Birgir Haraldsson, Bryndís Rut Óskarsdóttir
og Bryndís Gunnarsdóttir skemmtu gestum. Fjöldi manns nutu veðurblíðunnar
og skemmtiatriðanna,eins og myndirnar bera með sér.
8.apríl
Framboðslistinn samþykktur samhljóða
Marteinn og Bryndís leiða nýsamþykktan lista Framsóknarmanna
Á fjölmennum félagsfundi Framsóknarfélaganna í Mosfellsbæ miðvikudaginn
31.mars s.l. var nýr framboðslisti fyrir bæjarstjórnarkosningarnar 29.maí
n.k. samþykktur með öllum greiddum atkvæðum.
Efstu sex sætin eru samkvæmt bindandi niðurstöðu fyrsta prófkjörs
framsóknarmann í Mosfellsbæ. Næstu sæti eru samkvæmt niðurstöðu
uppstillingarnefndar félagsins. Mikil endurnýjun er á listanum eða níu af
fjórtán. Inn kemur nýtt og kraftmikið fólk með víðtæka reynslu. Mikil ánægja
og einhugur var meðal fundarmanna með framboðslistann.
Þröstur Karlsson atvinnurekandi og f.v. bæjarfulltrúi skipar heiðursæti
listans. Alþingismennirnir Siv Friðleifsdóttir og Sigurður Ingi Jóhannsson
voru sérstakir gestir fundarins.
Marteinn Magnússon 1. sæti
Bryndís Bjarnarson 2. sæti
Snorri Hreggviðsson 3. sæti
Björg Reehaug Jensdóttir 4. sæti
Linda Björk Stefánsdóttir 5. sæti
Sveinbjörn Ottesen 6. sæti
Ásta Björk Benediktsdóttir 7. sæti
Óli Kárason Tran 8. sæti
Guðni Þorbjörnsson 9. sæti
Eggert Sólberg Jónsson 10. sæti
Vigdís Beck 11. sæti
Kristbjörg Þórisdóttir 12. sæti
Níels U. Hauksson 13. sæti
Þröstur Karlsson 14. sæti
7.apríl
Íslenskir
aðalverktakar áttu lægsta boð í tvöföldun Vesturlandsvegar
Íslenskir aðalverktakar áttu lægsta boð í tvöföldun
Vesturlandsvegar milli Hafravatnsvegar og Þingvallavegar í Mosfellsbæ, upp á
75,8 prósent af kostnaðaráætlun en næstlægsta boð var aðeins einu prómilli
hærra. Þetta er fyrsta stóra útboðið hjá Vegagerðinni í nærri heilt ár.
Tíu verktakar buðu en kostnaðaráætlun var upp á 339 milljónir króna.
Íslenskir aðalverktakar reyndust lægstir, buðu 256,9 milljónir króna, eða
75,8 prósent af kostnaðaráætlun en aðeins munaði 270 þúsund krónum á þeim og
Loftorku, sem átti næstlægsta boð, upp á 75,9 prósent af áætlun, og einnig
var stutt í þriðja lægsta boð, frá Háfelli. Búið er við að framkvæmdir
hefjist á næstu vikum en verkinu á að ljúka að fullu haustið 2011. Frá þessu
sagði á www.visir.is
29.mars
Almennur
félagsfundur
Almennur
félagsfundur verður haldinn í Framsóknarfélagi Mosfellsbæjar miðvikudaginn
31 mars n.k. og hefst kl 17.00. Sérstakur gestur fundarins verður alþingismaðurinn Sigurður
Ingi Jóhannsson.
Fundarefni:
Framboðslisti vegna sveitarstjórnarkosninganna verður borinn upp til samþykktar.
Framsóknarfélag
Mosfellsbæjar
26.mars
Meirihlutinn hafnaði íbúalýðræði í tvígang!
Það
ótrúlega gerðist á bæjarstjórnarfundi miðvikudaginn 24.sl., meirihluti
Sjálfstæðisflokks og Vinstri grænna höfnuðu í tvígang tillögu minnihlutans
um íbúakosningu samhliða sveitarstjórnarkosningum þann 29.maí n.k..
Tillögurnar gengu út á að íbúar yrðu spurðir um staðsetningu kirkju og
hvort kirkja og menningarhús ættu að vera sambyggð eða ekki. Þetta verður að
teljast merkilegt í ljósi þess að þessir sömu flokkar hafa reynt slá ryk í
augu bæjarbúa með því að skreyta sig með íbúalýðræði þótt framkvæmd þess
hafi þótt lítt sannfærandi til þessa. Með þessu telst það full sannað að
íbúalýðræði er ekki ofarlega á forgangslista þessar flokka. Bókanir gengu á
víxl en þær má sjá í heild sinni inn á vef bæjarins
www.mos.is en hér á eftir fer bókun fulltrúa
B-lista. Meira.....
23.mars
Framsókn
í Mosfellsbæ svarar spurningum Þroskahjálpar
Fulltrúar
á framboðslista Framsóknarflokksins í Mosfellsbæ svaraði í gær
spurningum Þroskahjálpar en Landssamtökin Þroskahjálp óskuð því
eftir að fá skoðun framboðsins
á því hvaða möguleika það sæi í fyrirhuguðum breytingum og hvernig
staðið verði sem best að yfirfærslunni. Þá kölluðu samtökin eftir
svari við því hvort framboðið hafi kynnt sér samning Sameinuðu þjóðanna
um réttindi fatlaðs fólks og áhrif þess samnings á þjónustuna.
Samtökin lýstu einnig yfir því að þau eru hvenær sem er fús til
skrafs og ráðgerða um þetta mikilvæga verkefni.
Svarið má sjá hér.....
22.mars
Málefnafundir
Framsóknarfélags Mosfellsbæjar
Málefnafundir
Framsóknarfélags Mosfellsbæjar verða haldnir dagana 23,24 og 29 mars
n.k. fundarstaður salur Framsóknarfélags Mosfellsbæjar Háholti 14 2.hæð.
Þriðjudagur
23. mars kl. 20:00 Umhverfis og skipulagsmál,
fundarstjórar: Marteinn og Bryndís
Miðvikudagurinn 24 mars. kl: 17:00 Menningar- íþrótta og tómstundamál,
fundarstjórar: Eggert og Óli
Miðvikudaginn 24. mars kl. 20:00 Fjölskyldu og fræðslumál,
fundarstjórar: Björg,Helga og Ingi Már
Mánudagurinn 29. mars kl . 17:45 Atvinnu-þróunar og ferðamál,
fundarstjórar: Snorri og Marteinn
Allir
velkomnir
Byggjum
betri bæ saman!
16.mars
Mosfellsbær
á eldrauðu ljósi
Sérstakt
í ljósi stóraukinna tekna sveitarfélagsins undanfarin ár.
Í
samantekt Morgunblaðsins núna um helgina kom m.a. fram að flest sveitarfélögin
á höfuðborgarsvæðinu hafi farið yfir á eldrauðu ljósi eins og
það er orðað. Í greininni kemur meðal annars fram að engin ákvæði
eru í lögum um hversu miklum heildarskuldum sveitarfélögin mega safna.
Þá er það sérstakt að skuldir sveitarfélaganna skuli vera svo miklar
sem raun ber vitni í ljósi gríðarlegra tekjuaukningar sem
sveitarfélögin hafa fengið á tímum góðæris.
Athygli vekur að samkvæmt samantekt Morgunblaðsins þá er skuldarstaða
Mosfellsbæjar mjög alvarleg eða 171% af heildartekjum sveitarfélagsins
og skuldir pr. íbúa 923.605,-kr.
Greinina má sjá hér.....
12.mars
Afmælistónleikar
karlakórsins Stefnis
Karlakórinn
Stefnir hélt 70 ár afmælistónleika í Guðríðarkirkju
Karlakórinn
Stefnir er 70 ár og af því tilefni voru tónleikar í Guðríðarkirkju
10,11,og 12 mars. Á efnisskrá kórsins voru nítján lög sem kórinn
hefur flutt á tónleikum í gegnum tíðina. Stjórnandi kórsins er Gunnar
Ben, undirleikari á tónleikunum var Judith Þorbergsson en einsöngvari
var Kristinn Sigmundsson sérstakur gestur var Þórunn Lársdóttir.
Tónleikarnir voru hin besta skemmtun og ljóst að kórinn hefur sjaldan eða
aldrei verið betri. Kristinn Sigmundsson kryddaði tónleikanna með einstökum
og gefandi flutningi. Þórunn
Lárusdóttir flutti mjög fallega “Sofðu unga ástin mín” og
með tilþrifum“ I got rhythm”.
Gaman verður að fylgjast með öldruðum (70) kórnum á næstunni undir
stjórn hins unga stjórnanda.
9.mars
Heilsuvika
í Mosfellsbæ 3. - 8. maí 2010
Heilsuvika
verður í Mosfellsbæ vikuna 3-8. maí n.k. Mosfellsbær er aðili að lýðheilsuverkefni
sem ber yfirskriftina"Allt
hefur áhrif, einkum við sjálf" sem Lýðheilsustöð stendur
fyrir. Alls eru 25 sveitarfélög þátttakendur í verkefninu.
Síðustu 2 ár hefur heilsuvikan einkum verið sniðin að leik- og grunnskóla
bæjarins. Heilsuvikan hefur endað á laugardegi með heilsuhlaupi og
kynningum á ýmsu heilsutengdu efni. Einnig hefur verið boðið upp á blóðþrýstings-
og beinþéttnimælingar.
Í
ár verður heilsuvikan dagana 3. – 8. maí. Stefnt er að frekar þátttöku
og virkni allra Mosfellinga í heilsuvikunni og ekki síður að hvetja til
þátttöku í heilsuhlaupinu þann 8. maí sem verður á Varmársvæðinu.
Heilsuvikan er því kjörið tækifæri fyrir Mosfellinga til að efla
hreyfingu og útivist, borða hollan mat og fara þannig heilbrigð inn í
sumarið.
3.mars
Fámennt
á samráðsfundi
Skipulags-
og byggingarnefnd boðaði til samráðsfundar með íbúum um umræðu efnið
nýtt hesthúsahverfi í Mosfellsbæ. Frummælendur voru Gylfi Guðjónsson
arkitekt og Guðjón Magnússon formaður hestamannafélagsins Harðar.
Fámennt var á fundinum og fáir aðrir en embættismenn nefndarmenn og
frambjóðendur auk örfárra hestamanna. Líflegar umræður sköpuðust
og margar góðar hugmyndir vöknuðu. Farið var í SVOT greiningu á einum
átta mögulegum staðsetningarmöguleikum að nýju hesthúsahverfi.
3.mars
Ragnheiður Ríkharðsdóttir
fékk fjórar milljónir í framlög vegna prófkjörs.
Í
Fréttablaðinu í dag kom fram að Ragnheiður Ríkharðsdóttir fékk hálfa
milljón frá Baugi vegna prófkjörs 2006 og í heildina fjórar milljónir
og 250 þúsund krónur vegna prófkjörs fyrir alþingiskosningarnar 2007.
Önnur framlög lögaðila námu 2.750.000 krónum, undir hálfri milljón
hvert og eitt. Ein milljón kom frá einstaklingum. Þá kom fram að Ragnheiður
reiddi sjálf fram tæpar 2,5 milljónir. Ragnheiði bar ekki skylda til að
birta þessar upplýsingar. Þó nokkrir þingmenn sjálfstæðisflokksins
hafa þegið fjárframlög frá Baugi og fyrirtækjum tengdum þeim.
Ragnheiður ein hæst
launaða alþingiskonan! Skemmst
er að minnast umfjöllunar DV um laun sveitarstjórnamanna sem tóku sæti
á alþingi eftir alþingiskosningarnar 2007 en þar kom fram að laun
Ragnheiðar voru tæplega ein og hálf milljón á mánuði. Ragnheiði lét
af störfum 31.ágúst 2007 eftir rúmlega fimm ára starf sem bæjarstjóri.
27.febrúar
Marteinn
Magnússon í 1.sæti
Marteinn Magnússon bæjarfulltrúi fékk 68,7% atkvæða í
fyrsta sæti í prófkjörinu í dag.
en prófkjörið var það fyrsta í sögu félagsins. Mikil endurnýjun var á
listanum. Tíu frambjóðendur tóku þátt í prófkjörinu og varð röð sex efstu
manna sem hér segir:
1. Marteinn Magnússon
2. Bryndís Bjarnarson
3. Snorri Hreggviðsson
4. Björg Reehaug Jensdóttir
5. Linda Björk Stefánsdóttir
6. Sveinbjörn Ottesen
26.
febrúar
Fundur
með frambjóðendum prófkjörs Framsóknarmanna.
Fundur
með frambjóðendum sem taka þátt í prófkjöri Framsóknarmanna var
haldinn í gærkvöldi. Frambjóðendur fluttu framsögu og þá var opnað
fyrir spurningar. Mest
26.febrúar
Valdimar
Leó í þriðja sætið
Sigurvegari
prófkjörs Samfylkingarinnar Valdimar Leó hafnaði í þriðja sæti eftir að
kjörnefnd hafði breytt listanum í kjölfar mikillar óánægju í herbúðum
Samfylkingarinnar. Óánægjan beindist m.a. að því að hafa tvo karla í
efstu sætunum og töldu sumir að um óeðlilega mikla smölun hefði
verið að ræða meðal frambjóðenda í prófkjörinu. Í
prófkjörinu hlaut enginn frambjóðenda 50% atkvæða og því ekki bindandi sæti.
Athygli og undrun vekur að Valdimar sem aðeins var tveimur atkvæðum frá
því að fella sitjandi oddvita til 16 ára sé settur í þriðja
sætið.
Fleyg eru orð Hönnu Bjartmas í Fréttablaðinu en þar gagnrýndi hún að
tveir miðaldra karlmenn leiddu listann.
1. Jónas Sigurðsson
2. Hanna Bjartmars Arnardóttir
3. Valdimar Leó Friðriksson
4. Anna Sigríður Guðnadóttir
25.febrúar
FUNDUR
MEÐ FRAMBJÓÐENDUM
Kynningarfundur
með frambjóðendum prófkjörsins verður haldinn
fimmtudaginn 25. febrúar klukkan 20:00 í sal Framsóknarfélags Mosfellsbæjar
að Háholti 14. 2.hæð. frambjóðendur.
25.febrúar
Mikil
ólga innan Samfylkingar!
Athygli
hefur vakið sú mikla ólga sem er innan Samfylkingar í kjölfar þess að
Valdimar Leó var rétt búinn að fella sitjandi oddvita í
prófkjöri flokksins.
Sérstaka
athygli vekur fullyrðing oddvita Samfylkingarinnar í
www.vísi.is í dag að ekki komi til greina að hafa karla í tveimur
efstu sætum listans. Í svipaðan streng tók Hanna Bjartmars í Fréttablaðinu
nýlega en þar gagnrýndi hún að tveir miðaldra karlmenn leiddu listann.
Samkvæmt www.visir.is þá er haft eftir Valdimar að “hæpið sé
gagnvart kjósendum að færa sig neðar þar sem hann hafi í raun unnið
kosningasigur en einungis einu atkvæði munaði á honum og Jónasi” en
Jónas fékk aðeins 38% atkvæða til að leiða listann.
Þess
má geta að Jónas hefur verið í forystu G-listans og síðar
Samfylkingar í sextán ár. Kjörnefndinni bíður því vandasamt verkefni
enda ljóst að til klofnings gæti komið líkt og gæti verið uppi hjá
Sjálfstæðismönnum í Kópavogi.
22.febrúar
Mosfellsbær
og Álftanes skulda rúma 7 milljarða
Dv
skrifaði á dögunum ágæta grein um skuldastöðu sveitarfélaganna en í
henni kemur m.a. fram samanburður á skuldum nokkurra af stærstu sveitarfélögunum.
Í greininni er sýndar
heildarskuldir og skuldir pr. mann en þar má sjá að skuldir í Mosfellsbæ
eru 827þúsund pr. mann á meðan Reykjavík er með 361þúsund pr.mann.
Álftanes tæpar þrjár milljónir á mann og Kópavogur með rúma milljón
á hvern íbúa. Þessar tölur eru miðaðar við langtíma og skammtímaskulda
auk skuldbindinga. Ekki var tekið tillit til eignarstöðu sveitarfélaganna.
Ef þú vilt skoða greinina í heild sinni þá getur þú skoðað hana hér.....
19.febrúar
Kynning
á frambjóðendum vegna prófkjörs Framsóknarmanna.
Framsóknarfélögin í Mosfellsbæ hafa
gefið út kynningarrit vegna prófkjörs sem fer fram 27.febrúar
n.k.
Prófkjörið
fer fram laugardaginn 27. febrúar 2010 frá klukkan 10.00 til 15.00 í sal
Framsóknarfélags Mosfellsbæjar að Háholti 14 í Mosfellsbæ.
Prófkjörið
er öllum opið sem skráðir eru í Framsóknarflokkinn og eru með
kosningarétt
og lögheimili í Mosfellsbæ á kjördegi.
Utankjörfundaratkvæðagreiðsla fer fram á skrifstofu Framsóknarflokksins
að Hverfisgötu 33 í Reykjavík dagana 22.-26. febrúar nk. á milli
klukkan 13 og 17. sjá
pdf eintak af blaðinu hér...
18.febrúar
Hildigunnur
Birgisdóttir opnar sýningu í Listasal Mosfellsbæjar
Laugardaginn
20. febrúar kl. 14 - 16 er opnun sýningar Hildigunnar Birgisdóttur, Margt
í mörgu, í Listasal Mosfellsbæjar. Hildigunnur sýnir teikningar og skúlptúra
sem eru framhald af vangaveltum hennar um kerfi og reglur - glundroða
og útnára efnisheimsins.
Sýningin er opin á afgreiðslutíma Bókasafns Mosfellsbæjar
Allir velkomnir - aðgangur ókeypis
Hildigunnur Birgisdóttir (f. 1981) lauk námi frá myndlistardeild Listaháskóla
Íslands árið 2003. Síðan þá hefur hún m.a. verið framkvæmdastjóri
Skaftfells - miðstöðvar myndlistar á Austurlandi, á Seyðisfirði,
kennt myndlist við Myndlistaskóla Reykjavíkur, starfað í I8 galleríi
og setið í stjórn Nýlistasafns Íslands.
14.febrúar
Íslandsmet
í faðmlögum sett í Mosfellsbæ
Mosfellingar
reyndu í dag við heimsmetið í hópfaðmlögum en urðu að sætta sig við
nýtt Íslandsmet. Þá komst Bandaríkjamaður í heimsmetabók Guinness í
nótt fyrir að faðma meira en 7000 manns á einum sólarhring.
Kærleiksvika
hófst í Mosfellsbæ í dag og af því tilefni var efnt til mikilla hópfaðmlaga
á Miðbæjartorgi. Farið var nákvæmlega eftir reglum heimsmetabókar
Guinness og lögregla aðstoðaði við að loka svæðið af. Alls föðmuðust
370 manns þegar mest var og hlýtur það að teljast nýtt Íslandsmet.
Heimsmetið var sett í Lundúnum en þar föðmuðust 626 manns og
Mosfellingar stefna að því slá það á næsta ári. Rúv sagði frá.
meira
12.febrúar
Atvinnuleysi
heldur áfram að aukast!
Skráð
atvinnuleysi í janúar mældist 9% sem er 0,8 prósentustigum meira en það
var í desembermánuði. 14.705 manns voru án atvinnu að meðaltali
í janúar. 4þúsund manns hafa verið án atvinnu í meira en ár og
þar af tæpur helmingur í sex mánuði eða lengur. Líklegt
er að atvinnuleysi muni haldast áfram mikið á árinu en samkvæmt könnun
vildu fleiri fyrirtæki fækka starfsmönnum og færri höfðu í hyggju að
fjölga þeim. Reiknar Seðlabankinn með að atvinnuleysi haldist mikið út
árið, þ.e. á bilinu 9%-10%, og alveg fram á annan ársfjórðung 2010.
Eftir það gerir bankinn svo ráð fyrir að atvinnuleysi fari minnkandi
eftir því sem efnahags- umsvif aukast. Þetta er meðal þess sem kemur
fram í Morgunkorni Ísl.banka.
11.febrúar
Gljúfrasteinn
tekur þátt í safnanótt
Gljúfrasteinn
tekur þátt í safnanótt
í fyrsta sinn í ár og verður með opið frá klukkan 19-24 föstudaginn
12. febrúar. Boðið er upp á hljóðleiðsögn um húsið og margmiðlunarsýningu
í móttökuhúsi.
Klukkan 21 verður KK með tónleika í stofunni.
Allir velkomnir á meðan húsrúm leyfir. Aðgangur er ókeypis.
KK spilaði fyrir fullu húsi á stofutónleikum Gljúfrasteins síðasta
sumar. Hér
má finna tengil á upptöku frá þeim tónleikum.
Safnastrætó mun keyra frá Kjarvalsstöðum til Gljúfrasteins klukkan 20
og til baka klukkan 22.
2.febrúar
Prófkjör
Framsóknarmanna í Mosfellsbæ
Frestur
til framboðs vegna sveitarstjórnarkosninganna vorið 2010 rann út
1.febrúar sl.. Tíu gáfu kost á sér en kosið verður um sex efstu sæti
listans þann 27.febrúar n.k.:
Marteinn Magnússon
sækist eftir 1.sæti
Bryndís
Bjarnarson
sækist eftir 2. sæti
Snorri
Hreggviðsson
sækist eftir 2. sæti
Björg Reehaug Jensdóttir sækist eftir 2.-3.sæti
Ásta Björk Benediktsdóttir sækist eftir 2.-3.sæti
Guðni
Þorbjörnsson
sækist eftir 3.-5.sæti
Linda Björk Stefánsdóttir sækist eftir 3.-4.
sæti
Sveinbjörn
Ottesen
sækist eftir 4.sæti
Óli Kárason Tran
sækist eftir 5.-6.sæti
Eggert Sólberg Jónsson sækist eftir
5.-6.sæti
Prófkjörið
er opið öllum sem skráðir eru í Framsóknarflokkinn, eru með kosningarétt
og með lögheimili í Mosfellsbæ á kjördegi.
Formaður
kjörstjórnar er Þröstur Karlsson.
22.janúar
Pistill
frá ritara flokksins
Framsóknarmenn
hafa miklar áhyggjur af atvinnuástandinu í landinu. Í ár stefnir í að
atvinnuleysi verði um 10% og fjöldi fyrirtækja á eftir að hætta
rekstri. Grunnur hagvaxtar í landinu átti að vera nýjar stórframkvæmdir,
virkjanir á Suðurlandi og álver á Suðurnesjum. Ríkisstjórnin lofaði
í stöðugleikasáttmálanum að engar hindranir yrðu í vegi þessara
framkvæmda og á móti lofuðu aðilar vinnumarkaðarins að stöðugleiki
yrði á vinnumarkaðnum.
Síðan þá hefur ríkisstjórnin gert sitt allra besta til að svíkja
samkomulagið. Framkvæmdir á Bakka hafa verið blásnar af, umhverfisráðherra
situr enn þá á aðalskipulagi sveitarfélaga við Þjórsá til að
tryggja að ekki verið farið í virkjanir þar og tókst svo á ótrúlegan
máta að tefja umhverfismat og skipulagsmál Suðvesturlínunnar. Meira.....
Meira.....
22.janúar
Björg
Jensdóttir nýr jafnréttisfulltrúi Framsóknarflokksins
Á
fundi landsstjórnar Framsóknarflokksins í gær, miðvikudag, var ákveðið
að ráða Björgu Reehaug Jensdóttur sem jafnréttisfulltrúa Framsóknarflokksins.
Björg er með dýplómagráðu í viðskiptafræði frá Háskóla Íslands
og stundar nú nám í uppeldis- og menntunarfræði við menntavísindasvið
HÍ. Björg er í stjórn Framsóknarfélags Mosfellsbæjar, situr í miðstjórn
flokksins og í framkvæmdastjórn Landssambands framsóknarkvenna. Björg
er boðin hjartanlega velkomin til starfa og er vænst mikils af störfum
hennar nú í aðdraganda sveitarstjórnarkosninganna.
21.janúar
Prófkjör
Framsóknarmanna í Mosfellsbæ
Prófkjör
Framsóknarmanna í Mosfellsbæ vegna bæjarstjórnarkosninga í Mosfellsbæ
vorið 2010.
Prófkjörið
er opið öllum sem skráðir eru í Framsóknarflokkinn, eru með kosningarétt
og með lögheimili í Mosfellsbæ á kjördegi. Tilkynning
um þátttöku skilist til formans kjörstjórnar Þrastar Karlssonar tkarls@centrum.is
eða í síma 8945111 fyrir 1.febrúar 2010 kl.12:00 á hádegi.
Frambjóðandi skal skila mynd á tölvutæku formi og stuttu æviágripi.
Stjórn
Framsóknarfélags Mosfellsbæjar
16.janúar
Félagsfundur
Framsóknarfélags Mosfellsbæjar
Félagsfundur Framsóknarfélags
Mosfellsbæjar verður haldinn 18. janúar 2010 í sal félagsins að Háholti
14. 2.hæð kl 20.00.
Fundarefni:
• Sveitastjórnarkosningar 2010
• Ákvörðun um val á framboðslista
• Kosningabaráttan í vor
Áhugasamir frambjóðendur hafi samband við Óðinn Pétur Vigfússon í síma
868-1313 fyrir 1. janúar 2010.
Stjórn Framsóknarfélags Mosfellsbæjar
15.janúar
Embla valin Mosfellingur ársins
Embla
Ágústsdóttir hefur verið valin Mosfellingur ársins 2009 af bæjarblaðinu
Mosfellingi í Mosfellsbæ. Embla lætur hreyfihömlun ekki hindra sig í að
lifa lífinu og ná háleitum markmiðum sínum í námi og starfi. Með því
að miðla af reynslu sinni og lífssýn hefur hún unnið að því að
breyta viðhorfum til fatlaðra og fengið fólk til að skilja að þó
hreyfihömlun sé áskorun þá sé hún ekki endilega afsökun. Embla hefur
að undanförnu haldið fjölda fyrirlestra sem tengjast málefnum fatlaðra.
Embla er nemandi á félagsfræðibraut í borgarholtsskóla og stefnir á háskólanám
í fötlunar- og kynjafræðum. Embla er öflug sundkona og æfði í mörg
ár með íþróttafélagi fatlaðra. Hún lék einnig á slagverk með Skólahljómsveit
Mosfellsbæjar á sínum yngri árum. Þetta er í fimmta sinn sem
Mosfellingur veitir þessa viðurkenningu.
10.janúar
Opinn fundur með þingmönnum
Framsókna
Framsóknarfélag Reykjavíkur boðar til opins fundar með þingmönnum flokksins
þeim Sigmundi Davíð Gunnlaugssyni og Vigdísi Hauksdóttur, miðvikudaginn 13.
janúar kl. 12:00 í Gyllta salnum á Hótel Borg. Umræðuefni: Icesave og
staðan í dag.
Dagskrá:
Fundur settur: Guðmundur Gíslason, formaður FR
Skipun fundarstjóra: Einar Skúlason
Framsaga: Sigmundur Davíð Gunnlaugsson og Vigdís Hauksdóttir
Fyrirspurnir úr sal
Áætluð fundarlok kl. 13:10
Súpa, fiskur og kaffi – 1.500 kr.
Allir velkomnir – stjórnin
9.janúar
Þorrablót framsóknarmanna haldið í Kópavogi
Hið
árlega og vinsæla þorrablót verður haldið laugardaginn 16. janúar nk. Blótið
verður haldið í Lionssalnum að Auðbrekku 25-27 Kópavogi.
Dagskrá verður með hefðbundnu sniði. Húsið opnar kl. 19:00 og blótað við
bæjardyr. Um kl. 20:00 hefst borðhald og borð munu svigna undan þjóðlegu
góðgæti.
Veislustjóri verður Vigdís Hauksdóttir, þingmaður Framsóknarflokksins,
sérstakur gestur er Sigmundur Davíð Gunnlaugsson formaður
Framsóknarflokksins. Þá munu Níels Árni Lund og Guðmundur Steingrímsson fara
með gamanmál að hætti framsóknarmanna.
Að loknu borðhaldi mun hljómsveitin Sælusveitin leika fyrir dansi og ná fram
sælusvip á blótsgestum.
Miðaverð kr. 5.500,-
Upplýsingar og miðapantanir hjá Unu Maríu í s: 896-4189 eða Sveini í s:
821-1027.
MISSTU EKKI AF ÞORRABLÓTI ÁRSINS!
7.janúar
Aðaltún
10 og 12 fékk viðurkenningu Orkuveitu Reykjavíkur fyrir fallega
skreytingu..
Hjörleifur
B. Kvaran, forstjóri Orkuveitu Reykjavíkur, afhenti viðurkenningar
fyrir jólaljósaskreytingar á
veitusvæði fyrirtækisins fyrir rafmagn við athöfn í gær. Hér
fylgir listi yfir viðkomandi hús með umsögn dómnefndar.
Reykjavík,
Safamýri 18: Jólalýsing sem fer afar vel í umhverfinu. Stílhrein
og flott.
Garðabær,
Súlunes 26: Björt og lifandi skreyting sem leggur áherslu á samræmi
í litavali og heildarsvip.
Kópavogur,
Ársalir 1 og 3: Húsfélögin við Ársali, ljósaskreytingar sem
mynda samstæða heild og færa götunni jólasvip.
Seltjarnarnes,
Nesbali 106: Stílhrein og falleg jólalýsing sem fer afar vel í
umhverfinu.
Mosfellsbær,
Aðaltún 10 og 12: Fallega skreytt parhús sem mynda samstæða
heild.
Akranes,
Bakkatún 4: Stílhrein og falleg jólalýsing með hvítum ljósum.
1.janúar
Mosfellsfréttir
óska öllum gleðilegs nýs árs með þakklæti fyrir allt gamalt og gott
í gegnum tíðina.
Megi komandi ár veita ykkur gæfu og gleði
